¿Tiyɨwe tawaarié tuukaari mehexeiyatɨ memaakɨɨné teuteri memeutakwixɨa?
¿ʼEkɨ ke petiʼakɨhɨawe?
-
Hɨ
-
Waikɨ
-
Kaukatsɨ
KE MAINE YUÚTSI NIUKÍEYA
«[Yuútsi] mɨwaranukuʼuitɨani mɨɨkíte.» (Nüʼarisixi [Hechos] 24:15, Cacaüyari Niuquieya Xapayari, ʼutɨarika hiikɨ kemɨtiuʼutsiwa hepaɨ.)
KE TATIKUPAREWIWA XƗKA MƗKƗ TETEʼAKUMAIKA
Tatsikanɨtɨani xɨka ʼumɨɨní keane temɨnakeʼerie (2 Curinitutari [2 Corintios] 1:3, 4).
Mɨɨkí kwinié tekateheutexiékari (Hepürayusixi [Hebreos] 2:15).
Tawaarié tepɨwaxeiya tamaremá tsieretá tahaamiikúma memeutakwixɨa (Vani [Juan] 5:28, 29).
¿TIYURI KE MAINE YUÚTSI NIUKÍEYA?
Hɨ, tihaikame tetenixeiyákuni:
-
Yuútsi tuukaari kaniunetɨani. Biblia paine Jehová tuukaari puneetɨa (Salmo 36:9; Nüʼarisixi [Hechos] 17:24, 25). Xɨka tuukaari warupitɨani memɨteʼayeneniere, kaniyɨweni tsiere tawaarié tuukaari mɨwapítɨani keane memeutakwixɨa.
-
Meripaitɨri Yuútsi kaniwaranukuʼuitɨani hiipame teuteri. Yuútsi Niukíeya ʼatahaikame teuteri kaniwaraxaxaátani —ʼuukári metá ʼuukítsi, tɨɨrí metá meyumaateme— tawaarietá Kwieépa meʼuʼuwaatɨ mepaakɨ. Hiipatɨ mekwatehauteerixɨ mekwikwiʼitɨ, xewitɨtá nauka tuukaari puyuri mɨɨkitɨ́ (Vani [Juan] 11:39-44).
-
Yuútsi tuukaari wareupítɨamɨkɨ keane memuúkwi. Jehová kaʼinaake teuteri memɨtakukúweni (1 Curinitutari [1 Corintios] 15:26). Mɨkɨ pɨreuyehɨwá naime yuʼiyaarikɨ xewitɨ ri kwakumɨɨmɨ́weni. ʼAyumieme tawaarié wareuxeiyámɨkɨ Kwieépa memɨtiténikɨ keane mɨwarayeʼeeriwa (Job 14:14, 15).
KETINEʼAKUʼIWAWIYANI
¿Titayaarikɨ ʼukiraawetsixi teteʼakɨɨká metá tetetakukúwe?
Yuútsi Niukieyatsíe ketineutiwawá pemɨretimaanikɨ GÉNESIS 3:17-19 metá XUMATARI [ROMANOS] 5:12.