Ichwe ichwena twenda kugira abanywanyi abali bagorogoki. Na Yehova nayenda abanywanyibe babe bagorogoki. Kyonkai, tikyangu kuba bagorogoki aha rw’okuba nitutura omu nsi eijwire abantu abatali bagorogoki. Nitubasa kugoshoka tutai omu kuba bagorogoki omuli buli kantu?

1. Ninshongaki eli y’omugasho muno ey’okuba bagorogoki?

Orwo tulikukolera abandi omu bugorogoki, nitwolekya nk’okwo nitugonza Yehova n’okumukunira. Ijuka nk’okwo Yehova namanya ebintu byona ebyo tulikutekeleza n’okukora. (Abaheburania 4:13) Orwo tulikukora omu bugorogoki natubona n’ekintu ekyo nikimushemelera. Ekigambokye nikigamba kiti: “Omukama anoba omuntu mubi, kyonkai ayesiga omugorogoki.”​—Emigani 3:32.

2. Omu mikalire yaitu eya buli kiro nitubasa kukora tutai omu bugorogoki?

Yehova nayenda “tugambirangane amazima.” (Zekaria 8:16, 17) Ekyo nikimanyisaki? Twaba nitufumora n’abantu ab’eka yaitu, abo tulikukora nabo emilimo, barumuna baitu na banyanyaichwe Abakirisito, anga abatwazi ba serikali, titulikwetaga kugamba bishuba anga amakuru agali kuhabisa abandi. Abantu abali bagorogoki tibalikwiba anga kubeihya abantu abandi. (Shoma Emigani 24:28 na Abaefeso 4:28.) Kandi nibalipa ekodi zona ezo balikutongwa. (Abaroma 13:5-7) Omu bintu ebyo n’ebindi, “[nitwegendesa] omu bugorogoki omuli buli kantu.”​—Abaheburania 13:18, NWT.

3. Nitugoshoka tutai orwo tulikuba bagorogoki?

Katulikumanyika okwo tuli bagorogoki, kyangu abantu abandi kutwesiga. Kandi, nitukora abeho emilembe n’engonzi omu nteko. Nitugira ishenkazi mutima eli nungi. Orwo tulikuba abagorogoki, “[nitukora abantu bashemelerwe] ebyo balikwegesibwa, ahali Ruhanga omurokozi waitu,” kandi nitukora abantu bagonze kwema amoi naichwe kwegashaniza ahali Yehova.​—Tito 2:10.

 MANYURUZA

5. Okore omu bugorogoki omu kanya kona

 6. Orwo tulikuba bagorogoki nitugoshoka

Omu kanya akandi nitubasa kugwebwaho ebyemba aha rw’enshonga y’okuba bagorogoki. Kyonkai omu mazima, katulikuba bagorogoki ebiro byona nitugoshoka. Shoma Ezaburi 34:12-16, mushube mufumoreho ekibazo eki:

• Obugorogoki nibubasa kukujuna butai kugira emikalire eli mirungi muno?

1. Abashaija na abakazi abali bagorogoki nibagumisa obushwere bwabo

2. Abakozi b’emilimo abali bagorogoki nibesigwa abo bali kukolera emilimo

3. Abanyansi abali bagorogoki nibesigwa abatwazi babo ab’eserikali

 OMUBIGUFI

Yehova nayenda banywanyibe babe bagorogoki omu bintu byona ebyo bali kugamba n’ebyo balikukora.

Isi ebi wakubihorora otai?

• Nitubasa kuba bagorogoki omuli ngeliki?

• Kubaki tikintu kya bumanyi kugamba nk’okwo nitubasa kusheleka amazima?

• Kubaki kintu kirungi kuba mugorogoki omuli mikalire yawe yona?