Jehová pɨtatiyetuiri ʼimikieri ʼaixɨ tiʼaneneeme: Biblia pexeiya 66 xapate. Xɨaritá pepɨtiuyuʼiwawiyawe: «¿Biblia kerané? ¿Keane tiutanɨʼaku pɨtaʼutɨarie?». Mɨkɨ ʼiwaurikate temɨtiʼeiyakɨ, meri tepɨtehetimaní kehepaɨ Yuútsi niukieya tahetsɨa mɨtinúa.

1. Xɨka Yuútsi niukieya teuteri meʼitaʼutɨani, ¿títakɨ tikuniuwa kenaame Yuútsi niukieya hɨɨkɨ?

ʼUukitsi Biblia memutaʼutɨa mepɨhɨɨkɨtɨkai: Ketsɨweiyamete, muxatsi wahɨwemete metá tixaɨtɨtsíe mepɨteʼuximayakai. Pukatsutɨarie ʼutɨarietɨ witaari 1513tsíe Kɨritsitu kanuawekaku, putanɨrietá witaari 98 Kɨritsitu ʼuyeikakaku. Kamɨtsɨ́, 1.600 witaari pɨreuterixɨ ʼutɨarietɨ. Yatɨtɨ Yuútsi niukieya pɨkaʼanuyutaʼeiya. ¿Tita tikuyuruwa mɨkaʼanuyutaʼeiyani? Kepaitsɨ́ Yuútsi ʼutayɨku kaniutaʼutɨarieni (nakaterɨwa 1 Tesalonicenses 2:13). Mɨkɨ teuteri kememɨtekuʼeriwakai mepɨkateʼakaʼutɨa. Matsi pɨɨta, «Yuútsi heetsíe mepɨteʼutaxataxɨ, tɨrɨkariyayakɨ mɨkayuhekɨ́a» (2 Pedro 1:21). a Yutɨrɨkariya mɨkayuhekɨakɨ, teuteri pɨwarupareewi memɨteʼakaʼutɨanikɨ kehepaɨ mɨkɨ mɨtiyukɨhɨawe (2 Timoteo 3:16).

2. ¿Keane waheetsíe pɨtikunanake Biblia?

Teuteri «naitsarie kiekatari, tseepá kehate, kememɨteʼuniuka metá kiekari mukumane» mepɨtehetimaiwé tita ʼaixɨ tiʼaneneeme mɨraxaxaata Yuútsi niukieya (nakaterɨwa Apocalipsis [Matsiɨkɨtɨ kemɨratɨa] 14:6). Yuútsi pɨtikuyuruwa waɨkawamekɨ niuki manayenenetɨariwani. Biblia xeikɨ́a pɨhɨɨkɨ waɨkamekɨ niuki mɨʼutɨarie. Meyunaitɨ Yuútsi niukieya heetsíe mepɨtehetimaiwé, tseepá kewa memekiekatari metá kememɨteʼuniuka.

3. ¿Jehová ketiunúa Bibliatsíe?

Yuútsi niukieya pakaʼutɨarie katiteriwawemetsíe. Pɨrakaʼutɨarie rollostsíe, yeutari wanawiyaritsíe yakatixaɨ ʼiteɨri papiro titewakametsíe. ʼUukitsitá Biblia waɨkawa menakiʼerietɨ mepekaʼɨkixɨ yumarima. Tseepá hiipatɨ weʼemete memiyuniyakukai, hiipatɨ mepuyukweriwayuri heetsiena menuatɨ. Teuteri mepɨkateyuriwawe Jehová yuniuki mɨkatatsiyetuiriwani. Biblia paine: «TaYuútsi niukieya kanayeniereni yuheyemekɨ» (Isaías 40:8).

 MATSI WAƗKÁ TINETIMAʼÍ

5. Biblia waɨkawamexɨa putawikwei

 6. Xapa meyunaime kwiepa memɨtama waheetsíe mieme

Biblia pɨhɨɨkɨ waɨkamekɨ niuki manayenenetɨariwa metá mɨtanɨʼariwa. Xenakaterɨwa Hechos 10:34, 35 metá xeteneutixaata ʼikɨtsíe:

• ¿Titayari Yuútsi reuyehɨwá niukieya waɨkawamekɨ niuki manayenenetɨariwani metá naitsarie mɨtanɨʼariwani?

• ¿Tita matsi waɨkawa metikunanake Biblia heetsíe timieme?

 TITA PEMƗRETIMÁ

Biblia Yuútsi niukieya pɨhɨɨkɨ, mɨkɨtá pɨtikuyuruwa meyunaitɨ teuteri memeixeiyani.

Mɨrayeʼerieni

• ¿Tita ranuyɨne kenaame Yuútsi teuteri yatiwaruʼeritɨaku Biblia meʼutaʼutɨa?

• ¿Tita matsi metikunanake Biblia kemɨtiuwikweitsíe timieme? ¿Kehepaɨtá metikunanake waɨkawamekɨ niuki mɨʼutɨariekɨ metá mɨtanɨʼariwakɨ?

• ¿Keperekaʼerietɨya pemɨretimakɨ Yuútsi kemɨtikuyuruwa teuteri memeitimamatenikɨ?