Obwamba bw’omugasho muno. Titwina kugendelera kurora tutaina bwamba. Aha rw’okuba niwe mutonzi waitu, Katonda aina ehaki y’okututeraho amateka agakwete aha bwamba. Atuhaire biragiroki ebikwete aha bwamba? Isi, nitubasa kulya obwamba anga kuburabya omu mishipa? Kandi twakubasa kukora tutai oburamuzi obuli burungi obukwete aha bwamba?

1. Yehova aina bitekelezoki ebikwete aha bwamba?

Omu kanya keirai, Yehova akagambira abakozibe ati: “Oburora bwa buli kitondwa bwamba bwakyo.” (Abalevita 17:14) Omu kuhonderana n’ebitekelezo bya Yehova, obwamba nibumanyisa oburora. Aha rw’okuba oburora gabo entakatifu kuruga ahali Katonda, kityo n’obwamba butakatifu.

2. Katonda natanga tutakozesa tutai bwamba?

Orwo Obukirisito bwabaire butakabandize, Yehova akaragira abantube batalya bwamba. (Shoma Embandizo 9:4 n’Abalevita 17:10.) Omu kanya akahondeireho, akaragira Abakirisito kuraba omurukiiko rwa abebembezi ‘belinde kutalya bwamba.’​—Shoma Ebikorwa 15:28, 29.

Okwelinda kulya obwamba nikumanyisaki? Ka dakitari yakukutanga kunywa amarwa, wakulekera kuganywa. Isi, wakulya ekyakulya ekinamu amarwa, anga wakwikiliza bagakurabye omu mishipa? Ombutalengeshanyia, tiwakwikiliza. Kwakwo, eiteka lya Katonda elikweteho okwelinda kulya obwamba nilimanyisa nk’okwo titulikwetaga kulya anga kunywa bwamba, nangu n’enyama ey’ebitunganwa ebinyongirwe tituli kwetagwa kugilya. Kandi titulikwetagwa kulya ekyakulya ekinamu obwamba.

Isi kili kitai kukozesa obwamba omu kutambirwa? Entamba endijo telikugendanwa na mateka ga Katonda limoi limoi. Entamba egyo ekweteho kurabya obwamba omu mishipa. Bube buli bwamba bwona anga ebichweka bikuru by’obwamba, yaani, chembe nyekundu, chembe nyeupe, vigandisha-damu, na plazima. Ekikwete antamba endijo, rundi tiyakuzoka kabutekire nka nechwa amateka ga Katonda anga chei. Entamba ey’engeli egyo netamu okukozesa ebichweka ebihirwe omu kichweka kimoiho omu bichweka bikuru eby’obwamba. N’entamba endijo ekweteho okukozesa obwamba obw’omurwaire wenene wenene. Orwo tulikutekelezaho okutambirwa okw’engeli egyo, buli omoi nayetagwa kweramulira. *​—Abagalasia 6:5.

 MANYURUZA

3. Kora oburamuzi obulikushemelera Yehova obukwete aha kutambirwa

Nobasa otai kukora oburamuzi obukwete aha kutambirwa obulikugendanwa n’ebitekelezo bya Katonda ebikwete aha bwamba? Yolekya EVIDEO, mushube mufumoreho omugasho ogw’okuhondera ebintu ebili kwolekibwa aha.

• Shaba ogire obumanyi.​—Yakobo 1:5

• Kora obuchukuzi obukweteho ekanuni z’Ebibulia n’okwo wakubasa kuzikozesa.​—Emigani 13:16.

• Enjuza omanye okutamba okwa buli ngeli okulikuzoka omu kichweka kyanyu.

• Ramura nikutambirwa okwa ngeliki okw’otakubasa kwikiliza.

• Yekomeleze nk’okwo noikara na ishenkazi mutima eli nungi orw’orakora oburamuzi.​—Ebikorwa 24:16. *

• Shobokerwa nk’okwo taliho muntu alikwetaga kukuramulira ekikwete aha bintu ebikweteho ishenkazi mutima, araba ali mukazi anga mushaija wawe, omugurusi w’enteko, anga alikukwegesa Ebibulia.​—Abaroma 14:12.

• Andika oburamuzi bwawe.

4. Abajulizi ba Yehova nibahiga okutambirwa okulikugasha

Nikibasikana kukunira amateka ga Katonda agakwete aha bwamba n’omu kanya konene konene okatambirwa omu ngeli elikugasha etakweteho bwamba. Yolekya EVIDEO.

Shoma Tito 3:2, mushube mufumoreho ekibazo eki:

• Kubaki nitwetagwa kufumora n’amadakitari omu makune n’ombufura?

 5. Entamba ekweteho ebichweka by’obwamba

Obwamba bwina ebichweka bikuru binai​—chembe nyekundu, chembe nyeupe, vigandisha-damu, n’eplazima. Ebichweka ebyo binamu ebichweka ebindi ebili bike muno ebilikwetwa ebichweka by’obwamba. * Omuli ebyo alimu ebichweka ebilikwongerwa omu mibazi elikukozeswa kutamba amarwaire anga elikutanga obwamba kujwa.

Ebikwete aha bichweka by’obwamba, buli Mukirisito nayetagwa kwekolera oburamuzi wenene nka wenene omukuhondera ishenkazi mutimaye emanyizibwe Ebibulia. Rundi Abakirisito abandi bakwanga entamba anga engeli endijo ey’okutambirwa ekweteho ebichweka by’obwamba. Kandi abandi nibabasa kwehulira nk’okwo ishenkazi mutima zabo nizibajubura kwikiliza ebichweka by’obwamba.

Orwo olikukora oburamuzi, otekelezeho ekibazo eki:

• Nimbasa ntai kushoborora dakitari enshonga yange ey’okwikiliza anga kwanga kukozesa ebichweka nanka eby’obwamba?

 OMUBIGUFI

Yehova nayenda tubone obwamba kuba butakatifu.

Isi ebi wakubihorora otai?

• Kubaki Yehova nabona obwamba kuba butakatifu?

• Nitumanya tutai okwo omuhango gwa Katonda ogw’okwelinda kulya obwamba gukweteho kwelinda batabuturabya mumishipa?

• Nobasa kukora otai oburamuzi obuli burungi obukwete antamba etakweteho bwamba?