Tim yuhamikuma wahaamatɨa waikanetɨ xeime kaxuyatsíe pɨreutaraxɨ yakaraʼeriwatɨ.

Xɨka ʼekɨ Tim pehɨɨkɨtɨnike, ¿kepetiuyuriwekai?

TIHAIKAME PEPƗRANUYEWAUWÉ:

1. Pemɨyutaʼuuná.

2. Xeimetsíe pemɨrahɨaní.

3. Kutsiyarieya yapemɨtitahɨawé pemɨrayukatuanikɨ.

Xɨari yapauka pepɨtiuʼeriwe kenaame peʼataʼuuná. Matsi tá ʼaixɨ pepɨtiyurieni xɨka yapeʼutayɨní tseepá kepemɨtiuyuri.

1. Kepai pɨtiʼaixɨ.

   Yuútsi Niukíeya paine: «Naimetsíe ʼaixɨ ʼaneemekɨ pɨɨtá tepuʼuwanikeyu tepɨteyukɨhɨawe» (Hebreos 13:18).

2. Xɨka pekatiʼawietani tita haxa pemɨtiuyuri, yapauka pepɨreuyehɨwiyarieni.

   Yuútsi Niukíeya paine: «ʼAixɨ pɨkaranuyeyaní keane yuʼixɨrikiya mɨʼawieta, keane tá mɨtikuhekɨatá metá mɨtikuhayeikawa ʼixɨrikiya, pɨreuyehɨwiyarieni» (Proverbios 28:13).

3. Jehová waɨká petemawieritɨatɨ pepayaaní.

   Yuútsi Niukíeya paine: «Jehová mɨwaxaneʼeriekɨ haxa memɨteʼuʼiyaari, riixɨ́a tá ʼaixɨ pɨtiwaxeiya keane heitseriemekɨ memuʼuuwa» (Proverbios 3:32).

Karina 20 wiitaari mexeiya, yupaapa yapɨkatiutahɨawixɨ kenaame hewiyariekai xeiyá tiunɨʼaximetɨ mɨɨtá pɨretimatiwaxɨ. Karina puutayɨ́: «Xei wiitaari hautineku nepaapa xapa puxei rakaʼukame kenemɨtiuwiyarie. ¡ʼAixɨ tiʼanemetsíe nekwatiunehɨa!».

¿Tita retimá? Karina paine: «Xɨka yepekaʼutayɨní haxa pemɨtiuyuri reumietɨ matsi ʼaixɨ kwatiuyɨwe. ʼAriké pɨretimatiwá kepemɨtiuyuri».

Yuútsi Niukíeya paine: «Teyunaitɨ temekawitsewekɨ waɨká mexɨa» (Santiago 3:2). Temɨtehetimá hepaɨ xɨka yeteʼutiyuaneni kenaame haxa tetekakɨká tepɨtekuhekɨkɨata kenaame kwinié tekateʼuyukaʼerie metá tetsetseɨye.

Tsiere ketinetimaamatekeni kepauka haxa pemɨtikuyuruwanitsíe. Xewitɨ ʼɨimari Vera titewatɨ paine: «Xɨka haxa netikayaaní mɨkɨtsíe nepɨretimaamateke. Xɨka mɨkɨ xexuimetsíe neretimaamatekeni ʼaixɨ netiukaʼiyaaritɨ nepayeiwé, xɨka reumietɨ yaxeikɨ́a neetiuyurieni nepɨramaate rí kenemɨtiyurieni». ¿ʼEkɨ kepetiuyuriwe ʼikɨtsíe?

Xɨka ʼapaapa bici metsiʼuniɨtɨayu peʼitamurá. ¿Kepetiuyuriwe?

• Tsinekwatitahɨawé mɨkaretimaamatenikɨ.

• Kemɨtiuyɨ́ naime yenepɨtitahɨawé.

• Kemɨtiuyɨ́ yenepɨtitahɨawé xeimetsíe netiuhɨpatɨ.

Xɨka examentsíe pekahanutiyaaní pemɨkatiuʼatiʼɨɨkitɨakɨ. ¿Kepetiuyuriwe?

• Nepɨtitahɨawé kenaame examen kaheyumainɨakai.

• Nepɨtitahɨawé kenaame nekahanutitɨ́a nemɨkatiunetiʼɨɨkitɨakɨ.

• Nutsɨ kenaame tiʼɨɨkitame netsiʼakaheka.

 Tsipatsɨ́ ʼikɨ tihuutametsíe neutiʼeri, kenaame pehɨɨkɨ (1) ʼapaapa metá (2) ʼatiʼɨɨkitɨwame. ¿Kemeteʼuʼeriiwe ʼakɨmana xɨka yapauka petiwarutahɨawé kenaame ʼaixɨ pekatiuyuri? ¿Keetá meteʼuʼeriiwe xɨka petiwaruʼitaiya?

Hiikɨ tá kenayeʼeri tita haxa pemɨtiuyuri wiitaari manukatɨatsíe ʼariké tá ʼeena ʼiwaurikate mayehú keneutiʼeiya:

Haxa pemɨtiuyuritsíe ¿kepetiuyuri?

• Karetimatiwake nepɨʼeriekai.

• Xeimetsíe nepɨtiuhɨa.

• Yapauka yeneputayɨ́.

Xɨka yuri yapekaʼutayɨní ¿keperekaʼerietɨya?

• ʼAixɨ, ¡Nepuyukatemaawi!

• Haxa nepɨrakaʼerietɨya. Nekatiniuʼiitaanike.

¿Kepetiyurieme ʼaixɨ pepɨtikayaanikekai?

¿Tita peretimá haxa pemɨtiuyurikɨ?

¿Titayari hiipatɨ yamekateʼutiyuane kenaame haxa metekakɨ́?

¿ʼAkɨmana hiipatɨ kemeʼutiyuawe xɨka yapekaʼutaineni titatsíe haxa pemɨtikatɨ́a? ¿Keetá meteʼuʼeriiwe xɨka tiyurímekɨ yapetiwakuhɨaweni? (Lucas 16:10).