EISOMO LYA 44
Isi, Ebiro Bikuru Byona Nibishemelera Katonda?
Yehova nayenda tushemelerwe emikalire kandi tugire akanya k’okushemelerwa. Isi, amagenyi n’ebiro bikuru byona nibimushemelera? Nitubasa kwolekya tutai nk’okwo nitugonza Yehova aha kikwete amagenyi n’ebiro bikuru?
1. Kubaki tibiro bikuru byona ebili kushemelera Yehova?
Rundi wakushoberwa kumanya nk’okwo ebiro bikuru bingi tibili kugendanwa na myegeso ya Bibulia anga bikweteho obutakansi. Ebiro bikuru ebyo bikweteho edini z’ebishuma. Rundi bikweteho emimanyilire y’okufumora n’amasitani, anga nibiunga omukono omwegeso gwa nk’okwo omwoyo tigufa. Amagenyi agandi gakweteho oburogi anga eitikadi z’ebahati. (Isaya 65:11) Yehova naragira ati abali kumwegashanizaho: ‘Mubarugemu mutalikwata kintu kihagaire.’—2 Abakorinto 6:17. *
2. Yehova nayehulira atai ekikwete aha sherehe ezili kuhaisiliza abantu?
Yehova natutatira tutabasa kukwatwa mutego ‘ogw’okwesiga kashoke.’ (Shoma Yeremia 17:5.) Ebiro bikuru ebindi nibihaisiliza abatwazi anga abanajeshi. Ebiro bikuru ebindi nibihaisiliza enembo z’eihanga anga obuhuru bw’eihanga. (1 Yohana 5:21) N’ebiro bikuru ebindi nibihaisiliza eharakati z’ekisiasa anga ez’ekijamii. Yehova arayehulira atai katurahaisiliza omuntu anga eishirika nanka, kushagaho orw’omuntu ogwo anga eishirika elyo kaliraba niligendeleza ebitekelezo ebitali kugendanwa na mugendelerogwe?
3. Nibikorwaki ebya kukora ebiro bikuru bitaikilizibwa?
Ebibulia netanga “etamiro, nokunywa kuzina kukeisa obwire.” (1 Petero 4:3) Omusherehe n’omu magenyi agali gangi, abantu nibakora okwo balikwenda n’okwetaya omu myegendesheleze mibi. Tubase kugendelera kuba banywanyi ba Yehova, nitwetagwa tutetaya nakati omu myegendesheleze egyo eli mibi.
MANYURUZA
Yega omanye okwo wakubasa kushemeleza Yehova omu kukozesa obushobokerwa kukora oburamuzi obukwete aha biro bikuru n’amagenyi.
4. Yetange esherehe na amagenyi agatalikuha Yehova kitinwa
Shoma Abaefeso 5:10, mushube mufumoreho ebibazo ebi:
-
Nitwetaga kwekomelezaki orwo tulikuramura nka turasherehekea ebiro bikuru nanka?
-
Omukichweka eky’olikuturamu nibiro bikuruki ebili kumanyika muno?
-
Isi, notekeleza ebiro bikuru ebyo nibishemelera Yehova?
Obulebero nibwobu, orayebalize Katonda aina bitekelezoki ebikwete aha biro by’okuzarwa? Ebibulia telikugambaho omukozi wa Yehova nomoi ayashemeize ekiro ky’okuzarwa, kyonkai negambaho abantu babili abashemeize ebiro by’okuzarwa ababaire batali kwegashaniza ahali Yehova. Shoma Embandizo 40:20-22 na Matayo 14:6-10. Mushube mufumoreho ekibazo eki:
-
Ebiro bikuru byombili ebyo binamu bintuki ebili kushanangana?
-
Omu kuhonderana n’ebaruro egyo ey’Ebibulia, notekeleza Yehova aina bitekelezoki ebikwete aha akushemeza ebiro by’okuzarwa?
Kyonkai rundi wakugendelera kwebaza oti, kandashemeza ebiro by’okuzarwa anga esherehe ezindi ezitalikugendwa na bihandiko, isi omu mazima Yehova nayetaho ekintu ekyo?’ Shoma Okuruga 32:1-8. Kandi, yolekya EVIDEO mushube mufumoreho ebibazo ebili kuhonderaho.
-
Kubaki nitwetaga kwekomeleza nk’okwo nitukora ebintu ebili kwikilizibwa omu maisho ga Yehova?
-
Nitubasa kukora tutai tutyo?
Okwo twakubasa kumanya esherehe n’amagenyi agatali kushemelera Katonda
-
Isi, nigatabuka aha myegeso etali kugendanwa na bihandiko? Obase kumanya, enjuza entabuko yago.
