EISOMO LYA 41
Ebibulia Negambaki Ekikwete Ngono?
Abantu bangi tibalikwenda kufumora ebikwete aha ngono. Kyonkai, Ebibulia nefumora ebikwete aha ngono omu ngeli elikushoboka mara omu makune. Eby’ebibulia elikugamba nibitugoshora, kandi nitutegeleza kibe kityo aha rw’okuba Yehova niwe mutonzi waitu. Kityo namanya ebintu ebilikutugasha muno. Natugambira ebintu ebyo tulikwetagwa kukora tubase kumushemeleza, n’ebintu ebya kubasa kutujuna kushemelerwa emikalire eirai lyona.
1. Yehova aina bitekelezoki ebikwete aha ngono?
Engono gabo kuruga ahali Yehova. Nayenda omushaija n’omukazi abashumikire obushwere bashemelerwe egabo egyo. Egabo egyo nebajuna kukwasa abaana, n’okwolekyangana engonzi ezina embabazi omu ngeli y’easili mara elikushemera muno. Niyo nshonga ekigambo kya Katonda nikigamba kiti: “Omukazi omwebohorano wawe omugonze.” (Emigani 5:18, 19) Yehova nategeleza omu Kirisito ashumikire obushwere abe mahika ahali olinya owo ashumikire nawe obushwere. Kityo, abanya bushwere tibalikwetagwa nakati kusiyana.—Shoma Abaheburania 13:4.
2. Obusiyani kiki?
Ebibulia netugambira nk’okwo “ensiyani . . . tibalitaha omu Bukama bwa Ruhanga.” (1 Abakorinto 6:9, 10) Abahandiki b’Ebibulia abagihandikire omu rulimi rw’Orugiriki, bakakozesa ekigambo por·neiʹa kumanyisa obusiyani. Ekigambo ekyo nikitamu (1) Kukora engono * n’omuntu ow’otashumikire nawe bushwere, (2) engono elikukorwa omushaija n’omushaija anga omukazi n’omukazi, (3) kukora engono n’ekigunju. ‘Orwo tulikwetanga okusiyana,’ nitugoshoka n’okushemeleza Yehova.—1 Abatesalonika 4:3.
MANYURUZA
Enjuza omanye okwo wakubasa kwetanga obusiyani n’okwo wakugoshoka omukugendelera kugira emyegendesheleze mirungi.
3. Mwelinde obusiyani
Omushaija omwesigwa Yozefu akanga kusiyana orwo muk’omushaija yamwoize kabasiyana. Shoma Embandizo 39:1-12, mushube mufumoreho ebibazo ebi:
-
Yozefu akairuka aha rw’enshonga yaki?—Leba orujuru rwa 9.
-
Isi, notekeleza Yozefu akakora oburamuzi obulikugasha? Kubaki?
Kany’aka, abasigazi n’abaisiki nibabasa kurondora batai Yozefu n’okwelinda obusiyani? Yolekya EVIDEO.
Yehova nayenda ichwe ichwena twetange obusiyani. Shoma 1 Abakorinto 6:18, mushube mufumoreho ebibazo ebi:
-
Nibintuki ebyakubasa kukora omuntu ayegombe kukora obusiyani?
-
Nobasa kwelinda otai obusiyani?
4. Otaikiliza kwohibwa
Nikihai ekyakukora ogumirwe kwanga kukora obusiyani? Yolekya EVIDEO, mushube mufumoreho ekibazo ekili kuhonderaho.
-
Omu video egi, murumuna waitu akakoraki orwo yashobokeirwe nk’okwo ebitekelezo n’ebikorwabye byakumukozire ataba mwesigwa ahali mukaziwe?
Nangu n’Abakirisito abesigwa, omu kanya kandi nibarashana babase kugendelera kugira ebitekelezo birungi. Nobasa kulekera otai kutekeleza ebitekelezo bibi? Shoma Abafilipi 4:8, mushube mufumoreho ebibazo ebi:
-
Nitwetagwa kutekeleza bintuki?
-
Okushoma Ebibulia n’okugira eby’okukora ebili bingi omwikora lya Yehova, nikubasa kukujuna kutai kwanga kwohibwa kukora entambara?
