«Hiikɨ tukaarikɨ yepauka takwie peuyewexime: Kiekarite pɨkuhauwe. Kwinié pɨtiuxɨká. Waɨkawa pɨwiye ʼekamatɨ. Ha pɨkuwauke. Hiipatɨ ʼiteɨrite pauyewexime, metá tsiere yeutari. Kenemaine pɨkaheinɨtsika, yeme ʼikɨ pɨtiyuri. Mɨpaɨ mepɨtekuhekɨatá temaikate cienciatsíe, waniú yapɨtikɨyɨne ʼiitsɨɨkate ketiʼaneme memɨteʼanuyewawakɨ» (António Guterres, secretario general de las Naciones Unidas Xatsikaya, kepauka memiyetuiritsíe informe Grupo Intergubernamental de Expertos sobre el Cambio Climático 4 de abril 2022 heetsíe mieme).

 «Científicos mepaitɨká witaari makahutsíe kenaame haxa tiyɨwe kemɨtiyɨanekɨ takwietsíe, mɨkɨ pɨtiuyuriwe witsiʼanenetɨ kwie maukumanetɨká mɨkumawiré [Estados Unidos kwieyaritsíe] keane ʼiteɨrite waɨká mɨkatiukanenewie. 423 witsiʼanenetɨ kwie mɨxuawe yeme waɨká haxa pɨyuriwe: hiipatɨ ʼukwarikɨ, mɨtiukuhauwekɨ, metá tsiere pɨkumawiriyawe ʼɨwí mɨxuawe haramaratsíe, tikuyuruwatɨ ha kwie manukanani metá kwinié pɨtiukuxɨriwe («Flooding Chaos in Yellowstone, a Sign of Crises to Come» [Caóticas inundaciones en Yellowstone, un aviso de las crisis que vendrán], The New York Times, 15 de junio 2022).

 ¿Heiwa reutipare tita takwie haxa mɨtiyurié? Xɨka mɨpaɨ tiyɨmɨkɨ, ¿kepauka? Patsi kenetimaʼí Yuútsi niukieya kemɨtikuʼɨkita.

 Yuútsi niukieya paine, «pɨwatayuniyá keane kwie memɨnanaima» (Apocalipsis 11:18). ʼIkɨ ʼutɨarika tihaikame pɨtatikuʼɨkɨtɨwa:

1.  1. Teuteri kwie haxa mepɨyurienikekai.

2.  2. Kemɨtiyɨane hiikɨ kwiepatsíe pɨreutiparitɨarieni.

3.  3. Yuútsi ʼaixɨ pɨtikuyurieni, teuteri memɨkayɨwawekɨ memɨtehautiparitɨani.

 Yuútsi niukieya paine «kwie yaxeikɨ́a katineukukaní» (Eclesiastés 1:4). Teuteri heyeme mana mepɨkuteni.

•   «Keane heitseriemekɨ yememɨtekahú kwie mehexeiyatɨ mepakɨɨné, metá heyeme meʼuʼuwatɨ mepakɨɨné heetsiena» (Salmo 37:29).

 Kwie ʼaixɨ kaniʼitɨariemɨkɨ metá witsiʼanetɨ kanayeimɨkɨ.

•   «Mɨwakitsíe temawierika kanitixuawirimɨkɨ, metá tsiere yetapa mɨkatiuxuawiriwetsíe kanitaxutuimɨkɨ tuutú hepaɨ» (Isaías 35:1).