-
Isi, nigahaisiliza abantu, amashirika, anga nembo z’eihanga? Nituhaisiliza Yehova wenkai, kandi nitwesiga nk’okwo wenene niwe yakubasa kwiyaho ebyemba byona omu nsi.
-
Isi, edesituri n’emimanyilire yago tibili kugendwana na mateka ga Bibulia? Nitwetagwa kugendelera kugira emyegendezeleze mirungi.
5. Juna abandi bakunire omwesigo gwawe
Rundi kyakukugumira kwanga orwo abandi balikukukaka oyeme nabo omu sherehe ezitali kushemelera Yehova. Bashoborore oburamuzi bwawe omu bufura n’omu bwetohoya. Kugya kubona obulebero okwo twakubasa kukora tutyo, yolekya EVIDEO.
Shoma Matayo 7:12, mushube mufumoreho ebibazo ebi:
-
Omu kuhonderana n’orujuru oru, isi, noyetaga kugambira abantu ab’eka yawe abatali kwesiga nk’okwo tibalikwetagwa kushemeza biro bikuru nanka?
-
Wakukoraki obase kwoleka kabutekire abantu b’eka yawe nk’okwo n’orwo otalikwema nabo kushemeza ebiro bikuru ebyo, kyonkai nobenda mara obetaireho?
6. Yehova nayenda tugire ebyera
Yehova nayenda tugire akanya k’okushemelerwa hamoi na banywanyi n’abantu b’eka zaitu. Shoma Omwegesa 8:15, mushube mufumoreho ekibazo eki:
-
Orujuru oru nirwolekya rutai okwo Yehova alikwenda tugire ebyera?
Yehova nayenda abantube bagire akanya karungi ak’okushemelerwa emikalire bemire hamoi. Yolekya EVIDEO obase kubona ekintu ekyo okwo kilikuzokage omu kanya k’emiterano yaitu ey’ekimataifa.
Shoma Abagalasia 6:10, mushube mufumoreho ebibazo ebi:
-
Isi, nitwetaga kushemeza ebiro bikuru ebili kumanyika tubase kuzoka nk’okwo nitulikolera abandi ebirungi?
-
Nikintuki ekyakubasa kukuletera ebyera bingi, isi, nikuha abantu ebintu aha rw’enshonga y’ekiro kikuru, anga kubaha ebintu omu kanya kona kona?
-
Omu mirundi mingi, Abajulizi ba Yehova nibatekateka akanya k’okushemelerwa hamoi n’abaana babo nokubaha ezawadi omu kanya kona kona. Koraba oina abaana, nibintuki ebili birungi ebyo wakubasa kubakolera?
ABANTU ABANDI NIBAGAMBA BATI: “Entabuko y’ebiro bikuru tikintu kya mugasho. Ekintu ky’omugasho nikugira akanya kokushemelerwa n’abantu b’eka hamoi na banywanyi baitu.”
-
Isi iwe oina bitekelezoki?
OMUBIGUFI
Yehova nayenda tugire akanya kokushemelerwa n’abantu b’eka hamoi na baywanyi baitu. Kandi nayenda twelinde n’ebiro bikuru ebitali kumushemelera.
Isi ebi wakubihorora otai?
-
Nitwetaga kwebaza bibazoki tubase kumanya nk’ekiro kikuru nanka tikili kushemelera Yehova?
-
Nitubasa kujuna tutai banywanyi baitu n’abantu b’eka zaitu bashobokerwe oburamuzi bwaitu obukwete aha biro bikuru?
-
Nitumanya tutai nk’okwo Yehova nayenda tugire akanya kokushemelerwa emikalire?
ENJUZA MUNO
Enjuza omanye ebiro bikuru nanka ebya Abakirisito batali kushemeza.
“Kubaki Abajulizi ba Yehova Tibali Kushemeza Biro Bikuru Nanka?” (Emakala eli omutandao)
Enjuza omanye enshonga inai ezilikutukora twesige nk’okwo ebiro bikuru eby’okuzarwa kintu ekitali kushemelera Katonda.
“Kubaki Abajulizi ba Yehova Tibali Kushemeza Biro bya Kuzarwa?” (Emakala eli omutandao)
Leba omanye omusigazi nanka okwo yakozire omu bushobokerwa orwo yagingizibwe ashule aha rw’enshonga yokutashemeza noeli.
Amamilioni g’abakirisito baramwire nk’okwo tibakishemeza kiro kikuru kya noeli. Nibehulira batai akikwete aha buramuzi obwo?
^ Enjuza Ebishoborozo ebyongeirweho 5 obase kumanya okwo kukora orwo abantu balikushemeza ebiro bikuru.