5. Amateka ga Yehova nigatugoshora
Yehova namanyage ebintu ebili kutugasha. Natwegesa okwo twakubasa kugendelera kugira emyegendesheleze mirungi n’omugasho gw’okukora tutyo. Shoma Emigani 7:7-27 anga Yolekya EVIDEO, mushube mufumoreho ebibazo ebili kuhonderaho.
-
Ekyakozire omusigazi ogwo kwohibwa nikihai?—Leba Emigani 7:8, 9.
-
Omu kuhonderana n’Emigani 7:23, 26, obusiyani nibubasa kutuletera bintuki ebili bibi muno? Turayehungya byembaki katuragendelera kwegendeshelezage?
-
Okugira emyegendesheleze mirungi nikubasa kutujuna kutai kushemelerwa emikalire eirai lyona?
Abantu abandi nibatekeleza nk’okwo ebintu eby’Ebibulia elikwegesa ebikwete aha ngono elikukorwa omushaija n’omushaija anga omukazi n’omukazi, tibili kwolekya ngonzi kwolekera abantu abo. Kyonkai Yehova Katonda ow’engonzi, nayenda abantu bashemelerwe emikalire eirai lyona. Tubase kusana kutura eirai lyona, nitwetagwa kuhondera amatekage agakwete aha myegendesheleze mirungi. Soma 1 Abakorinto 6:9-11, mushube mufumoreho ekibazo eki:
-
Isi, Katonda natamwa bushai engono elikukorwa omushaija n’omushaija anga omukazi n’omukazi anga alihyo ebintu ebindi ebyo alikutamwa?
Tubase kushemeleza Katonda, ichwe ichwena nitwetaga kuhinduka. Isi, orwo tulikuhinduka nitugoshoka? Shoma Ezaburi 19:8, 11, mushube mufumoreho ebibazo ebi:
-
Isi, notekeleza amateka ga Katonda agakwete aha myegendesheleze nigagasha? Isi kubaki?
Yehova ajunire abantu bangi bahondere amatekage agakwete aha myegendesheleze. Kwakwo naiwe nabasa kukujuna
ABANTU ABANDI NIBAGAMBA BATI: “Nikigasha abantu babili kukora engono kabaraba nibagonzangana.”
-
Isi iwe oina bitekelezoki?
OMUBIGUFI
Engono gabo eyo Yehova ahaire omushaija n’omukazi abashumikire obushwere babase kugishemelerwa.
Isi ebi wakubihorora otai?
-
Obusiyani nibutamu bintuki?
-
Nikihai ekirakujuna kwetanga obusiyani?
-
Nitugoshoka tutai orwo tulikuhondera amateka ga Yehova agakwete amyegendesheleze mirungi?
ENJUZA MUNO
Yega omanye kubaki Katonda nayenda omushaija n’omukazi bashumike obushwere batakabandize kutura hamoi.
Yega omanye amateka agali Bibulia agali kutanga engono elikukorwa omushaija n’omushaija anga omukazi n’omukazi okwo gatainamu kabi
“Isi, Ntambara Omushaija n’Omushaija Anga Omukazi n’Omukazi Kukora Engono?” (Emakala eli omutandao)
Yega omanye amateka ga Katonda okwo gali kutulinda akikwete abikorwa byona eby’engono.
“Isi, Engono y’Omukanwa Nabwo Busiyani?” (Emakala eli omutandao)
Omu baruro eli kugamba eti “Bakanyolekya Amakune,” Leba ekintu ekyainegeize omuntu ayabaire ali nsiyaga (shoga) ahindure emikalireye abase kushemeleza Katonda.
“Ebibulia Nehindura Emikalire” (Mnara wa Mlinzi, Omwezi gwa Kanai 1, 2011)
^ Ebikorwa ebyo eby’engono ebitali kwikilizibwa nibitamu ebintu ebya buli ngeli nk’okukora engono y’omukanwa, engono y’omunyio, kukwata kwata esehemu z’esiri ez’omuntu ondijo obase kwimukya ehamu y’engono, n’engono elikukorwa omushaija n’omukazi abalikutura hamoi batakashumikire bushwere
