Adán metá Eva tɨɨrí mewaraayexei, metá kwitɨɨwa mepuutixuaweríxɨ waɨkawa teuteri Kwiepatsíe. Hiipátɨ Jehová niwemaáma mɨyuawitsíe paitɨ mekaʼiʼeéni Diablo hepaɨ metekakɨ.

Mɨkɨ mepaakaneéxɨa mɨyuawitsíe paitɨ metá teuteri wahepaɨ meʼaaneneetɨ mepaakɨ mehauneɨkikuútɨ ʼuukari wahaámatɨa. Mewaraayexei tɨɨrí haxa meteʼuʼiyaaríme metá waɨkawa metɨrɨkawiíme.

Yuútsi Niukíeya paine kenaame «teuteri yeme waɨkawa haxa meteyuuríekai Kwiepatsíe» metá tsieere paine xeikɨ́a mepuutiʼeríekai haxa mɨtiʼaanenetsíe.

Puyeikakai xewitɨ ʼukí ʼaixɨ tiukaʼiyaaritɨ titewaátɨ Noé. Jehová titaahɨawixɨ Kwie kuhautsitɨanikeekai wataayuuniyáke teuteri haxa meteʼuʼiyaaríkai.

Titaahɨawixɨ pɨtawewienikeékai xeime kanuuwa ʼeepaame ʼanukanaakame muwa yunuiwaárima wareutaahatɨanikeékaikɨ. Tsieeretá yeutári metá memɨtewatsíe yɨkɨ meʼaaneneeme.

Noé yetiwarutaahɨawixɨ teuteri kenaame Jehová Kwie kuhautsitɨanikeekai, metá mɨɨkɨ mekaʼiʼeni. Hiipatɨ mepiitaaʼaatsíxɨ, metá hiipatɨ mepuuyahaaʼá waɨkawa.

Kepauka Noé mɨnɨ kanuuwa, wareutaaʼɨnaxɨ yeutári metá tsieere memɨtewatsíe meyuhuhuútame.