Omushaija n’omukazi abashumikire obushwere juba, nibashubira nk’okwo ebyera ebyo babaire bainabyo aha kiro ky’obugenyi biragendelera kubaho ebiro byona. Ekyo nikibasikana. Abakirisito abaikaire omu bushwere omu kanya karai, abekalize kuhondera obuhanuzi bw’Ebibulia nibamanya nk’okwo ekyo nikibasikana.

1. Ebibulia nehanuliraki abashaija?

Yehova ahaire abashaija omuruka gwokuba ishe amaka. (Shoma Abaefeso 5:23.) Yehova nategeleza omushaija akore oburamuzi oburagoshora ekaye. Ebibulia nehanulira abashaija eti: “Mugonze bakazi banyu.” (Abaefeso 5:25) Ekyo nikimanyisaki? Omushaija aina engonzi nakolera mukaziwe omukisha orwo balikuba bali bonkai n’orwo balikuba bali omu bantu. Nayekomeleza nk’okwo mukaziwe aina emilembe n’okukora okwo alikubasa abase kugobesheleza ametage gawenene ag’omubili nag’ekihisia. (1 Timoteo 5:8) Ekintu ekili ky’omugasho muno, nikujuna mukaziwe kukuza obunywanyi ahali Yehova. (Matayo 4:4) Obulebero nibwobu, nabasa kushaba n’okushoma Ebibulia ali hamoi na mukaziwe. Omushaija orwo alikukolera mukaziwe omu ngonzi n’okumwetaho, nagendelera kukora obunywayibwe ahali Yehova bube burungi.​—Soma 1 Petro 3:7.

2. Ebibulia nehanuliraki abakazi?

Ekigambo kya Katonda nikigamba kiti “omukazi ateho aga wenene kukunira mushaijawe.” (Abaefeso 5:33) Nabasa atai kukora atyo? Nabasa kutekeleza engesho ezili zirungi eza mushaijawe n’okwo alikukora omu kihika abase kwimwikazage wenene n’abaanabe. Nayolekya amakune omu kwikiliza oburamuzi bwa mushaijawe n’okufumora nawe omu bwetohya. Kandi nagamba ebintu ebili birungi ebikwete ali mushaijawe orwo alikufumora n’abandi, n’orwo mushaijawe araba atali kwegashaniza ahali Yehova.

3. Omushaija n’omukazi nibabasa kugumisa batai obushwere bwabo?

Ebibulia nigambira eti abashumikire obushwere: “Ababili abo barabaga mubili gumoi.” (Matayo 19:5) Ekyo nikimanyisa nk’okwo nibetaga kwekaza muno kwelinda n’ekintu kyona kyona ekyakubasa kuyugya engonzi zabo. Nibakora batyo omu kukozesa kanya kangi bali hamoi, okufumora omu ngonzi ebikwete abitekelezo n’ehisia zabo omu butasherekangana. Tibalikujubura muntu anga kintu kyona kyona kibe ky’omugasho muno kushaaga obushwere bwabo, shana Yehova wenkai. Nibekomeleza muno batakora bunywanyi obutalikugasha na muntu wena wena.

 MANYURUZA

4. Iwe mushaija​—ogonze n’okwetaho mukazi wawe

5. Iwe mukazi​—ogonze n’okukunira mushaija wawe

Ebibulia netamu omwoyo abakazi bakunire bashaija babo, babe nibegashaniza ahali Yehova anga chei. Shoma 1 Petero 3:1, 2, mushube mufumoreho ebibazo ebi:

• Omushaija wawe karaba atali kwegashaniza ahali Yehova, omu butarengeshanyia noyegomba abe mukoziwe. Notekeleza nimuhandaki oguli gurungi okw’okumujuna, isi, nikumurangilira buli kanya anga kuba mukazi aina ekisha, amakune, n’engesho ezili zirungi? Isi kubaki?

Omushaija n’omukazi nibabasa kwema hamoi kukora oburamuzi obuli burungi. Kyonkai omu kanya akandi, rundi omukazi tiyakwikilijanyia na bitekelezo bya mushaijawe. Omu ngeli nkegyo, omukazi nabasa kushoborora ebitekelezobye omu bwetohya n’omu makune, kyonkai nayetagwa kushobokerwa nk’okwo Yehova ahaire  omushaija omuruka ogw’okukora oburamuzi oburagoshora ekaye. Omukazi nayetagwa kukora kyona kyona ekya alikubasa, abase kwikiliza oburamuzi bwa mushaijawe. Karakora atyo, naija kukora eka egire ebyera. Shoma 1 Petero 3:3-5, mushube mufumoreho ekibazo eki:

• Yehova nayehulira atai orw’omukazi alikukunira mushaijawe?

6. Nimubasa kusinga ebyemba ebili omu bushwere

 OMUBIGUFI

Omushaija n’omukazi nibabasa kugira ebyera kabaraba nibagonzangana, nibakunirangana, n’okukozesa ekanuni z’Ebibulia.

Isi ebi wakubihorora otai?

• Omushaija nabasa kukora atai obushwere bugire ebyera?

• Isi omukazi nabasa kukora atai obushwere bugire ebyera?

• Koraba oshumikire obushwere, nikanuniki ey’Ebibulia eyakubasa kugumisa obushwere bwanyu?