Xeɨritsika memuwewitsíe 19 de mayo 2022, Consejo de Seguridad de la ONU, kewa memɨyukuxeɨrí 75 weʼemete, pɨtiutaniukie «waɨkawa haka mɨxuawe kwiepatsíe haxa peutiyɨxɨakairí kepauka COVID-19 mutawetsíe, metá pɨtiyuhekɨ́a haka pɨtixuawiré naitsarie kuyaxá muwetsekɨ Ucrania». ʼAriketá, xapa The Economist pɨtiuʼutɨa kuyaxá ʼaixɨ pɨkatiyuriene kepaitsɨ́ pɨtiuyuriwe ʼikwai naitsarie mɨkumawiré. Yuútsi niukieya painekairí tukaari temauyeyɨatsíe ʼikwai waɨká pɨkatixuawerekekai, mɨɨtá tsiere pɨtatsiʼaʼɨxaatsitɨwa kehepaɨ temɨteʼenutaxeiyaxɨanikɨ tetetakwewietɨ yepauka ʼaixɨ pɨtiyɨní.

•    Ketsuútsi putayɨ́: «País xeime país matɨa meniyutakwikuni metá ʼiitsɨɨkatari hiipame ʼiitsɨɨkatari wahaamatɨa meniyutakwikuni, metá ʼikwai pɨtikumawiré» (Mateo 24:7).

•    Apocalipsis xapayaritsíe, mepaxaxaatsiwa meyunaukatɨ kawayutsixitsíe meʼutetɨ. Mɨkɨ xewitɨ panuyɨne kuyaxá, metá tsiere xewitɨ ʼutɨmana pɨmíe mɨkɨ panuyɨne haka. ʼIkɨ xapatsíe tsiere pɨraxaxaata kepauka ʼikwai waɨká rayeʼatɨ́ mayanikekai metá ʼetsiwa xeikɨ́a tetehexeiyatɨ tepakɨnekekai. «Kawayu heuyɨwitɨ mana kaniuwekaitɨni. Kemɨʼane hetsiena makatei kiru tiʼinɨnɨatame kanahapakaitɨni yumamatsie. Hikɨ xeime nekaniuʼenieni [...] hetaineme: «Tɨriku merie kakuniyari mɨpaɨ ketinayeʼatɨa xeitukari tewi kemɨtiʼiwa, tsewara meta xeikakuniyari yaxeikɨa rayeʼarɨkame, ʼaxapepɨkaʼiyurieka wiya meta kaxie winuyari» (Matsiɨkɨtɨ kemɨratɨa [Apocalipsis] 6:5, 6, Huichol Biblia Bilingüe).

 Hakatsíe kemɨreʼuxa hiikɨ payuyeʼatɨwa, Yuútsi niukieya mɨtiterɨwa «kwinatɨrieka xemeuyeyɨakatsíe» (2 Timoteo 3:1). Xɨka matsi waɨká pereumaimɨkɨni «kwinatɨrieka temeuyeyɨatsíe» metá kehepaɨ meteyehú kawayutsíe memutei, neuxeiya video titewakame En 1914 el mundo cambió de rumbo metá nakaterɨwa «¿Qué representan los jinetes del Apocalipsis?».

•    Yuútsi niukieya pɨtatsiʼaʼɨxaatsitɨwa ʼaixɨ temɨkateʼanuyehunitsíe, ʼikwai mɨrayeʼatɨká heetsíe mieme nutsɨ tiumawitɨ mɨrayeikatsíe. Pepɨkaxeiyawe hiipame ʼixaatsikate terɨwarikatsíe «Cómo vivir con menos».

•    Yuútsi niukieya tsiere pɨtarahɨawe yepauka ʼaixɨ pɨtiyɨní temɨtetakwewiekakɨ. Paine payeʼaní tukaari kepauka waɨkawa ʼikwai mɨtitixuawiré metá xewitɨ hauhakamɨtɨ pɨkaʼayanirí (Salmo 72:16). Waɨkawa matsi pemɨretimanikɨ ʼikɨ heetsíe metá titakɨ yuri teteʼerieka mɨkɨtsíe, nakaterɨwa maine «La esperanza real de un mañana mejor».