Yehova orwo yatutonzire akatuha egabo elinungi muno, yaani, obushobora bw’okufumora. Isi, nayetaho okwo tulikukozesa egabo egyo? Ombutarengeshanyia, nayetaho! (Shoma Yakobo 1:26.) Kityo, nitubasa kukozesa tutai obushobora bwaitu obw’okufumora omu ngeli elikushemerera Yehova?

1. Nitubasa tutai kukozesa kurungi egabo ey’okufumora?

Ebibulia netugambira eti: “Mugumisangane mara mutekanganemu amani.” (1 Abatesalonika 5:11) Isi, notekereza aliho abantu abalikwetagwa kugumisibwa? Nobasa kukoraki obase kubagumisa? Bolekye okwo obetahireho. Rundi nobasa kubagambira ebintu birungi eby’olikwenda kubolekera. Isi, nomanya eihandiko elyakubasa kugumisa omuntu nanka ow’olikumanya? Alihyo amahandiko gangi ago wakubasa kukozesa. Ijuka nk’okwo nobasa kubagumisa muno kuraba omu mifumorere yawe. Kityo, ebiro byona yekaze kufumora nabo omu bwetohya n’ombufura.​—Emigani 15:1.

2. Nifumoro eya ngeliki ey’olikwetagwa kwelinda?

Ebibulia negamba eti: “Mutafumora fumoro mbi.” (Shoma Abaefeso 4:29.) Ekyo nikimanyisa nk’okwo titulikwetagwa kugamba kubi, anga kugamba ebigambo ebilikunigaza abandi, ebyakubasa kubajunaza n’okushasa ehisia zabo. Kwakwo, nitwetagwa kwelinda okugeya n’okubeiyerera abandi.​—Shoma Emigani 16:28.

3. Nikihai ekirakujuna kufumora omu ngeli erayombeka abandi?

Omu mirundi mingi ebintu ebyo tulikufumora nibishurura ekili omu mwoyo gwaitu anga ekintu ekyo tulikutekeleza. (Luka 6:45) Kityo, nitwetagwa kwemanyiza kutekeleza ebintu ebilikwombeka, yaani, kyona kyona ekili kyamazima, kitaina kamogo, nikigonzibwa, n’ekisaine kusiimwa. (Abafilipi 4:8) Tubase kwekomeleza kurungi ekintu ekyo, nitwetagwa kuronda eburudani n’abanywanyi abali barungi. (Emigani 13:20) Kandi, nitwetagwa kutekeleza kurungi ebintu ebyo turagamba tutakabifumoire. Tekeleza engeli okwo ebigambo byawe byakubasa kwombeka anga kushasa abandi. Ebibulia negamba eti: “Aliho ayanguha kugamba ebilikuchumita nk’embanda, kyonkai orulimu rw’omugezi rukiza.”​—Emigani 12:18.

 MANYURUZA

4. Orayelinda omu mifumorere yawe

Omu kanya akandi, nitugamba ebigambo tutatekeleize ebyo turaija kwechuza aha nyuma. (Yakobo 3:2) Shoma Abagalasia 5:22, 23, mushube mufumoreho ebibazo ebi:

• Omu ngesho ezi, nobasa kushaba Yehova akuwe ngeshoki ezirakujuna kwebalira orw’olikufumora? Engesho ezi nizibasa zitai kukujuna?

Shoma 1 Abakorinto 15:33, mushube mufumoreho ekibazo eki:

• Eburudani n’abanywanyi abolikuronka nibabasa kuhindura batai emifumorere yawe?

Shoma Omwegesa 3:1, 7, mushube mufumoreho ekibazo eki:

• Ni kanyaki ako rundi kyakuzoka kuba kintu ky’obumanyi kwesiza anga kulinda akanya akalikugasha obase kufumora?

 5. Fumora ebintu ebili birungi ebikweteho abandi

6. Ogire obwetohya orw’olikufumora n’abantu beka yawe

 OMU BIGUFI

Ebigambo bina amani. Nitwetagwa kutekeleza kurungi ebintu ebyo turafumora, akanya ak’okubifumora, nengeli okwo turabifumora.

Isi ebi wakubihorora otai?

• Nobasa kukozesa muhandaki orw’olikufumora ebintu ebirayombeka abandi?

• Nifumoro eya ngeliki eyo tulikwetagwa kwelinda?

• Nikihai ekiratujuna ebiro byona tufumore omu bwetohya n’omu ngeli elikwombeka?