EISOMO LYA 60
Gendelera Kugumisa Obunywanyi Bwawe Ahali Yehova
Omu masomo aga ag’okwega Ebibulia, oyegire ebintu bingi ebikwete ahali Yehova. Ebintu eby’oyegire bikujunire kumugonza muno narundi bikwinegeize kumwehongera n’okubatizibwa. Koraba otakakozire otyo, rundi notekeleza kwija kukora otyo omu kanya akali haihi. Kyonkai koramara kubatizibwa, noija kwetaga kugendelera kwilira haihi ahali Yehova. Nobasa kugandelera kwilira haihi ahali Yehova erai lyona. Omuli ngeliki?
1. Kubaki noyetagwa kugendelera kugumisa obunywanyi bwawe ahali Yehova?
Nitwetagwa kugendelera kugumisa obunywanyi bwaitu ahali Yehova. Kubaki? “Tutaija tukaiwaho” ahali wenene. (Abaheburania 2:1, NWT) Nikihai ekyakubasa kutujuna tukolere Yehova omu bugorogoki? Nikugendelera kugira ekihika omu mulimo gw’okurangilira n’okuhiga emihanda endijo eyakutujuna kukolera Katonda waitu okwo tulikubasa. (Shoma Abafilipi 3:16.) Okukolera Yehova nihyo mikalire eli mirungi muno!—Ezaburi 84:10.
2. Nikintuki ekindi eky’olikwetagwa kugendelera kukora?
Orwo wamara kwega amasomo aga ag’Ebibulia, noyetagwa kugendelera kutura omu mikalire y’Ekikirisito. Ebibulia negamba nk’okwo “mube bantu abahya.” (Abaefeso 4:23, 24) Orw’olikugendelera kwega ekigambo kya Katonda n’okukika enkiiko z’enteko, orayega ebintu ebihya ebikwete ahali Yehova n’engeshoze. Higa ebintu ebya kukujuna kurondora kabutekire engeshoze omu mikalire yawe. Gendelera kuhindura emikalire yawe okwo kilikwetagwa obase kushemeleza Yehova.
3. Yehova naija kukujuna atai obase kugendelera kumwilira haihi?
Ebibulia negamba eti: ‘Katonda arakuha amani, mara akugumise, toliyuga.’ (1 Petero 5:10) Ichwe ichwena nitwohibwa kukora ebintu ebili bibi. Kyonkai Yehova atuhaire obujuni obwo tulikwetaga tubase kusinga okwohibwa okwo. (Ezaburi 139:23, 24) Yehova natushubiza kutuha ekihika n’amani ag’okugendelera kumukolera omu bugorogoki.—Shoma Abafilipi 2:13.
MANYURUZA
Yega omanye okwo wakugendelera kwilira haihi ahali Yehova n’okwo arakuha emigisha.
4. Gendelera kufumora na munywanyi wawe katiga
Okushaba n’okwega Ebibulia ebyo bikujunire bitai kuba munywanyi wa Yehova. Ebintu ebyo byakubasa kukujuna bitai omwilire haihi?
Shoma Ezaburi 62:8, mushube mufumoreho ekibazo eki:
-
Kugya kugumisa obunywanyi bwawe ahali Yehova, nobasa otai kurengya enshara zawe?
Shoma Ezaburi 1:2, mushube mufumoreho ekibazo eki:
-
Kugya kugumisa obunywanyi bwawe ahali Yehova, nobasa otai kurengya obushomi bwawe obw’Ebibulia?
Koraija kugoshorwa omwegeso ogwawe yabwawe ogw’Ebibulia, noyetagwa kukoraki? Obase kubona amapendekezo, yolekya EVIDEO, mushube mufumoreho ebibazo ebili kuhonderaho.
-
Wakubasa kukozesa bintuki ebyagambwa omu video egi?
-
Iwe noyenda kwega makuruki?
5. Yetereho omugendelero ogwe eby’omwoyo
Koragira omugendelero omu bukozi bwa Yehova gurakujuna ogendelere kumwilira haihi muno. Yolekya EVIDEO, mushube mufumoreho ekibazo ekili kuhonderaho.
-
Omu video egi, Cameron akagoshoka atai omu kweteraho omugendelero ogw’eby’omwoyo?
Tibuli muntu ayakubasa kufurukira omwihanga elindi kugya kurangilira. Kityo, ichwe chwenai nitubasa kweteraho omugendelero ogwo twakubasa kugobesheleza. Shoma Emigani 21:5, mushube mutekelezeho omugendelero ogwo wakubasa kweteraho . . .
-
omu nteko.
-
omu bukozi bw’okurangilira.
Ekanuni eli omuihandiko eli nebasa etai kukujuna kugobera omugendelero gwawe?
Omugendelero ogwo wakubasa kweteraho
-
Kurengya enshara zawe.
-
Kushoma Ebibulia yona.
-
Kumanya buli muntu ali omu nteko yanyu.
-
Kubandisa n’okuhabura omwegeso gw’Ebibulia.
-
Kukora obu painia msaidizi anga obu painia bwa kawaida.
-
Koraba oli mushaija anga musigazi, nobasa kwekaza kuba muhereza.
6. Shemelerwa emikalire eirai lyona!
Shoma Ezaburi 22:26, mushube mufumoreho ekibazo eki:
-
Obase kushemelerwa emikalire kany’aka n’eirai lyona, noyetagwa kukoraki?
OMUBIGUFI
Gendelera kugumisa obunywanyi bwawe ahali Yehova kandi oyetereho omugendelero ogwe eby’omwoyo. Naiwe orashemelerwa emikalire kany’aka n’eirai lyona!
Isi ebi wakubihorora otai?
-
Kubaki nobasa kugira obwesige okwo Yehova arakujuna ogendelere kumukolera omu bugorogoki?
-
Nobasa kugumisa otai obunywanyi bwawe ahali Yehova?
-
Kugira omugendelero ogwe eby’omwoyo nigubasa kukujuna gutai kwilira haihi muno ahali Yehova?
ENJUZA MUNO
Nikihai ekyo Yehova alikwetaho muno, isi, kikorwa kimoi ekili kihango eky’okweihayo anga nikumukolera omu bugorogoki omu mikalire yawe yona?
Nangu n’omukozi wa Yehova ali mugorogoki nabasa kuburwa ebyera. Leba obone okwo wakushuba kugira ebyera.
Nobasa otai kweteraho omugendelero ogwe eby’omwoyo n’okugugobesheleza?
Kubaki kintu ky’omugasho kuba Mukirisito akuzire omu by’omwoyo, kandi nobasa otai kukora otyo?
