Matɨari paitɨ ʼakuxi kaʼuyeikakaku Adán, Jehová petaawewi xeime yuniwé mɨyuawitsíe kaheekɨɨakáme kwinieé titɨrɨkaɨyéme. Metá Yuútsi tinɨʼá mɨɨkɨ niwéya temɨʼeníeka.

Mɨixa ʼanuyeneeku, Yuútsi peyenɨʼa yuniwé Kwieépa. Belén tiyetewaakaku putinuiwaxɨ xeime ʼɨimaritsíe titewaakáme María, ʼukí haamatɨa kakahuiweekame. Mɨɨkɨ ʼunetsi tiutérɨwaarie Ketsuútsi (Juan 6:38).

Kepauka Kwieépa muyeikakaaitsíe, Ketsuútsi ʼaixɨ tiukaʼiyaarikai metá tiuyukanaakeʼeeríekai, Jehová hepaɨ. ʼAyumieme, teuteri waɨkawa mepiinaakeʼeeríekai. Tsieeretá, putiʼɨɨkitaxɨ kaʼukamaátɨ Yuútsi Niukíeya.

Tsieeretá tekwikwíkate waranayexɨri metá hiipame mɨɨkíte waranukuʼuitɨa.

Keʼaane Yuutsitsíe memɨteʼɨɨ́kitakai Ketsuútsi mepɨheekakai mɨɨkɨ mutaineekaikɨ kenaame meteʼiitáwaakai metá haxa metekahuukai.

Keʼaane Yuutsitsíe memɨteʼɨɨ́kitakai mewarutaaʼini xumanutari waʼiitsɨɨkáte Ketsuútsi memɨtiwaxɨanikeékaikɨ metá memiimíenikeekaikɨ.