EISOMO LYA 47
Isi, Wayetekatekire Kubatizibwa?
Kugoba kanyaka wayegire bingi ebikwete ahali Yehova omu mwegeso gwawe gw’Ebibulia. Rundi wahinduireho emikalire yawe obase kuhondera ebintu eby’oyegire. Kyonkai, rundi aliho enshonga elikukutanga kwehongera Katonda n’okubatizibwa. Omwisomo eli, turafumoraho ebintu nanka ebyakubasa kutanga omuntu kubatizibwa n’okwo wakubasa kusinga echangamoto ezo.
1. Noyetagwa kugira obushobokerwa obuli kwigana butai otakabatizibwe?
Obase kubatizibwa, noyetaga “kumanya amazima.” (1 Timoteo 2:4) Ekyo tikili kumanyisa nk’okwo obase kubatizibwa noyetagwa kumanya empororo z’ebibazo byona ebili omu Bibulia ebyo rundi abantu bakukubaza. Nangu n’abakirisito ababatizibwe emyaka mingi elabireho bakyagendelera kwega. (Abakolosai 1:9, 10) Kyonkai noyetagwa kushobokerwa emyegeso y’omusingi eli omu Bibulia. Abagurusi b’enteko bara kujuna kumanya nkoina obumanyi obuli kugasha.
2. Noyetagwa kukora bintuki otakabatizibwe?
Otakabatizibwe, noyetagwa ‘kwechuza n’okuhinduka.’ (Shoma Ebikorwa 3:19.) Ekyo nikimanyisa nk’okwo noyefuuhya munoi aha rwenshonga yentambara ezo wakozile nira n’okushaba Yehova akuganyire. Kityo, nolekera emyegendesheleze mibi n’okuramura kutura emikalire elikushemelera Katonda. Kandi, nobanza kwema amoi n’enteko omu kukika enkiiko n’okurangilira oli murangilizi atakabatizibwe.
3. Kubaki otalikwetagwa kujubura butini bukutange?
Rundi abandi bakutekeleza nk’okwo tibabasa kutura kwigana n’endagano eyobaragaine ahali Yehova. Amazima ni nk’okwo omukanya akandi nitushobya, nk’okwo kyabaile kili ombashaija n’abakazi ebesigwa abali kugambwa omu Bibulia. Kyonkai Yehova talikutegeleza bakozibe babe bantu abahikilire. (Shoma Ezaburi 103:13, 14.) Nashemelerwa kubona noyekaza kukora ebintu ebili birungi kwigana n’obushobora bwawe, nawe arakujuna! Yehova natugambira nk’okwo taliho kintu ‘ekirashobora kututaishurana n’engonzize.’—Shoma Abaroma 8:38, 39.
MANYURUZA
Leba obone okwo okumanya Yehova kurungi muno n’okwikiliza obujunibwe okwo kwakubasa kukujuna kusinga ebintu ebyakubasa kukutanga kubatizibwa.
4. Omanyege Yehova
Noyetagwa kumanyage Yehova omuli ngeliki otakabatizibwe? Noyetagwa kugira obumanyi oburakwinegeza kumugonza n’okwegomba kumushemeleza. Yolekya EVIDEO obone abegesibwa b’Ebibulia abali omu nsi yona okwo bakozire batyo. Mushube mufumoreho ebibazo ebili kuhonderaho.
-
Omu video egi, nikihai ekyajunire abegesibwa abo eb’Ebibulia betekateke aha rw’enshonga y’okubatizibwa?
Shoma Abaroma 12:2, mushube mufumoreho ebibazo ebi:
-
Isi, oinamu okulengeshanyia kwona kwona okukwete aha myegeso y’Ebibulia anga nk’abajulizi ba Yehova nibegesa amazima?
-
Koraba oinamu ak’okulengeshanyia, nobasa kukoraki?
