«Naime kwiepatsíe tumini yaxeikɨarí pɨkarayeʼaxé», ʼipaɨ putayɨ́ weʼeme Grupo Banco Mundial junio 2022 xaatsikatsíe manayené. «Hiikɨ pinite kwinié pɨrayeʼatɨkatá metá teuteri ʼetsiwa mepɨteʼiwa».

 Maine hepaɨ Fondo Monetario Internacional, «Kemɨrayeʼatɨkatei naitɨ pinite metá ʼikwai yepauka waɨkawa rayeʼatɨ́ pɨratɨ́a, tikuyuruwatɨ hiipatɨ kiekari tewa mɨkumanetɨká waɨká memɨkatehauxeiya, yeme matsi memɨteʼukaʼeniwani».

 Yuútsi niukieya pɨtatsipareewie temɨtehetiʼenietɨkɨkanikɨ títakɨ yetiʼanemetsíe teteʼuyehú, ketemɨteʼuyuriwe temenutaxeiyaxɨanikɨ metá temɨtetakwewiekakɨ kepauka naitɨ ʼaixɨ mɨtiyɨnitsíe.

•   Yuútsi niukieya paine «kwinatɨrieka temeuyeyɨakatsíe» waɨriyarika teʼuʼuwatɨ tepakɨnekekai (2 Timoteo 3:1).

•   Ketsuútsi putayɨ́ hiikɨ temeuyeyɨatsíe «haxa pɨtiniuʼanenikekai» tikuyuruwatɨ waɨkawa teuteri memaumamaka (Lucas 21:11). Kepauka naitɨ pinite metá ʼikwai mɨtitiʼɨriké, meyuwaɨkawatɨ teuteri mepɨtimamawe kepaitsɨ́ memɨkatehamatekɨ ʼuxaʼá warié ketiʼanetɨ mɨrakamié metá xɨka meyɨwaweni yunuiwari memɨtewakupinirieni tita memɨtehauyehɨwá.

•   Apocalipsis xapayaritsíe paine hiikɨ temeuyeyɨatsíe naitɨ pinite kwinié rayeʼatɨkaitɨ pɨrayanikekai. Mana paine: «Mɨpaɨ ʼutaineme nekaniuʼenieni: ʼTɨriku merie kakuniyari mɨpaɨ ketinayeʼatɨa xeitukari tewi kemɨtiʼiwa, tsewara meta xeikakuniyari yaxeikɨa rayeʼarɨkame, ʼaxapepɨkaʼiyurieka wiya metá kaxie winuyariʼ» (Matsiɨkɨtɨ kemɨratɨa [Apocalipsis] 6:6, Huichol Biblia Bilingüe).

 Xɨka matsi waɨká pereumaimɨkɨni «kwinatɨrieka temeuyeyɨatsíe» metá kehepaɨ mɨrayuyeʼaxe mɨrayemié Apocalipsis xapayaritsíe, neuxeiya xeime video titewakame En 1914 el mundo cambió de rumbo metá nakaterɨwa «¿Qué representan los jinetes del Apocalipsis?».

•   «Kii mepɨtiwewieni, muwa mepayetetɨkani, kaxié mepɨka’eni meta takarieya mepɨtikwaní. ʼArí kii mepɨkatiwewieni hiipatɨ pɨtá muwa memeutayaxekɨ, metá kaxié xepɨkaka’eni hiipatɨ pɨtá memitikwanikɨ» (Kitsariyaxi [Isaías] 65:21, 22).

•   «Naime kwieyaritsíe tɨriku kexuaweni, hɨritsíe paitɨ ke’uwetuarɨkani tɨriku» (Nɨawari [Salmo] 72:16).

•   «Nekananukukemɨkɨ, memɨ’uximatɨarie nekaniwatawikweitsitɨamɨkɨ, tixaɨtɨ mɨkarexeiya mɨnanaimariekɨ, mɨreuyehɨwá mɨtiuka’eniwakɨʼ», kanaineni Jehová (Nɨawari [Salmo] 12:5). a

 Kwitɨwa Yuútsi pɨtikumawiriya hiikɨ ketiuʼanekaku temɨtitei metá yekwatiyurieni xeikɨ́a xeime kiekaritsíe, matsi pɨɨtá naime kwiepatsíe. Pemɨretimanikɨ kehepaɨ mɨkɨ mɨrayuyeʼatɨani ʼikɨ nakaterɨwa «¿Es realista esperar un sistema económico justo?».

 Mɨɨtá mexi Yuútsi ʼaixɨ tikuyuruwa, Biblia metsiʼupareewiwe pemɨyemienikɨ pekatikuhayeikawatɨ tseepá naitɨ kemɨtitiʼɨrirɨme. ¿Kehepaɨ? ʼƗxaatsikateya teʼuweiyatɨ tumini hauʼerietɨ temɨkaxɨtɨakaku (Proverbios 23:4, 5; Eclesiastés 7:12). Xɨka matsɨ waɨkawa pereumaimɨkɨni, ʼikɨ kenakaterɨwa «Cuide su economía» metá «Cómo vivir con menos».