Meri ʼuká patɨa Eva. Yuútsi piitawewi Adán ʼɨyaáya mayaanikeékaikɨ (Marcos 10:6, 7).

Yuútsi warutiwewi Adán metá Eva ʼaixɨ meʼaaneneéme yeme meʼayaʼatɨɨkáime. Mekatetikwikwinekeékai metá mekakwinikeékai.

Meyeteékai haaraweeri taɨtá. Mɨɨkɨ haaraweeri pɨyemákakai Edén tiuyetewaakaku. Witsitiuyeʼaneékai taɨtána muyeháneekaikɨ ʼaki, ʼiteɨri muuyeexúawekaikɨ metá yeutári tsieere tewatsíekate.

Jehová wahaámatɨa tiutixaxaataákai metá tiwaʼɨɨkitɨakai. Xɨka tuukaari heyeme meheuyehɨ́aakake haaraweeri taɨtá, Yuútsi mepɨʼeniekákeekai.

Yuútsi tiwarutaahɨawixɨ Adán metá Eva mekwatekákwaʼaanikeekai xeime ʼiteɨritsíe mɨreukateékai haaraweeri taɨtá yewetɨ. Xɨka meteʼukakwanike, mekwiinikeékai.

Xewitɨ niwéya mɨyuawitsíe memuʼuuwákai kaʼiʼeni. Mɨɨkɨ katinitewáka Diablo metá Satanás.

Diablo kwaʼinaakixɨ Jehová memɨkuʼeniwaákaikɨ. Xeime kuutsíe kaniyeniuni Eva titaahɨawéke kenaame kamɨɨnikékai xɨka tiukakwanike ʼiteɨritsíe mɨreukateékai. Titaahɨawixɨ kenaame Yuútsi hepaɨ ʼanéetɨ ʼayaanikeékai. ¡Diablo yeme tiʼiitaiyaxɨ! (Génesis 3:1-5; 1 Timoteo 2:14.)