Keane memɨyuxeɨrié waheetsíe mieme
XEƗRITSIKATE HIIPATƗ TSIERE MEWEWIYANI
ESCUELA PARA EVANGELIZADORES DEL REINO. Mepɨʼinierie precursortsixi 23 wiitaari metá paitɨ 65 memexeiyatɨká xɨka matsi waikawa metehaupareewikuni memɨyuxeɨrienikɨ tumikuti taikái xeiritsika mɨwewiyanitsíe keane mɨkɨ ʼɨkitiaripa memaukɨniku. Keʼupaukukaku metá kewa yemɨreyɨní texaxaatamete memakaʼuwetsíe pakaxaatsieni.
KEANE MEMƗYUXEƗRIÉ WAHEETSÍE MIEME
ʼƗƗPARITE. Yeme ximɨxi tepɨxetewawirie hiipame waheimá xekwaʼuyehuuni. Xenetaʼeriwani ʼɨɨparite xeneukunama xeikɨ́a xenuiwarima waheetsíe mieme, keane kaxutsíe xehamatia memeyekɨ́, ʼahetsɨa memɨtitéi nutsu keane pemɨtiwaʼɨɨkitɨa Yuútsi Niukíeyatsie. Tita pemɨkareuyehɨwa ʼɨɨparitetsíe pekwarapineni xɨka mana pekaʼayerɨmɨkɨ.
MEMƗTEHAUPAREEWIKU MEMƗYEʼAAXETSÍE. Xɨka pereupareewimɨkɨni xeɨritsikatsíe tita mɨreuyewetsé, naʼakaʼutɨa mainetsíe Mɨtiwatimaatiwa metá Memɨtehaupareewiku memɨyeʼaaxetsíe.
MEMUKAʼƗƗWÁ. Texaxaatamete memakaʼuwetsíe hɨxɨe pɨkunamieni keane memɨkaʼɨɨwá waʼɨɨparite, yakatixaɨ xɨka yɨɨkɨ tiutayɨní. Keane memɨkaʼɨɨwa mana mepaateeni rí xaatsika memɨkaʼɨɨwá heetsíe mieme kakatsutɨariewekaku xawati ximeri. Meyunaitɨ xeime yutuaya meta yukemari ʼaixɨ tiyuhekɨakame meʼuhurietɨ.
PAREEWIYA TUMINIKƗ. Waɨkawa tuumiini putixɨtɨarie ʼɨɨparite ʼaixɨ ʼanenemetsíe temayaxikenikɨ, ʼɨɨkitɨarika ʼaixɨ temɨtekuʼeniwanikɨ metá video ʼaixɨ temɨtekuxexeiyánikɨ. Metá tiwaɨkawametsíe yeme ʼaixɨ temɨtemaarienikɨ metá Jehová yeme temayexeiyanikɨ. ʼAyumieme ʼapareewiyakɨ tumiiniikɨ kepemɨreuyɨweni pɨrakatuiyani ʼikɨ naitɨ mɨtiutixɨtɨarie metá tipareewiyaka naime kwieepatsíe. Xɨka pereupareewimɨkɨni kepemɨreuyɨweni pɨreukuʼuutɨka naitsarie ʼuwa temayeteitsíe raʼutɨkaitɨ. Pampariutsi pareewiya mɨreukaʼinarɨwakɨ. Cuerpo Gobernante pampariutsi pɨxerahɨawe pareewiya xemɨyetuayakɨ naime kwieepatsíe mɨtipareewiyakakɨ.
PIINITE MƗREUYEXƗRƗWE. Xɨka ʼuwa tixaɨtɨ petiukaxeiya, neyetua Piinite Mɨreuyexɨrɨwe mainetsíe. Xɨka tixaɨtɨ pereuyehɨaní, muwa nemié ʼapiini pemɨtiwáumiekɨ. Tsiere tɨɨrí memauyexɨrɨwe muwa mepɨyetuiwá. Tsieretá tepɨteʼakumaiká muwa tɨɨrí mekwahɨɨritsíe. Ximɨxi yuniwema xenewaʼɨɨwiyani xeʼaurie hurawa xenewarutiyaatsani.
TEʼUAYETAMETE MEWAYETÉI. Tinakumaiká ʼuwa XEIKƗ́A pɨtikupareewiwa xɨka yeme MEXƗIWA REUYEWEKANI.
TEUTERI ʼAIXƗ TEWAYAAYATSAMETE. Teuteri ʼaixɨ tewayaayatsamete mepuyexuawe mematsipareewienikɨ. ʼAixɨ tinewaʼenieka kememetekunɨʼaawa kewa kaxuri memetiʼuuwetsíe, kepemɨreuyuné xeɨritsika taɨtá, ʼɨɨparite mukunamarɨwatsíe metá tihiipametsíe tsiere.
Memanuyahaitɨtɨa Jehová Niukíeya memɨkuxaata Kiekarieyatsíe ʼenayeneetɨaku
