EISOMO LYA 56
Ogendeleze Obumo omu Nteko
Orwo tulikuba tuli hamoi nabalinya abo tulikwegashaniza nabo, nitwehulira nk’Omukama Daudi ayagambire ati: “Leba kirungi kishemeire kitai kubona abarumuna batwire nibahulilijanyia!” (Ezaburi 133:1) Obumo bwaitu tibwina kweleta bwonene bwonkai. Buli omoi omuli ichwe, nayetagwa kugendeleza obumo obwo.
1. Abantu ba Katonda baina kintuki ekili kirungi muno?
Orw’olikukika enkiiko z’enteko omwihanga elindi, rundi toshobokerwe rulimi orulikufumorwa, kyankai orayehulirage n’okubona okwo wanyegezibwa. Kubaki? Aha rw’enshonga omu nsi yona, nitukozesa Ebibulia n’amachapisho gonene gonene. Kandi nitukora kyona kyona ekyo tulikubasa kwolekyangana engonzi. Turaba nitutura nkahai, ichwe ichwena ‘nituhaisiliza eibara lya Yehova n’okumwegashanizaho omu bumo.’—Sefania 3:9, NWT ebishoborozo ebili ahansi.
2. Noyetagwa kukoraki obase kugendeleza obumo?
“Mugonzangane muno engonzi ezilikuruga aha mutima.” (1 Petero 1:22) Nobasa otai kuhondera obuhanuzi obwo? Tolikwetagwa kuleba bujege bwa bantu bandi, shana olebe engesho zabo ezili zirungi. Yekaze muno kushobokerwa barumuna baitu na banyanyaichwe abaina emilelerwe etali emoi, kushaaga kwema hamoi nabalinya abali kushemelerwa eby’olikushemelerwa. Kandi, nitwetagwa kwekaza kurekelera kimoi ekigonzi kyona kyona ekyo turaba twinakyo.—Shoma 1 Petero 2:17. *
3. Nobasa kukoraki koraba otashobokerwangaine n’omu Kirisito mutahi wawe?
N’orwo twina obumo, ichwe tituhikilire. Omu kanya akandi, nitubasa kuhenda omwoyo anga kushasa ehisia ez’Abakirisito batahi baitu. Aha rw’ekyo ekigambo kya Katonda nikitukomeleza kiti: “Mugarulirangane,” nikishuba nikyongeraho kiti: “Okwo Omukama yabagaruliire kutyo nainywe mugarulire.” (Shoma Abakolosai 3:13.) Omu mirundi mingi ichwe nitufakalira Yehova, kyonkai nagendelera kutuganyira. Kityo nayenda tuganyire barumuna baitu. Koramanya okwo wakosheza omuntu nanka, obe wambere kwanguha kumara ekintu ekyo.—Shoma Matayo 5:23, 24. *
MANYURUZA
Enjuza omanye okwo wakubasa kugendeleza emilembe n’obumo omu nteko.
Noija kukoraki obase kuhiga emilembe?
4. Otakugira kigonzi
Nitwetagwa kugonza barumuna baitu bona. Kyonkai rundi omu kanya kandi kyakuguma kwema n’omuntu owo tulikwahurana. Nikihai ekyakubasa kutujuna? Shoma Ebikorwa 10:34, 35, mushube mufumoreho ebibazo ebi:
-
Yehova naikiliza abantu ab’engeli zona babe Bajulizibe. Nobasa kugira otai ebitekelezo nk’ebya Yehova ebikwete aha bantu abaina emilelerwe etali kushanangana n’eyawe?
-
Omu kichweka eky’olikuturamu abantu nibolekya ekigonzi omuli ngeliki eky’olikwetagwa kwelinda?
Shoma 2 Abakorinto 6:11-13, mushube mufumoreho ekibazo eki:
-
Nobasa kugumisa otai engonzi zawe omuli barumuna baitu na banyanyaichwe abaina emilelerwe etali kushanangana nayawe?
