Kehepaɨ yeme ʼaixɨ pemɨretimaiwé ʼaʼɨkitɨarikatsíe Biblia heetsíe timieme
ʼAkuxi pekatikutsutɨawetɨ ʼaʼɨkitɨarikatsíe, ʼikɨ nakaterɨwa ʼena mɨrayemié. ʼAriketá VIDEO neuxeiya.
MATƗARI MIEME
ʼAkuxi pekatitiʼɨkitɨariewetɨ, ʼaxaɨtá tinakaterɨwa meri ʼɨkitɨarikatsíe. ʼIwaurikate ʼinɨatsietɨ (A) metá textos Bibliatsíe mayehapanie mɨyɨyɨwi (B) waɨká mɨrayaʼatɨká ranuyexaxaatatɨ. Neuʼaʼɨwiya textos Bibliatsíe pepɨtikaxeiya mainetsíe «Nakaterɨwa».
HUUTARIEKA MIEME
Meri parrafotsíe mayemié «Matsi waɨká tinetimaʼí» mana pɨraxaxaata tita mɨtixeiyarieni ʼikɨ ʼɨkitɨarika (C). Subtítulos ʼinɨatsietɨkaitɨ ketiʼaneneetɨ mɨranuyehaitɨtɨa (D).
VIDEOS. ʼIkɨ mɨkamatsíe pepɨtikaxeiya videos pɨrayaʼatɨwa ʼɨkitɨarikatsíe. Hiipatɨ videos pɨrayehapaniwa. Hiipatɨ pɨyutiwewiwa yuri kemɨtiuyuwe tuukaaritsíe.
Metiʼɨkitɨa haamatɨa, textos Bibliatsíe nakaterɨwa, ʼiwaurikate neutiʼeiya metá videos neuxeiya. ʼƗɨkiyaate neutixeiya metá mana kemainetsíe (E), metá neutiʼeri ʼekɨ kepeʼutayɨwe mainetsíe «Hiipatɨ kememutiyuane» (F).
HAIRIEKA MIEME
ʼƗkitɨarika manunɨnitsíe «Tita pemɨretimá» metá «Mɨrayeʼerieni» (G). Peʼakanuyɨ mɨkɨ ʼɨkitɨarikatsíe nakaʼutɨa kepauka pemekanɨ. Mainetsíe «ʼIpaɨ tineuyuri» pepɨranunake kepemɨtiuyuriwe kepauka pemɨtiyutiʼɨkitɨanitsíe (H). Mayemietsíe «Matsi waɨká tineukaxeiya» pɨrayehú xapate metá videos ʼaheetsíe timieme (I).
Pemɨtixeiya
|
Mɨrayemié 2 
|
Mɨrayemié 3 
|
Mɨrayemié 4 
|
Neuyuʼɨwiya |
Textos kepemɨtiukaxeiyawe Bibliatsíe mayehapanietɨká
Biblia 66 xapate pexeiya. Payehuta: Escrituras Hebreoarameas metá Escrituras Griegas Cristianas. Hiipatɨ teuteri tsiere mepɨteʼiterɨwa Antiguo Testamento metá Nuevo Testamento.
Textos kewa mayehapanietɨká ʼikɨ ʼɨkitɨarikatsíe, meri payemié xapa kemɨtitewa (A), ʼariketá payemié número ʼamɨpapa (B), metá ʼariké xewitɨ nutsɨ waɨkawa números payemié tsimɨpé nutsɨ tsimɨpepe (C).
ʼIkɨ hepaɨ, Wani 17:3 panuyɨne «Wani xapayaritsíe, ʼamɨpá 17, tsimɨpé 3».
