EISOMO LYA 35

Okwo Wakubasa Kukora Oburamuzi Obuli Burungi

ZANISA

Buli muntu akora oburamuzi. Oburamuzi obwo tulikukora nibubasa kuba burungi anga bubi, kandi nibubasa kwita obunywanyi bwaitu ahali Yehova. Obulebero ni bwobu, rundi twakwetaga kuramura ni nkahai mbali turatura, nimilimoki eyo turakora, anga nka turashumika obushwere. Orwo tulikukora oburamuzi obuli burungi, turagira emikalire eina ebyera kandi turashemeleza Yehova.

1. Ebibulia nebasa kutujuna etai kukora oburamuzi obuli burungi?

Otakakozire buramuzi, shaba ahali Yehova, omushabe akajune oshube ohenjuze ebitekelezobye ebili omu Bibulia ebikwete aha kintu ekyo. (Shoma Emigani 2:3-6.) Omu kanya akandi, Yehova natugambira ekintu eky’okukora. Kaliho omuhango ogukwete akintu nanka, kirungi muno kukunira enyorekelera egyo.

Kili kitai karaba ataliho muku gwa Bibulia ogukwete aha kintu ekyo tulikwetaga kukora? Yehova arakuhabura omu “kukwoleka mbali olikuragirwa kuraba.” (Isaya 48:17) Omuli ngeliki? Nobasa kukwasa ekanuni ezakubasa kukwebembera. Ekanuni z’Ebibulia mazima g’omusingi agali kushurura ebitekelezo n’ehisia za Katonda. Emirundi mingi nitushobokerwa ebitekelezo bya Katonda orwo tulikushoma ebaruro eli omu Bibulia. Orwo tulikushobokerwa okwo Yehova alikwehulira, nitubasa kukora oburamuzi oburamushemelera.

2. Nibintuki ebyo tulikwetagwa kutekeleza tutakakozire buramuzi?

Ebibulia negamba eti: “Omugezi aleba mbali alikugya.” (Emigani 14:15) Ekyo nikimanyisa nk’okwo tutakakozire buramuzi nitwetaga kutekelezage ebintu byona ebikwete aha kintu ekyo. Orw’olikuhenjuza buli kintu, yebaze oti: ‘Nikanuniki ezili omu Bibulia ezikweteho ekintu ekyo? Niburamuziki oburandetera okutebekana kw’amagezi? Oburamuzi bwange bwakukora abantu abandi behulire batai? Ekintu ekili ky’omugasho muno, isi, oburamuzi bwange burashemelera Yehova?’—Obwijukiro Bw’ebiragiro 32:29.

Yehova aina ehaki y’okuturamulira ebirungi n’ebibi. Orwo tulikushobokerwa kurungi amateka n’ekanunize n’okuzihondera, nitumanyiza ishenkazi mutima yaitu. Ishenkazi mutima, bushobora obuli omutima gwaitu obwo kushobokerwa ebintu ebili kugasha n’ebitali kugasha. (Abaroma 2:14, 15) Katuramanyiza ishenkazi mutima yaitu, eratujuna kukora oburamuzi obuli burungi.

MANYURUZA

Yega omanye okwo ishenkazi mutima n’ekanuni z’Ebibulia okwo byakubasa kukujuna kukora oburamuzi obuli burungi.

3. Ondera enyorekelera eli omu Bibulia

Ekanuni z’Ebibulia nizibasa zitai kukujuna kukora oburamuzi? Yolekya EVIDEO, mushube mufumoreho ebibazo ebili kuhonderaho.

EVIDEO: Jubura Ekanuni Ezili omu Bibulia Zikuhabure (5:54)

Yehova atuhaire gaboki eli nungi muno?
Kubaki Yehova yatuhaire obwegerere bw’okweramulira?
Atuhaire kintuki ekya kutujuna kukora oburamuzi obuli burungi?

Kugya kubona obulebero obuli burungi obw’ekanuni eli omu Bibulia, shoma Abaefeso 5:15, 16. Mushube mufumoreho okwo wakubasa ‘kukozesa akanya kawe kurungi muno’ obase . . .

kushoma Ebibulia obutosha.
kuba mushaija, mukazi, muzaire, omusigazi, anga omwisiki murungi.
kukika enkiiko z’enteko.

