Orufu niruleta obushasi n’obujune bungi. Niyo nshonga Ebibulia negamba orufu okwo ruli mubisha. (1 Abakorinto 15:26) Omwisomo lya 27, okega nk’okwo Yehova naija kusilikya omubisha ogwo. Kyonkai kiraba kitai aha bantu balinya abafire? Omwisomo eli, noija kwega bingi ebikwete aha shubi ya Yehova eli nungi muno. Naija kuhimbura amabilioni g’abantu babase kushemelerwa oburora eirai lyona. Arabahimbura bashube babe barora! Isi, omu mazima ekyo nikibasikana? Isi, nibaija kuhimburwa babase kutura omwiguru anga omu nsi?

1. Yehova naija kukoleraki abagonzibwa baitu abafire?

Yehova nayegomba muno kuhimbura abantu abafire. Yobu omushaija ayabaire aina omwesigo, akaba aina obwesige nk’okwo karafa Katonda tamwebwe. Akagambira Katonda ati: “Olinyeta, nkwetabuke [kuruga omu nyanga].”​—Shoma Yobu 14:13-15.

2. Nitumanya tutai nk’okwo abantu abafire nibabasa kuhimburwa?

Yesu orwo yabaire ali omu nsi, Katonda akamuha amani g’okuhimbura abantu. Yesu akahimbura omwisiki ayabaire aina emyaka 12 n’omwana w’entubwa kazi. (Mari ko 5:41, 42; Luka 7:12-15) Omu kanya akahondeireho, Lazaro, munywanyi wa Yesu akafa. N’orwo Lazaro yabaire yafire omubiligwe gwamazire ebiro binai omunyanga, Yesu akamuhimbura. Orwo Yesu yamazire kushaba ahali Katonda, atungamya eiraka ayeta ati: “Lazaro, turuka!” Aho “ayaba afire aturuka” ali murora! (Yohana 11:43, 44) Tekeleza abanywanyi babo n’abantu ab’eka ya Lazaro okwo bashemeleirwe!

3. Aliho shubiki aha bagonzibwa bawe abafire?

Ebibulia netushubiza eti: “Aliyo okuhimbuka.” (Ebikorwa 24:15) Abantu abo Yesu yahimbwire orwo yabaire ali omu nsi bakaba batagire mwiguru. (Yohana 3:13) Bakashemelerwa kuhimburwa aha omu nsi. Kwakwo n’omu kanya akali haihi, Yesu naija kuhimbura amabilioni g’abantu babase kushemelerwa kutura eirai lyona omu nsi eli paradiso. Akagamba ati “Bona abali omubituro by’obwijukiro” barahimburwa, nabalinya abotutakijuka kyonkai Katonda nabaijuka.​—Yohana 5:28, 29.

 MANYURUZA

4. Yesu akolekya okwo aina obushobora bw’okuhimbura abantu abafire

Yega omanye bingi ebikwete akwo Yesu yakoleire munywanyiwe Lazaro. Shoma Yohana 11:14, 38-44, mushube mufumoreho ebibazo ebi:

• Nitumanya tutai nk’okwo Lazaro akaba afire kwo?—Leba orujuru rwa 39.

• Lazaro karaba yabaire agire omwiguru, isi, notekeleza Yesu yakushubire amugarura omu nsi?

Yolekya EVIDEO.

5. Abantu bangi nibaija kuhimburwa!

Shoma Ezaburi 37:29, mushube mufumoreho ekibazo eki:

• Amabilioni g’abantu nibaija kuhimburwa bature nkahai?

Yesu naija kuhimbura abantu bangi muno, tibalinya abalikwegashaniza ahali Yehova bonkai. Shoma Ebikorwa 24:15, mushube mufumoreho ekibazo eki:

• N’ohai ow’olikwenda kubona nahimburwa?

• Eshubi y’okuhimbuka etairemu omwoyo n’okumara mara etai abazaire ba Phelicity?

 OMUBIGUFI

Ebibulia netushubiza nk’okwo amabilioni g’abantu abafire barahimburwa. Yehova nagonza barore mara bashube bature, kandi ahaire Yesu amani ag’okubahimbura.

Isi ebi wakubihorora otai?

• Yehova na Yesu nibehulira batai ekikwete aha kuhimbura abantu abafire?

• Amabilioni g’abantu abarahimburwa nibaija kutura nkahai, omwiguru anga omu nsi? Kubaki n’ohorora otyo?

• Kubaki oina obwesige nk’okwo abagonzibwa bawe abafire nibaija kushuba kurora?