5. Oganyire omu bweyendezi kandi ogendeleze emilembe
Yehova natuganyira omu bweyendezi n’orwo atali kwetaga nakati ichwe tumuganyire. Shoma Ezaburi 86:5, mushube mufumoreho ebibazo ebi:
-
Yehova naganyira atai omu ngeli elimpango?
-
Kubaki nosiima obuganyizibwe?
-
Nibintuki ebyakubasa kuleta obutashobokerwangana omuli ichwe n’omu bantu abandi?
Nitubasa kurondora tutai Yehova omu kugendelera kwema hamoi nabarumuna baitu na banyanyaichwe omu bumo? Shoma Emigani 19:11, mushube mufumoreho ekibazo eki:
-
Omuntu orwo alikukora ekintu ekili kukutamisa anga kukunigaza, wakwetaga kukoraki obase kumara ehali egyo?
Omu kanya akandi ichwe nitufakalira abantu abandi. Nitwetaga kukoraki orwo ekyo kilikubaho? Yolekya EVIDEO, mushube mufumoreho ekibazo ekili kuhonderaho.
-
Omu video egi, munyanyaichwe ogwo akakora atai abase kuhiga emilembe?
6. Yekomeleze engesho ezili zirungi eza barumuna baitu na banyanyaichwe
Omu kugendelera kushobokerwa kurungi barumuna baitu na banyanyaichwe, nitumanya engesho zabo ezili zirungi amoi n’obujege bwabo. Nitubasa tutai kwekomelezage engesho zabo ezili zirungi? Yolekya EVIDEO, mushube mufumoreho ekibazo ekili kuhonderaho.
-
Nikihai ekyakubasa kukujuna kubona engesho ezili zirungi eza barumuna baitu na banyanyaichwe?
Yehova nayekomeleza engesho zaitu ezili zirungi. Shoma 2 Amakuru 16:9a, mushube mufumoreho ekibazo eki:
-
Iwe noyehulira otai orw’olikumanya nk’okwo Yehova nayekomeleza engesho zawe ezili zirungi?
Ealumasi elinungi n’orwo yakuba eina ekasoro neba ekyaina eiguzi. Kwakwo barumuna baitu na banyanyaichwe bona, n’orwo batahikilire, kyonkai baina eiguzi omu maisho ga Yehova
ABANTU ABANDI NIBAGAMBA BATI: “Tinakuganyira muntu atakanshabire buganyizi.”
-
Kubaki nitwetagwa kuba bangu b’okuganyira abandi?
OMUBIGUFI
Nobasa kugendeleza obumo omu nteko orw’olikuganyira n’okugonza barumuna baitu na banyanyaichwe bona.
Isi ebi wakubihorora otai?
-
Wakubasa kwelinda otai otagira kigonzi?
-
Wakubasa kukoraki kayakubaho ekintu ekyakukora otashobokerwangana n’omu Kirisito mutahi wawe?
-
Kubaki noyetagwa kurondora obulebero bwa Yehova obw’okuganyira abandi?
ENJUZA MUNO
Yega omanye obulebero obwo Yesu yatutereireho okwo bwakubasa kutujuna kwelinda kuramura abandi.
Isi, nitwetaga kushaba obuganyizi n’orwo turabanitumanya okwo ichwe tutashobize?
Yega omanye okwo abashaija babili abaleleirwe omwihanga elinamu abantu abali kushororangana aha rw’enshonga y’okwo balikushana, okwo bayegire kwema hamoi omu bumoi.
Johny na Gideon: Bakaba Nibatamwangana Muno, Kyonkai Kany’aka Nibagonzangana (6:42)
Yega omanye okwo wakumara ehali ey’okutashobokerwangana iwe n’omu Kirisito mutahi wawe mutakatabangure nteko.
“Omare omu Ngonzi Ehali ey’Okutashobokerwangana” (Mnara wa Mlinzi, Omwezi gwa Katanu 2016)
^ Ebishoborozo Ebyongeirweho 6 nibishoborora ekw’engonzi zilikwinegeza Abakirisito kwelinda kutulira abandi oburwaire.
^ Ebishoborozo Ebyongeirweho 7 nibifumoraho okwo twakumara ebyemba agakwete abiashara n’esheria.