4. Manyiza ishenkazi mutima yawe kukora oburamuzi obuli burungi

Orwo alikuba aliho omuhango gw ‘Ebibulia oguli kufumoraho ekintu ekyo, kyangu kukora oburamuzi obuli kugasha. Kyonkai kili kitai karaba ataliho muhango gwona gwona? Yolekya EVIDEO, mushube mufumoreho ekibazo ekili kuhonderaho.

EVIDEO: “Ogendeleze Ishenkazi Mutima Elinungi” (5:13)

Omu video egi munyanyaichwe akakoraki abase kugendeleza ishenkazi mutimaye kukora oburamuzi obwa shemeleire Yehova?

Kubaki titulikwetaga kushaba abantu abandi batukolere oburamuzi? Shoma Abaheburania 5:14, mushube mufumoreho ebibazo ebi:

Norwo rundi twakushaba abandi batukolere oburamuzi, nitwetagwa kugira obushobora bw’okwahuranisaki?
Nibintuki ebyakubasa kutujuna kumanyiza ishenkazi mutima yaitu kukora oburamuzi obuli burungi?

Ishenkazi mutima nink’eramani eli kutuhabura kukora oburamuzi obuli burungi

5. Okunire ishenkazi mutima eza abantu abandi

Oburamuzi bwaitu nibwahurana n’obw’abantu abandi. Nitubasa kyolekya tutai nk’okwo nitukunira ishenkazi mutima ez’abantu abandi? Tekelezaho ebintu bibili ebili kuhonderaho:

Ekyambere: Munyanyaichwe aina emimanyilire y’okwepodora nafurukira omu nteko eyo banyanyaichwe abali bangi nibasitazibwa orwo balikubona abantu abali kwepodora.

Shoma Abaroma 15:1 na 1 Abakorinto 10:23, 24, mushube mufumoreho ebibazo ebi:

Omu kuhonderana n’ebihandiko ebi, munyanyaichwe ogwo nabasa kuramura kukoraki? Orakoraki koraba oina omuntu owo ishenkazi mutimaye elikutanga kukora ekintu ekyo ishenkazi mutima yawe elikwikiliza?

Ekya kabili: Murumuna waitu alikumanya nk’okwo Ebibulia telikutanga kunywa marwa omu kwebalira, kyonkai naramura kutanywa marwa. Nanyegezibwa omu kagenyi mbali alikubona buli murumuna waitu naywa amarwa.

Shoma Omwegesa 7:16 na Abaroma 14:1, 10, mushube mufumoreho ebibizo ebi:

Omu kuhonderana n’ebihandiko ebi, murumuna waitu ogwo nabasa kuramura kukoraki? Iwe orakoraki korabona omuntu nakora ekintu ekyo ishenkazi mutima yawe elikukutanga kukora?

Ebintu ebili kutujuna kukora oburamuzi obuli burungi

1. Shaba Yehova akujune kuramura ekintu eky’okukora.—Yakobo 1:5.

2. Kora obuchukuzi omu Bibulia n’omu machapisho agali kugendanwa n’Ebibulia obase kubona ekanuni ezikweteho ekintu ekyo. Kandi nobasa kufumora n’Abakirisito abakuzire omu by’omwoyo.

3. Tekeleza ekyakubaho orw’orakora oburamuzi, yaani, okwo bwakwita ishenkazi mutima yawe na ishenkazi mutima ey’abandi.

ABANTU ABANDI NIBAGAMBA BATI: “Oina ehaki y’okukora ekintu kyona kyona eky’olikwenda ombutetaho bitekelezo by’abandi.”

Kubaki nitwetagwa kutekeleza ebitekelezo bya Katonda, n’eby’abantu abandi?

OMUBIGUFI

Nitukora oburamuzi obuli burungi orwo tulikuhenjuza ebitekelezo bya Yehova ebikwete aha kintu nanka, n’okutekeleza nk’oburamuzi bwaitu burajuna abantu abandi anga nibwija kubashasa.

Isi ebi wakubihorora otai?

Nobasa kukora otai oburamuzi oburashemelera Yehova?
Nobasa otai kumanyiza ishenkazi mutima yawe?
Nobasa kwolekya otai nk’okwo nokunira ishenkazi mutima eza abantu abandi?

Eisomo eli lyahwa etarehe:

Ekigendelero

Tekeleza oburamuzi obwo olihai kukora. Oshube okozese ebintu bishatu ebya gambwa omu kisanduku: “ Ebintu Ebili Kutujuna Kukora Oburamuzi Obuli Burungi.”

Ekigendelero ekindi:

Ekigendelero kyawe ekindi