Organización Mundial de la salud (OMS) pɨtiuʼutɨa metseritsíe 23 de mayo 2022, mepɨkwikai 6,27 millones teuteri kwiniyakɨ COVID-19. Mɨɨtá noticia manayenetsíe 5 de mayo 2022, OMS pɨtiuʼutɨa kenaame matsi waɨká mehɨkɨtɨkai memukwi. Putayɨ́ witaaritsíe 2020 metá 2021«kemeyupaɨmetɨ memukwi kwiniyakɨ COVID-19 mepɨyutipaɨmerixɨ 14,9 millones». ¿Kehaine Yuútsi niukieya mɨkɨtsíe?

•    Ketsuútsi putayɨ́, Biblia mɨtiuterɨwa «kwinatɨrieka temeuyeyɨatsíe», pɨtixuawerekekai waɨká kwiniyate haxa ʼanenetɨ (2 Timoteo 3:1; Lucas 21:11).

 ʼIkɨ profecía Ketsuútsi mɨtaxá payeʼaaxe hiikɨ tukaari. Waɨkawa pemɨretimanikɨ, kenakaterɨwa: «¿Cuál es la señal de ‘los últimos días’ o ‘los tiempos finales’?».

•    «(Yuútsi) waɨkawa mɨtiyunɨtɨwa [...] mɨtatsiʼukanɨtɨatɨyeika waɨkawa haxa temɨteʼanuyekɨkatsíe» (2 Corintios 1:3, 4).

 Yuwaikawatɨ yumaremá memɨwareuyexɨrí nɨtɨarika Bibliatsíe mepukaxexeiya. Kenakaterɨwa maitɨká «Cómo sobrellevar el duelo: Sugerencias prácticas» metá «La mejor ayuda para quienes están de duelo».

•    «ʼEkɨ ʼena ketineutanɨʼá. Yaketiuyɨní tita pemɨreuyehɨwá, mɨyuawitsíe mɨreyɨatɨne hepaɨ, mɨpaɨ tsiere pɨtiyɨatɨneni kwiepatsíe» (Mateo 6:10).

 Kwitɨwa «Yuútsi ʼIitsɨɨkameya» pɨrayeʼatɨani ʼikɨ niukite: «Xewitɨ kwatayɨní: Nepɨreukuye» (Marcos 1:14, 15; Isaías 33:24). Waɨkawa matsi pemɨretimanikɨ ʼIitsɨɨkametsíe mɨyuawitsíe makawe metá kemɨtiyurieni, video neuxeiya ¿Qué es el Reino de Dios?

 Tematsiʼinié Yuútsi niukieyatsíe matsi waɨká pemɨretimamatekeni. Mɨpaɨ, ʼekɨ metá ʼanuiwarima hamatɨa xeutetimaní mariʼitsitɨarikate ʼaixɨ ʼaneneme metá witsitiʼaneneme xepɨteʼanunake.