Lunes ximeri 10 de octubre 2022, waɨká misiles Rusia mieme pukaxɨri hiipame kiekaritetsíe Ucrania kwieyaritsíe. Yepɨtiuʼitɨarie huta tuukaari ʼanuyeyaku puente ʼunariemɨtɨ heetsiena mɨtiutatekiekɨ Rusia yehanetɨ Crimea mɨyeʼaxé. Meripaitɨrí hiipatɨ políticotsixi meputiyuakai kenaame yutsutɨanekai Armagedón.

•   «Kennedy [Estados Unidos] mɨʼiitsɨɨkametɨkaitsíe metá misiles Cuba muʼatɨarietsíe paitɨ hepaɨ, hiikɨ Armagedón hura tepeuyeyɨ́a. [...] Ne nepɨkatiʼerie Armas nucleareskɨ tiyukwitɨnetɨ kenaame Armagedón tekayeʼaxɨani» (Joe Biden, ‘iitsɨɨkame Estados Unidos mɨtinɨʼá, 6 de octubre 2022).

•   «Yuri nepɨti’erie Armagedón tepeuyeyɨ́a; naitɨ kwiepatsíe pɨtiyukweriwayurié» (ʼipaɨ putayɨ́ —ʼiitsɨɨkame Ucrania mɨtinɨʼá— Volodímir Zelenski mutaʼiwawiyarietsíe ketiyɨnikekai xɨka Armas nuleareskɨ tiuyutakwiniké; BBC News, 8 de octubre 2022).

 ¿Armas nucleareskɨ tiyukwitɨnetɨ Armagedón teteyeʼaxɨani? ¿Kehaine Yuútsi niukieya?

 Waikɨ. Niuki Armagedón heiwa payemié xeikɨ́a Yuutsi niukieyatsíe Apocalipsis 16:16. Kiekarite wakuyaxá pɨkaxaata, matsi pɨɨtá pɨxaata memɨyutakwinitsíe Yuútsi metá meyunaitɨ «ʼiitsɨɨkate naime kwiepatsíe memɨtama» (Apocalipsis 16:14). Armagedón mayeʼanitsíe Yuútsi meyunaime ʼiitsɨɨkate pɨwakumaweriyá (Daniel 2:44).

 Pemɨretimanikɨ kemɨyɨní kwie Armagedón muyukatsutɨanitsíe, nakaterɨwa xapa «¿Qué es el Armagedón?»

 Waikɨ. Reumietɨ ʼiitsɨɨkate mepuyutakwiwawe armas nucleareskɨ, mɨɨtá Yuútsi pɨkatipitɨani kwie meuyehɨiyani. Yuútsi niukieya paine:

•   «Mɨɨtá kwie yaxeikɨ́a katineukukaní» (Eclesiastés 1:4).

•   «Keane heitseriemekɨ yememɨtekahú kwie mehexeiyatɨ mepakɨɨné, metá heyeme meʼuʼuwatɨ mepakɨné heetsiena» (Salmo 37:29).

 Yatɨtɨ, Yuútsi niukieya kemaine metá kemɨtiyɨane hiikɨ, pɨtikuhekɨkɨare hatsuaku mɨkatiyɨwekai hepaɨ pɨtiyɨane (Mateo 24:3-7; 2 Timoteo 3:1-5). Tinetimaʼí kemaine Yuútsi niukieya kemɨtiyɨní ʼuxaʼá warié mɨrakamietsíe ʼɨkitɨarikakɨ Bibliatsíe xetekuxaatatɨ.