Omu kanya k’ebyera nitushemelerwa kwema hamoi na banywanyi baitu abali barungi. Kandi abanywanyi abali barungi, nibatugumisa orwo tulikwemera ebyemba. Kyonkai Ebibulia netutatira nk’okwo, tibuli muntu alikugasha kuba munywanyi waitu. Kityo nobasa kuronka otai abanywanyi barungi? Tekelezaho ebibazo ebili kuhonderaho.

1. Abanywanyi ab’olikuronka nibabasa kuhindura batai engesho zawe?

Ichwe twenda kurondora engesho ez’abantu abo tulikwema nabo. Nitubasa kurondora engesho zabo ezirungi anga ezibi, turaba tuli hamoi anga nitutanganwa nabo omitandao y’ekijamii. Ebibulia negamba eti: “Ayaikara n’abaina obumanyi [nawe] agira obumanyi, kyonkai ayaikara n’abafera [balinya abatali kugonza Yehova] abona enaku.” (Emigani 13:20) Abanywanyi abali kugonza Yehova n’okumwegashanizaho nibabasa kukujuna obe munywanyiwe katiga, kandi n’okukujuna kukora oburamuzi obuli burungi. Kyonkai katuranywana n’abantu abatali kugonza Yehova, obunywanyi bwaitu ahali Yehova nibwija kuyuga. Nihyo nshonga Ebibulia netutamu omwoyo tukozese obumanyi orwo tulikuronka abanywanyi! Kabanywanyi baitu baraba nibagonza Katonda, turagoshoka orwo tulikwema nabo, kandi nabo baragoshoka. Katurakora tutyo, ‘turagumisangana n’okutekanganamu amani.’​—1 Abatesalonika 5:11.

2. Yehova nayehulira atai aha kikwete abanywanyi ab’olikuronka?

Yehova nayekomeleza orwo alikuronka abanywanyi. “Aina obunywanyi katiga aha bantu abali bagorogoki.” (Emigani 3:32, NWT) Yehova arayehulira atai katuraronka abanywanyi abatali kumugonza? Naija kujunara muno! (Shoma Yakobo 4:4.) Kyonkai tubase kushemeleza Yehova n’okuba banywanyibe, nitwetaga kwelinda kwema hamoi n’abantu abaina emimanyilire mibi. Nitwetaga kwilira hai ahali Yehova n’okwema hamoi nabalinya abali kumugonza.​—Ezaburi 15:1-4.

 MANYURUZA

4. Nitubasa kuronka abanywanyi abotuli kushagangana emyaka kandi abaina ehali ezitali zimoi

Ebibulia nefumora ekikwete ahali Daudi na Yonatani, abashaija ababaire nibatura omwihanga elya karai elya Isiraeli. Emyaka yabo n’ehali zabo zikaba nizahurana muno, kyonkai bakaba bali banywanyi katiga. Shoma 1 Samweli 18:1, mushube mufumoreho ekibazo eki:

• Kubaki tituli kwetagwa kuronka abanywanyi abo tulikwingana nabo emyaka anga abaina ehali nk’ezaitu bonkai?

Shoma Abaroma 1:11, 12, mushube mufumoreho ekibazo eki:

• Abanywanyi abali kugonza Yehova nibabasa batai kutekanganamu omwoyo?

Omu video eli kuhonderaho, leba okwo murumuna waitu omoi omusigazi yakwasize abanywanyi omu kichweka ekyo yabaire atali kutegeleza. Yolekya EVIDEO, mushube mufumoreho ebibazo ebili kuhonderaho.

• Omu video egi, kubaki abazaire ba Akil babaire nibatina aha rw’enshonga y’abanywanyi abo Akil yabaire nayema nabo ashule?

• Kubaki ambandizo yabaire nagonza muno abanywanyibe?

• Nikihai ekya mujunire kusinga ehisia z’obushuhya?

 5. Okwo wakubandisa obunywanyi burungi

 OMUBIGUFI

Orwo tulikukozesa obumanyi kuronka abanywanyi, nitushemeleza Yehova kandi nitugoshoka.

Isi ebi wakubihorora otai?

• Kubaki Yehova nayenda turonke abanywanyi abali barungi?

• Nitwetagwa kwelinda abanywanyi aba ngeliki?

• Nobasa otai kubandisa obunywanyi bw’amazima n’abantu abalikugasha?