EISOMO LYA 31

Obukama bwa Katonda Kiki?

ZANISA

Obukama bwa Katonda nigo makuru agali g’omugasho muno agali omu Bibulia. Yehova arakozesa Obukama obwo kugobesheleza ekigendelerokye ekya kwema ambandizo eky’okukora ensi kuba paradiso. Obukama obwo kiki? Isi, nitumanya tutai nk’okwo bwabandize kutwara? Obukama obwo bugobesheleize bintuki? Kandi nibwija kugobesheleza bintuki omu kanya akalikwija? Ebibazo ebi birahororwa omwisomo eli n’omu masomo gabili agali kuhonderaho.

1. Obukama bwa Katonda kiki, n’Omukama wabwo n’ohai?

Obukama obwo, serikali eyabandisibwe Yehova Katonda wenene. Kandi Omukama w’Obukama obwo ni Yesu Kirisito, ali kutwara kuruga omwiguru. (Matayo 4:17; Yohana 18:36) Ebibulia negamba eti ekikwete ahali Yesu: “aratwara ali Mukama . . . eirai lyona.” (Luka 1:32, 33, NWT) Aha rw’okuba Yesu niwe Mukama w’Obukama bwa Katonda, naija kutwara abantu bona omu nsi.

2. Nibahai abaratwara hamoi na Yesu?

Yesu nayema n’abandi kutwara. “Abantu ababuli runganda n’orulimi n’eihanga . . . baratwara bali bakama eiguru y’ensi.” (Okushurulirwa 5:9, 10, NWT) Abantu abarayema hamoi na Kirisito kutwara ni bangahai? Kwema orwo Yesu yaizire omu nsi, amamilioni g’abantu babaire begesibwabe. Kyonkai abantu 144,000 nibo bonkai abalikugya omwiguru kwema na Yesu kutwara. (Shoma Okushurulirwa 14:1-4.) Abakirisito abandi bona abali omu nsi nibaija kuba banyansi b’Obukama obwo.—Ezaburi 37:29.

3. Kubaki obukama bwa Katonda nibwo buli kugasha muno kushaaga eserikali z’abantu?

Norwo abatwazi b’eserikali z’abantu balikwekaza kukora ebintu ebirungi, tibaina bushobora bwa kukora bintu byona ebyo balikwenda. Orwo akanya kabo akokutwara kali kuhwa, rundi abatwazi abandi abali kweyenda bakubanza kutwara n’okutetaho banyansi babo. Kyonkai ekikwete ahali Yesu omutwazi w’obukama bwa Katonda, taliho omutwazi ondijo alikwija kumwiyaho. Katonda “[ataireho] obukama obutalisilikibwa nakati.” (Danieli 2:44, NWT) Yesu naija kutwara ensi yona, talikwija kugira kigonzi. Yesu aina engonzi, ekisha, n’ehaki, nawe naija kwegesa abantu kokolera abandi omu omungozi, omukisha, n’omu haki.—Shoma Isaya 11:9.

MANYURUZA

Enjuza omanye kubaki obukama bwa Katonda niyo serikali eli y’omugasho muno kushaaga eserikali ezindi zona ez’abantu.

4. Eserikali ey’amani eratwara ensi yona

Yesu Kirisito aina amani gangi muno ag’okutwara kushaaga omutwazi ondijo wena wena aratwete. Shoma Matayo 28:18, mushube mufumoreho ekibazo eki:

Kubaki Yesu niwe obutwazi aina ekitinwa kihango muno kushaaga omutwazi wena wena ow’eserikali z’abantu?

Eserikali z’abantu nizihinduka hinduka, na buli serikali eina ekichweka nanka ekyo elikutwara omu nsi. Kili kitai obukama bwa Katonda? Shoma Danieli 7:14, mushube mufumoreho ebibazo ebi:

Kubaki nikishemera kumanya nk’okwo obukama bwa Katonda “tibulisilikibwa”?
Kubaki nitushemelerwa orwo tulikumanya nk’okwo nibwija kutwara ensi yona?

5. Kisaine eserikali z’abantu zisilikibwe

Kubaki kisaine Obukama bwa Katonda busilikye eserikali z’abantu? Yolekya EVIDEO, mushube mufumoreho ekibazo ekili kuhonderaho.

EVIDEO: Obukama bwa Katonda Kiki?—Ekichweka (1:41)

Obutwazi bw’eserekali z’abantu buresileki?

Shoma Omwegesa 8:9, mushube mufumoreho ebibazo ebi:

Isi, notekeleza Obukama bwa Katonda nibwetagwa kusilikya eserikali z’abantu? Isi kubaki?

6. Abatwazi b’Obukama bwa Katonda nibashobokerwa ehali yaitu

Aha rw’okuba Yesu Omukama waitu, arabaireho muntu, kityo namanyage obujege bwaitu.’ (Abaheburania 4:15) Abashaija n’abakazi abesigwa 144,000 abali kwija kwema na Yesu kutwara baronkirwe Yehova “kuruga buli ruganda, orulimi n’eihanga.”—Okushurulirwa 5:9.

Isi, kolikumanya Yesu n’abatwazi batahibe okwo balikushobokerwa ehali z’abantu, ekyo nikikumaramara? Isi kubaki?

Serikali netekaho amateka gabase kulinda n’okugoshora abanyansi bayo. N’obukama bwa Katonda bwina amateka agali g’omugasho muno agali kulinda n’okugoshora abanyansi

7. Amateka g’Obukama bwa Katonda g’omugasho muno

Eserikali netekaho amateka againa omugendelero ogw’okugoshora abantu bayo n’okubalinda. N’obukama bwa Katonda bwina amateka agali kwetagwa kuhonderwa abanyansi ab’obukama obwo. Shoma 1 Abakorinto 6:9-11, mushube mufumoreho ebibazo ebi:

Notekeleza ensi neija kub’etai kabuli muntu arahondera amateka ga Katonda? *
Isi, notekeleza Yehova aina ehaki y’okuteraho amateka abanyansi b’obukamabwe? Isi kubaki?
Isi nikihai ekili kwolekya nk’okwo abantu abatali kuhondera amateka ago nibabasa kuhinduka?—Leba orujuru rwa 11.