Ichwe chwena nitwenda kuronda ebijwaro ebyo turajwara n’okwo turayelengya. Aliho ekanuni z’Ebibulia ezakubasa kutujuna orwo tulikuronda ebijwaro n’ebintu ebyo tulikukozesa kwelengya, kandi ebirashemelera Yehova. Omwisomo eli turafumoraho ekanuni nanka.

1. Orwo tulikuronda ebijwaro n’amapambo nikanuniki eza kutuhabura?

Nitwetagwa kuronda “ebijwaro ebili kugasha, omukwebalira kandi ombushobokerwa,” n’okugendeleza emizokere mirungi elikwolekya nk’okwo ‘nitukolera Katonda.’ (1 Timoteo 2:9, 10) Tekelezaho ekanuni inai: (1) Nitwetagwa kujwara “ebijwaro ebili kugasha.” Nk’okwo olikubona omu nkiiko zaitu, abantu ba Yehova nibagonza ebintu ebitali bimoi, kyonkai ebijwaro, emishalire n’emishukire yaitu y’eishoke, neyolekya nk’okwo nitukunira Katonda owo tulikwegashanizaho. (2) Okujwara “omu kwebalira” nikumanyisa nk’okwo emizokere yaitu telikwetaga kwinegeza hisia za ngono, kandi titulikwetagwa kwetekeleza ichwe chwenene chwenkai. (3) Nitwolekya nk’okwo twina “obushobokerwa” omukwanga kuhondera buli mutindo gw’ebijwaro anga amapambo ag’abantu bangi balikwenda. (4) Ebiro byona emizokere yaitu neyetagwa kwolekya nk’okwo ‘nitukolera Katonda,’ ili kibase kuba kyangu omu bandi kubona okwo tulikukolera Katonda ow’amazima.​—1 Abakorinto 10:31.

2. Kubaki nitwetagwa kutekelezaho abo tulikwegashaniza nabo orwo tulikuronda ebijwaro?

N’orwo twina obwegerere bw’okuronda ebijwaro ebyo turajwara, nitwetagwa kutekelezaho nk’emizokere yaitu erashemelera abandi anga kubatamisa. Nitwekaza munoi tutasitaza muntu wena wena. Shana, ‘nitushemeleza bataahi baitu aha rw’obuge bwabo kubombeka.’​—Shoma Abaroma 15:1, 2.

3. Emizokere yaitu nebasa etai kukora abantu baije omu mwegashanizo gw’amazima?

N’orwo tulikwekaza kujwara omu ngeli elikugasha omu kanya kona, okushaagaho nitwekaza muno kujwara kurungi orwo tulikukika enkiiko zaitu n’orwo tulikugya kurangilira. Titulikwenda kukora bantu batamwe makuru ga Bibulia agotulikubatwalira. Shana, nitubasa kubakora bege amazima ‘n’okushemelerwa ebyo balikwegesibwa ahali Ruhanga omurokozi waitu.’​—Tito 2:10.

 MANYURUZA

4. Emizokere yaitu eli mirungi nehaisiliza Yehova

Ninshongaki eliyomugasho muno elikutukora tutekelezeho kurungi emizokere yaitu? Shoma Ezaburi 47:2, mushube mufumoreho ebibazo ebi:

• Aha rw’enshonga nitwetwa omwibara lya Yehova, nitwetagwa kujwara tutai?

• Isi, notekeleza emizokere yaitu y’omugasho orwo tulikukika enkiiko n’orwo tulikugya kurangilira? Isi kubaki?

 5. Okwo twakukora oburamuzi obuli burungi obukwete aha kujwara n’okwepamba

Yolekya EVIDEO.

Ebijwaro byaitu bibe bili by’amahela gangi anga gake, nibyetagwa bibe bili birungi ebili kugasha omukichweka ekyo tulimu. Shoma 1 Abakorinto 10:24 na 1 Timoteo 2:9, 10. Mushube mufumoreho kubaki nitwetagwa kwelinda kujwara . . .

• ebijwaro ebitali birungi kandi ebitali kugasha.

• ebijwaro ebili kubana muno, ebili kwolekya ebichweka by’omubili, anga ebili kwinegeza ehisia z’engono.

N’orwo Abakirisito batali ahansi ya Mateka ga Musa, kyonkai Amateka ago nigatujuna kumanya ebitekelezo bya Yehova. Shoma Obwijukiro Bw’ebiragiro 22:5, mushube mufumoreho ekibazo eki:

• Kubaki nitwetagwa kwelinda kwelengya engeli erakora omushaija azoke nk’omukazi anga omukazi azoke nk’omushaija?

Shoma 1 Abakorinto 10:32, 33 na 1 Yohana 2:15, 16, mushube mufumoreho ebibazo ebi:

• Kubaki nitwetagwa kwelinda emizokere eyakubasa kutamisa abandi omu kichweka ekyo tulikuturamu anga omu nteko?

• Ni mitindoki ey’ebijwaro n’okwepamba elikwendwa omu kichweka eky’olikuturamu?

• Isi notekeleza omu mitindo egyo, aliho emitindo etalikugasha Mukirisito? Isi kubaki?

 OMUBIGUFI

Orwo tulikukora oburamuzi obuli burungi obukwete aha mizokere yaitu, nitwolekya okwo tulikukunira Yehova na abantu abandi.

Isi ebi wakubihorora otai?

• Kubaki nitwetagwa kujwara n’okwelengya omu ngeli elikushemeleza Yehova?

• Ni kanuniki ezili kwetagwa kutuhabura orwo tulikukora oburamuzi obukwete aha mizokere yaitu?

• Emizokere yaitu nebasa kukora abantu batekelezeki ebikwete aha mwegashanizo gwaitu ogw’amazima?