EISOMO LYA 33
Obukama bwa Katonda Nibwija Kugobeshelezaki?
Obukama bwa Katonda bwa bandize kutwara. Omu kanya akali hai nibwija kuhindura ebintu bingi omu nsi. Turahenjuza ebintu nanka ebili birungi ebyo tulikushubira kushemelerwa ahansi y’Obukama bwa Katonda.
1. Obukama bwa Katonda buraleta butai emilembe n’ehaki omu nsi?
Yesu, Omukama w’Obukama bwa Katonda, arasilikya abantu ababi n’eserikali zona omu ndashana eza Har–Magedoni. (Okushurulirwa 16:14, 16) Omu kany’ako, endagano egi ey’Ebibulia eragobeshelezibwa kabutekire: “Omu kanya kagufi omubi aliba atakiliho.” (Ezaburi 37:10) Kuraba omu Bukama obwo, Yesu naija kwekomeleza nabaho ehaki n’emilembe omu nsi yona.—Shoma Isaya 11:4.
2. Emikalire eraba etai orwo engonzi za Katonda ziragobeshelezibwa omu nsi?
Ahansi y’obutwazi bw’Obukama bwa Katonda, “abagorogoki balilya ensi bagituremu eirai lyona.” (Ezaburi 37:29) Tekekeleza notura omu nsi eyo buli muntu ali mugorogoki, abantu bona nibagonza Yehova kandi nibagonzangana! Abantu tibalishuba kurwara, kandi balitura eirai lyona.
3. Obukama bwa Katonda buragobeshelezaki orwo ababi bali mara kusilikibwa?
Orwo ababi bali mara kusilikibwa, Yesu alitwara ali Mukama omu myaka rukumi. Omu kany’ako, Yesu n’abatwazi batahibe 144,000 barajuna abantu abali omu nsi kuhikilira. Anzindo y’akany’ako ensi eraba paradiso eli nungi muno, kandi abantu bona baragira ebyera aha rw’enshonga y’okukunira amateka ga Yehova. Anzindo Yesu aragarulira obutwazi Yehova. Kugobaho, ‘eibara lya Yehova liraba lyezibwe’ kabutekire. (Matayo 6:9, 10) Aho Yehova arazoka okwo niwe mutwazi ali murungi muno ali kwetaho abantube. Kandi Yehova arasilikya Sitani n’amasitanige, n’abantu abandi abalikushenga obutwazi bwa Katonda. (Okushurulirwa 20:7-10) Ehali ezili zirungi eziraletwa Obukama bwa Katonda zilibaho eirai lyona.
MANYURUZA
Enjuza omanye kubaki nitubasa kwesiga nk’okwo Katonda arakozesa Obukamabwe kugobesheleza endagano zona ezili omu Bibulia ezikwete aha kanya akali kwija.
4. Obukama bwa Katonda buraiyaho eserikali z’abantu
“Omuntu natwara omuntu mutahiwe omu kumushasa.” (Omwegesa 8:9, NWT) Kuraba omu Bukamabwe Yehova araiyaho okuburwa kw’ehaki okwo.
Shoma Danieli 2:44 na 2 Abatesalonika 1:6-8, mushube mufumoreho ebibazo ebi:
-
Yehova n’omwanawe Yesu, nibaija kutwalira hatuaki eserikali z’abantu nabalinya abali kuziunga omukono?
-
Ebintu ebyo wayega ebikwete ahali Yehova na Yesu byakuha bwesigeki nk’okwo nibaija kukora omu haki n’omu kutagira kigonzi?
5. Yesu niwe Mukama murungi muno
Aha rw’okuba niwe Mukama w’Obukama bwa Katonda, Yesu naija kukora ebintu bingi abase kujuna abantube. Yolekya EVIDEO obase kubona okwo Yesu ayolekize nk’okwo nayegomba kujuna abantu n’okwo Katonda amuhaire amani g’okukora atyo.
Yesu orwo yabaire ali omu nsi, akolekya ebintu ebiragobeshelezibwa Obukama bwa Katonda. Emigisha egyo eyo wabona, ni migishaki ey’olindilire omurushusho? Shoma amahandiko agali kwolekibwa obase kwega bingi ebikwete aha migisha egyo.
|
YESU ORWO YABAIRE ALI OMU NSI . . . |
YESU ALI OMWIGURU . . . |
|---|---|
|
|
|
|
|
|
|
|
6. Obukama bwa Katonda buraleta akanya akali kwija akali karungi muno
Obukama bwa Katonda buragobesheleza kabutekire omu gendelero gwa Yehova ogwo yabaire ainagwo kwema orwambere kwolekera abantu. Abantu baratura eirai lyona omu nsi eli eparadiso. Yolekya EVIDEO obase kubona okwo Yehova arakozesa Omwanawe Yesu kugobesheleza omu gendelerogwe.
Shoma Ezaburi 145:16, mushube mufumoreho ekibazo eki:
-
Noyehulira otai kumanya nk’okwo Yehova “[aragobesheleza] obwetage bwa buli kitondwa ekili kurora”?
ABANTU ABANDI NIBAGAMBA BATI: “Abantu ichwena katwakwema hamoi, twakubasa kumaraho ebyemba byona omu nsi.”
-
Obukama bwa Katonda buramaraho byembaki ebilemire eserikali z’abantu?
OMUBIGUFI
Obukama bwa Katonda buragobesheleza byona ebyo yabaire agendeleire. Burakora ensi yona kuba paradiso eijwire abantu abarungi abali kwegashaniza ahali Yehova eirai lyona.
Isi ebi wakubihorora otai?
-
Obukama bwa Katonda nibwija kweza butai eibara lya Yehova?
-
Kubaki nitubasa kwesiga nk’okwo Obukama bwa Katonda buragobesheleza endagano ezili omu Bibulia?
-
Nikintuki eky’olikulindilira omurushusho, omu bintu ebiragobeshelezibwa Obukama bwa Katonda?
ENJUZA MUNO
Yega omanye Har–Magedoni kiki.
Enjuza omanye ekirabaho omu kanya k’obutwazi bw’emyaka rukumi obwa Yesu n’orwo erahwa.
“Nikihai Ekirabaho Aha Kiro Ky’eiramu?” (Mnara wa Mlinzi, Omwezi gwa Mwenda 1, 2012)
Leba okwo eka zakwema hamoi kwekonja ekikwete aha migisha ey’akanya akali kwija ey’Obukama bwa Katonda.
Emakala eli kugamba eti “Nkaba Nyina Ebibazo Ebili Kunyita Kubi.” Leba olinya ayalekeire esiasa okwo yakwasize empororo z’ebibazo ebyabaire nibimwita kubi.
“Ebibulia Nebasa Kuhindura Emikalire” (Mnara wa Mlinzi, Omwezi gwa Mbere 1, 2012)
