Metseritsíe Julio 2022, waɨkawa tuaxarikate pɨtixuaweri kwiepatsíe:

•   “«Mɨmieriekɨ político kwinie mɨtimatiwa Shinzo Abe [ex primer ministro] meyunaime teuteri pɨkatiwarumaritɨa, kepaitsɨ́ mɨpaɨ pɨkatiyɨwekai kiekaritsíe metá memɨkapitɨariekɨ tepɨate tuaxamete teuteri memeuxeiyani» (10 de julio 2022, The Japan Times).

•   «Xewitɨ ʼuki puwarukwi meyu haikame teuteri mɨtiwatuiyatsíe kiekari Copenhague, Dinamarca, yamɨtiuyɨkɨ teuteri waɨká pɨwarutimariutaxɨ» (4 de julio 2022, Reuters).

•   «Sudáfrica: hiipatɨ ʼukitsi teuteri mepɨwarutituaxixɨ hakewa memuʼiekatsíe Soweto mɨtiuterɨwarɨwa metá mepɨwarukwi meyu 15 teuteri» (10 de julio 2022, The Guardian).

•   «Tsemanatsíe matinetɨarie ʼixɨarari 4 de julio mepɨtituaxie metá mepɨkwiʼiwaxɨ 220 teuteri Estados Unidos» (5 de julio 2022, CBS News).

 ¿Tukaari rayeʼani meutipare ʼimierika? ¿Kehaine Yuútsi niukieya mɨkɨtsíe?

 Biblia paine «kwinatɨrieka temeuyeyɨatsíe tepɨtitei», mepɨtixuawerekekai teuteri kwinie metayuʼeririyatɨ metá yeutari wahepaɨ meteʼuʼiyaaritɨ mepakɨnekekai, mekateʼuyukanenimayatɨ (2 Timoteo 3:1, 3). Mɨpaɨ memɨtekuyuruwatsíe teuteri waɨká mepɨwarutimariuta (Lucas 21:11). Mɨɨtá biblia pɨtarahɨawe tukaari payeʼani naitɨ ʼimierika mɨtikumaweretsíe, metá teureri «ʼaixɨ yari metitetɨ mekanakɨnikuni metá yukié ‘aixɨ meteyumaitɨ́ menakɨnikuni metá xewitɨ yɨɨkɨ pɨkatiwamatɨaka” (Isaías 32:18). Kamɨtsɨ, ¿kehepaɨ ʼimierika pɨkumaweriyarieni?

 Yuútsi yunaime haxa memɨteʼuʼiyari pɨwakumaweriya metá tepɨate mɨtiyumemiwa.

•   «Kemɨʼane haxa memɨteyurie mepakumaweriyarieni [kwiepa]» (Proverbios [Temaiwamete] 2:22).

•   «[Yuútsi] kuyaxá kaneutipariyamɨkɨ naitsarie kwiepa. Tupi kaniutimɨra, pitsika ʼamɨtɨtɨ kaniutimura kaxetate kuyaxá mieme taipa kaneuxɨrieni» (Salmo [Nɨawari] 46:9).

 Yuútsi pɨtiwatiʼɨkitɨani teuteri ʼaixɨ ʼiyaari memeutitenikɨ, mɨpaɨ xekɨa pɨrakuyeitɨani tita ʼimieri mɨtiukatsutsutɨwa.

•   «Xewitɨ pumaweni ’axamɨwayurienikɨ meta mɨtiwakwinitɨanikɨ nehɨri naitɨ mɨpatsie hetsie, kwie kanitahɨnimɨkɨ Yawé memaitɨ memakɨne [...] haramara hakɨ kemɨranatiyeuriwe hepaɨ» ([Kitsariyaxi] Isaías 11:9).

•   Hiikɨ paitɨ Yuútsi pɨtiwaʼɨkitɨa meyunaime teuteri kwiepatsíe memɨkayukwitɨwenikɨrí, tepɨatekɨ memɨkaʼuyutitɨaxani metá wa «espada payeitɨwa hararu metá ʼɨɨrɨ́ [...] tixikame payeitɨwa» (Miqueas 4:3).

 Xɨka matsi waɨká pereumaimɨkɨni tita mɨtatiyexatɨatsíe biblia ʼuxaʼa warie temɨkaheumamakatsíe, nakaterɨwa maine «¿Es posible librarse del miedo?».

 Pemɨretimanikɨ kehepaɨ naitɨ mɨtikumawire ʼimierika, kenakaterɨwa maine «!Por fin paz en la tierra!».