Paatsɨ́ ʼikɨtsíe neutiʼeri: Heather, Mike matɨa huuta metseri mepuweiya meyutuxerimatɨ, Heather pɨtikuʼeriwa waʼatɨ mɨixa rí meteʼuʼuuwa meyunɨtɨ́. Mekwatekuhayeikawa telefonotsíe meteyuʼutɨirietɨwetɨ metá meheuyuhɨawetɨ. Xɨka xewitɨ ranuhɨaximeni memɨtekuxaatanitsíe mepɨteʼamaate rí kemɨtayɨní. Mike tá pɨkareuxaatamɨkɨ xeikɨ́a.

Huuta metseri meʼuweiyatɨ Mike, Heather matɨa yumamatsíe xeikɨ́a mepɨkawɨwɨre metá heiwa mepɨyukuʼiitsewe. Heather haxa pɨkareuyurimɨkɨ, mɨɨtá tsiere yapɨkaraʼeriwa yutuxeri meuyehɨaní. Kepaitsɨ́ mɨkɨ xeikɨ́a ʼaixɨ pɨtikaʼeritɨwa metá kenaame waɨkawa heuyewetsé heetsiena mieme. Metá pɨtiyukuhɨawe: «Kutá Mike matɨa waɨká tepɨyunaakeʼerie».

Xɨka rí peheuyumaiká tuxeri pemexeiyanikɨ metá xɨka Heather hepaɨ peranuyemienike, ¿kepetiuyuriwekai?

Xɨka ʼiteɨritsíe peʼakatsuna pewimɨtɨ wiikí hepaɨ, pepɨtiyukwinitɨani. Mɨpaɨ tsiere pɨtiyɨní xɨka Yuútsi nɨʼarikateya pekaʼanuʼenieni, tatsɨrí xɨka xeime matɨa peʼukahuní ʼakuxi xekaʼayukawɨtɨawetɨ (1 Tesalonicenses 4:3).

¿Ketiuyɨwe xɨka ʼikɨ mariʼitsitɨarika pekaʼanuʼenieni? Yuútsi Niukíeya paine: «Keane tá mɨpaɨ mɨtikayeika yuwaiyari pɨkukwiemawa» (1 Corintios 6:18). ¿Ketɨtɨʼanuyɨne ʼikɨ?

 Temaikate meputiyuane kenaame teemari mekaʼayukawɨtɨawetɨ yuhaamatɨa memukahipite, ʼikɨ hepaɨ meteʼuyukwinitɨawe:

• YUTAƗTÁ HAXA MEPƗTEHEUʼEERIÉ. Meyuwaɨkawatɨ meʼukahika kuxi mekaʼayukawɨtɨawetɨ meputiyuane kenaame yutaɨtá haxa meteheuʼeerié.

• YURI RÍ MEPƗKATEYUʼERIIRIE. Keane rí memukahi mekaʼayukawɨtɨatɨ ʼipaɨ mepɨteyukuʼiwawiya ¿ʼaumɨ́ nehaamatɨa xeikɨ́a tiukahui?

• MƗKƗ MEPƗKATEHEUYEHƗAKAI. Waɨkawa ʼɨimarixi yutaɨtá paitɨ meuteheuyehɨwá xewitɨ waheimá mɨnuaka kawananaimatɨ. Teemari tá mekawanaakeʼerietɨ mepakɨɨká xɨka rí wahaamatɨa meʼukahiní, meʼutiyuatɨ kenaame yapauka meʼuyuʼeiri.

• Peukaratɨtɨmaiyani: Xɨka xeime matɨa peʼukahuní xekaʼayukawɨtɨawetɨ, pepɨtikuhekɨatá pemuʼawani hepaɨ (Romanos 1:24). ʼEkɨ kwinié pepɨrayeʼaxé. ʼAyumieme peukaʼawaka.

Ketineukanewieka, xeime matɨa peukaʼukahupuni xɨka ʼakuxi haamatɨana pekaʼakawieka (1 Tesalonicenses 4:3). Xeʼayukawɨtɨameké mɨpaɨ xepɨteyurieni. Metá ʼataɨtá haxa pereuʼerietɨ pepɨkaʼayaaní metá pepɨkatiʼerieni rí kenaame xeime matɨa ʼukahui, riixɨ́a mepɨteʼukaʼeniwa keane memukahiipite mekaʼayukawɨtɨawetɨ (Proverbios 7:22, 23; 1 Corintios 7:3).

• Keane yuri mɨʼatsinaakeʼerie pɨreuyehɨwá ʼaixɨ yari pemuyeikani metá ʼaixɨ pemɨtikuʼeriwani.

• Keane yeme ʼakɨmana meuyuʼiyaaritɨa, ¿metitawawirieni tita Yuútsi mɨkatínaake? (Hebreos 13:4).