Abril 29 paitɨ mayo 5
SALMOS 34, 35
Kwikari 10 metá nenewierika | Tita temɨtexeiya taxeɨritsikatsíe (1 min.)
1. «Jehová nepanɨawani naime tuukaaritetsíe»
(10 mins.)
David, Jehová panɨawakai tseepá haxa tiʼanenemetsíe mɨtiuyemiekai (Sl 34:1; w07-S 1/3 22 párr. 11).
David, Jehová hepaɨtsita ʼaixɨ pɨtiuxaxaatakai yuheetsíe waikɨ (Sl 34:2-4; w07-S 1/3 22 párr. 13).
David kemutainekaikɨ yuʼiwama pɨwarutawaɨritɨa ʼanɨawatɨ (Sl 34:5; w07-S 1/3 23 párr. 15).
ʼAriké Jehová, David heimá ʼutanuaku Abimélec mamateyatsíe, 400 meyupaɨmetɨ Saúl hetsɨa memɨteʼuximayakai David hamatɨa mepɨyutinɨi muwakitsíe (1Sa 22:1, 2). Xɨari David waheetsíe ʼutiʼeriwatɨ ʼikɨ kwikari putaʼutɨa (Sl 34, manuyehaitɨatsíe tatsɨrí encabezamiento).
TINEUʼAʼIWAWIYA: ¿Kehepaɨ Jehová nepɨtiunɨawawe xeɨritsikatsíe xeime hamatɨa nemɨretaxaatakɨ?
2. Bibliatsíe rayaʼatɨ́ mɨtiutixaxaatsiwatsíe
(10 mins.)
-
Sl 35:19 ¿Kehepaɨtɨtɨ haitɨ painekai David, Jehová mɨtiutahɨawixɨtsíe memɨnetsiʼakaheka mepɨkanetsikɨpiwiyani? (w06-S 15/5 20 párr. 2).
-
¿Keʼaneneme ʼɨkitɨarikate rayeʼatɨkaime pepekaxéi ʼikɨ tsemanatsíe?
3. Terɨwarika
(4 mins.) Sl 34:1-22 (th-S ʼɨkitɨarika 5).
4. Neukatsutsutɨwani xaatsika (2 mins.)
NIUKI NEKUXAATANI TSEEPÁ KEWA PEHEYEIKATƗ. Yapauka pɨtiuhayawaxɨ tikuxaatatɨ niuki pekaʼitaxaatɨawekaku (Newanakeʼerieka ʼɨkitɨarika 1 mayemietsíe 4).
5. Tarieka nakununuwani
(4 mins.) NIUKI NEKUXAATANI TSEEPÁ KEWA PEHEYEIKATƗ. (Newanakeʼerieka ʼɨkitɨarika 2 mayemietsíe 4).
6. Tineutaxaata tita pemɨtiʼerietsíe
(5 mins.) Mɨtihekɨatsieni kemɨtiyɨní. ijwfq 59 ¿Ketiʼaneneme meteʼanuyewawa Jehová memayexeiya xɨka xeime ʼixɨarari mewewikuni? (th-S ʼɨkitɨarika 17).
Kwikari 59
7. Tihaikametsíe kehepaɨ Jehová temɨteʼunɨawawe xeɨritsikatsíe
(15 mins.) Xaatsika metá ʼiwaurikate.
Xeɨritsikatsíe ʼaixɨ pɨʼane Jehová temanɨawani. Tihaikame tepɨtexeiya.
Hiipame tetewakuxaxaatɨwatɨ: Hiipame wahamatɨa temɨtekuxaatanitsíe yatepɨtiyuaneni Jehová keʼaixɨ mɨtiukaʼiyaari (Sl 145:1, 7). ¿Xeime ʼutɨarika teʼuʼenieka yakatixaɨ teʼakaterɨwaka ketatiupareewi? ¿Heiwa ʼaixɨ teteʼanuyekɨ́ niuki tekuxaatatɨ? ¿Xewitɨ tatiukawaɨritɨa kemutayɨkɨ yakatixaɨ kemɨtiuyurikɨ? ¿Mɨtiwewiyatɨká petikuxexeiyatɨ waɨká perayukatemawietɨyeika? Naitɨ mɨkɨ Jehová ʼimikierieya pɨtihɨɨkɨ (Snt 1:17). Mɨkɨ naime tepɨteʼutixaatawe hiipame wahamatɨa xɨka yapauka teʼutaʼaxeni taxeɨritsikatsíe.
Taniuki teyetuayatɨ: Tepɨkaʼanayetɨtɨmaiyani xeime ʼeiyarika teyetuayatɨ xeɨritsikatsíe (Sl 26:12). Pepɨyɨwe pemɨtaʼeiya kemɨtikuʼiwauriwa, Bibliatsíe pepɨrakaterɨwawe, ʼɨkiyatsíe timieme yakatixaɨ mɨkɨ ʼɨkitɨarika kemetiupareewiwe. Tsieretá peuyewetsé waɨká ʼeiyarikate temɨkuhaʼarita, xɨka xeime tehaʼiwiyarieni xeimetá tepɨyetuawawe. Xɨka taʼeiyarika 30 segundos kaʼanutikɨkani, hiipame tsiere tepɨwapitɨani yuniuki memɨyatuanikɨ tatsɨrí Jehová memanɨawanikɨ (Heb 13:15).
Temutinɨawatsíe: Tepanɨawani teyutemaamawietɨ Yuútsi ʼIitsɨɨkameyatsíe timieme (Sl 147:1). Xɨka heiwa taniuki tekayetuani xeɨritsikatsíe teyuwaɨkawatɨ temuyukuxexeɨriwakɨ, rixɨatá ʼaixɨ pɨyɨní kwikaritsíe temɨtanɨawa. Xɨka heiwa tetekuʼeriwa kenaame ʼaixɨ tekateʼunɨawa, kepemɨtiyɨwe nanɨawani Jehová mɨkɨkɨ waɨká pɨyukatemawieni (2Co 8:12). ʼAyumieme ʼaxɨ pɨʼane takié paitɨ temeyutiʼɨkitɨwani.
Xeneuxeiya VIDEO Meripaitɨ metá hiikɨ: Kwikarite Jehová manɨawa (matɨari mieme). ʼAriketá neutaʼiwau.
¿Kehepaɨ tetekuhekɨatá mɨtiukatsutɨarietsíe paitɨ Jehová kiekarieyatsíe kenaame takɨmana kwinimié rayeʼaxé Jehová manɨawarɨwani?
