Ketsuútsi putayɨ́ teuteri ʼaixɨ memɨteʼuʼiyaari mepɨyɨwekaxɨanikekai mɨtiyuri memɨtehetimaní (Juan 10:​4, 27). ʼAyumieme teyunaitɨ tepɨtehauyehɨwá, yuri ʼɨkitɨarikate heyutiʼenierɨkɨme temuwakuxexeiyatsitɨwani meyunaime teuteri keane wahamaatɨa temɨtekuxaata. Tepɨteʼukatsutɨawe tehaitɨkaitɨ́: «¿Peramaikai. . . ?» nutsɨ «¿Heiwa mɨpaɨ peraʼenawe. . . ?» ʼarikeketá xeime ʼɨkitɨarika pepekaterɨwiriewe Yuútsi Niukieyatsíe meitiʼenietɨyanikɨ. Xeime tewi hetsɨa pemuyexaata ʼɨkitɨarikate heyutiʼenieriɨkɨme ʼimɨari peʼenetɨ pepɨyɨane ʼiyaarieyatsíe. ¡Metá Yuútsi pɨtiyurieni mɨkɨ ʼimɨari mɨtaweriyá! (1 Cor. 3:​6, 7).

•  ʼUxaʼá warié

•  Nuiwari

•  Yuútsi

•  Nenewierika

•  Ketsuútsi

•  Yuútsi ʼIitsɨɨkameya

•  ʼEnitɨarika

•  Mɨɨkí

•  Yeiyari

 ʼUXAʼÁ WARIÉ

1. 1. Kehaxa mɨtiyɨane metá teuteri kememɨʼitɨtɨa pɨtikuhekɨkɨata kwitɨwa ʼaixɨ pɨtikɨyɨní (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Kwie hatsuaku pɨkakumawiré (Sal. 104:5; Ecl. 1:4).

3. 3. Kwiepa ʼaixɨ pɨrakuʼitɨarieni haraweri payaní (Is. 35:​1, 2; Apoc. 11:18).

4. 4. Teyunaitɨrí tekwatetikwikwine ʼaixɨ yari tepɨtiyaxé (Is. 33:24; 35:​5, 6).

5. 5. Heyeme kwiepa peʼukaitɨ pepayeiwé (Sal. 37:29; Mat. 5:5).

 NUIWARI

1. 6. Keane ʼukí mɨneɨke yuʼɨya pɨnakeʼerieka «yuwaiyari mutinakeʼerie hepaɨ» (Efes. 5:33; Col. 3:19).

2. 7. Keane ʼuká muwikié yukɨna yeme ʼaixɨ pɨtixeiyani (Efes. 5:33; Col. 3:18).

3. 8. ʼUkí metá ʼuka memayukawɨtɨa mepɨkaʼuyukuʼeʼeiriwani (Mal. 2:16; Mat. 19:​4-6, 9; Heb. 13:4).

4. 9. Keane tɨɨrí yupapama ʼaixɨ memɨtewaxeiya metá memɨwareuʼenié ʼaixɨ yari mepɨtiyaxé (Prov. 1:​8, 9; Efes. 6:​1-3).

 YUÚTSI

1. 10. Yuútsi kemɨtitewakɨ pɨmatiwa (Sal. 83:18; Jer. 10:10).

2. 11. Yuútsi niuki pexeiya waɨkawa rayeʼakamé taheetsíe mieme (2 Ped. 1:​20, 21; 2 Tim. 3:​16, 17).

3. 12. Yuútsi mɨtiheitserie pɨtinake metá xeime haxa pɨkatixeiya (Deut. 10:17; Hech. 10:​34, 35).

4. 13. Yuútsi pɨtatsihaupareewimɨkɨ (Sal. 46:1; 145:​18, 19).

  NENEWIERIKA

1. 14. Yuútsi pɨreuyehɨwá temitinenewiwani (Sal. 62:8; 65:2; 1 Ped. 5:7).

2. 15. Yuútsi Niukieya pɨtatiʼɨkitɨa kehepaɨ temɨteʼuyunenewiwani (Mat. 6:​7-13; Luc. 11:​1-4).

3. 16. Tepɨyutinenewiwani naime tuukaari manukayeikatsíe (Mat. 7:​7, 8; 1 Tes. 5:17).

 KETSUÚTSI

1. 17. Ketsuútsi yeme ʼaixɨ pɨtiuʼɨkitakai metá mariʼitsɨkateya pɨtiyupareewiwa (Mat. 6:​14, 15, 34; 7:12).

2. 18. Ketsuútsi pɨtiutaxá kemɨtiyɨatɨnenikekai hiikɨ temeuyeyɨatsíe (Mat. 24:​3, 7, 8, 14; Luc. 21:​10, 11).

3. 19. Ketsuútsi Yuútsi Nuʼaya pɨhɨɨkɨ (Mat. 16:16; Juan 3:16; 1 Juan 4:15).

4. 20. Ketsuútsi Yuútsi pɨkahɨɨkɨ (Juan 14:28; 1 Cor. 11:3).

 YUÚTSI ʼIITSƗƗKAMEYA

1. 21. Yuútsi ʼIitsɨɨkameya pɨtinɨʼá muyuawitsíe paitɨ ʼakawetɨ (Mat. 6:​9, 10; Dan. 2:44; 7:​13, 14; Apoc. 11:15).

2. 22. Yuútsi ʼIitsɨɨkameya pɨwareuyehɨaní naime ʼiitsɨɨkatari kwiepa memɨtenɨʼá (Sal. 2:​7-9; Dan. 2:44).

3. 23. Yuútsi ʼIitsɨɨkameya xeikɨ́a pɨtikumawiriyá naitɨ haxa mɨtiʼanene kwiepa (Sal. 37:​10, 11; 46:9; Is. 65:​21-23).

 ʼENITƗARIKA

1. 24. Yuútsi kwatatiukaʼenitɨwa (Deut. 32:4; Sant. 1:13).

2. 25. Satanás haxa tiukaʼiyaaritɨ ʼena kwiepa katininɨʼaka (Luc. 4:​5, 6; 1 Juan 5:19).

3. 26. Yuútsi pɨniere kepemɨtiukaʼeniwa metá metsihaupareewimɨkɨ (Sal. 34:​17-19; Is. 41:​10, 13).

4. 27. Yuútsi kwitɨwa pɨtikumawiriyá tita mɨtatiukaʼenitɨwa (Is. 65:17; Apoc. 21:​3, 4).

 MƗƗKÍ

1. 28. Mɨɨkite tixaɨtɨrí mekwateʼakumaate metá tsiere mekwateʼukaʼeniwa (Ecl. 9:5; Juan 11:​11-14).

2. 29. Mɨɨkite mepɨkwatatsiʼupareewiwe metá haxa mepɨkwatatsiʼuyuriwe (Sal. 146:4; Ecl. 9:​6, 10).

3. 30. Tamaremá memeutakwixɨa tawarié mepanukuʼuní (Job 14:​13-15; Juan 5:​28, 29; Hech. 24:15).

4. 31. «Hatsuakurí mepɨkakwiní» (Apoc. 21:​3, 4; Is. 25:8).

 YEIYARI

1. 32. Yuútsi ʼaixɨ pɨkwareukuxeiya naime yeiyarikate (Jer. 7:11; Mat. 7:​13, 14, 21-23).

2. 33. Yuútsi pɨtixaniʼerie ʼitarika (Is. 29:13; Miq. 3:11; Mar. 7:​6-8).

3. 34. Nakeʼeriya pɨkuhekɨkɨata yeiyari mɨyuri (Miq. 4:3; Juan 13:​34, 35).