5. Singa ebintu ebya kukutanga kubatizibwa
Orwo tulikuramura kwehongera Katonda n’okubatizibwa, ichwe chwena nitwemera echangamoto. Obase kubona obulebero, yolekya EVIDEO, mushube mufumoreho ebibazo ebili kuhonderaho.
-
Omu video egi, Narangerel aketaga kusinga bintuki abase kukolera Yehova?
-
Okugonza Yehova kukamujuna kutai kusinga ebintu ebyo?
Shoma Emigani 29:25 na 2 Timoteo 1:7, mushube mufumoreho ekibazo eki:
-
Turaiya nkaha obumanzi bw’okusinga ebyakubasa kututanga?
6. Ogire obwesige nk’okwo Yehova arakujuna
Yehova arakujuna kukora ebintu byona ebili kumushemelera. Yolekya EVIDEO, Mushube mufumoreho ebibazo ebili kuhonderaho.
-
Omu video egi, nikihai ekyakozire omwegesibwa ogwo ow’Ebibulia atine kubatizibwa?
-
Akega kintuki ekyamujunire kwesiga Yehova muno?
Shoma Isaya 41:10, 13, mushube mufumoreho ekibazo eki:
-
Nobasa otai kugira obwesige nk’okwo oragobesheleza endagano ey’olikuragana orw’olikwehongera Katonda?
7. Yolekya esiimi aha rw’engonzi ezo Yehova akwolekize
Orwo olikugendelera kutekeleza okwo Yehova alikukugonza, nikwo oragendelera kwolekya esiimi n’okwegomba kugendelera kumukolera eirai lyona. Shoma Ezaburi 40:5, mushube mufumoreho ekibazo eki:
-
Ni migishaki kuruga ahali Yehova eli kukwinegeza kumusiima?
Omurangi Yeremia akaba nagonza Yehova n’ekigambokye, kandi akasiima muno emberwa egyo ey’okurangilira eibara lya Yehova. Akagambati: “Ebigambo byawe nkabihulira byanshemelera bikampa ebyera nabinulirwa, aha rw’enshonga nyesirwe omwibara lyawe, Iwe Yehova Katonda.” (Yeremia 15:16, NWT) horora ebibazo ebi:
-
Kubaki eli mberwa mpango muno kwetwa mujulizi wa Yehova?
-
Isi, noyenda kubatizibwa n’okuba mujulizi wa Yehova?
-
Isi, aliho ekintu kyona kyona ekilikukutanga kubatizibwa?
-
Notekeleza noyetagwa kukoraki obase kubatizibwa?
ABANTU ABANDI NIBAGAMBA BATI: “Nintina kubatizibwa aha rw’enshonga tinakubasa kugobesheleza ndagano zange.”
-
Isi, notekeleza otyo?
OMUBIGUFI
Yehova arakujuna osinge ekintu kyona kyona ekili kukutanga kubatizibwa.
Isi ebi wakubihorora otai?
-
Otakabatizibwe noyetagwa kugira obumanyi obulikwigana butai obukwete aha Bibulia?
-
Rundi wakwetagwa kukoraki otakabatizibwe?
-
Kubaki otalikwetaga kujubura butini bukutange kubatizibwa?
ENJUZA MUNO
Enjuza omanye ebintu ebili kwetagwa kuba musingi ogwo buramuzi bwawe obwo kubatizibwa.
“Isi, Wayetekatekile Kubatizibwa?” (Mnara wa Mlinzi, Omwezi gwa Kashatu 2020)
Yega omanye okwo wakubasa kusinga echangamoto nanka ezakubasa kukutanga kubatizibwa.
“Ni Kihai Ekili kukutanga Kubatizibwa?” (Mnara wa Mlinzi, Omwezi gwa Kashatu 2019)
Leba obone okwo mushaija nanka yasingire ebintu ebyabaire nibimutanga kubatizibwa.
Ambandizo, omushaija alikwetwa Ataa akaba natina kubatizibwa. Leba ekintu ekya mwinegeize akore oburamuzi obwo obuli bw’omugasho.
