Pekatitiʼɨkitɨawetɨ

1. 1. ʼAixɨ keneuʼakuyuri. Neutiʼeri tita mɨreuyehɨwá, ketiʼanemetsíe tiuyemié metá ketiʼanemetsíe tiʼerie tiyuʼɨkitɨwame. ¿Hiipame pemɨtiʼɨkitɨa karetiʼenietɨyeika yakatixaɨ hepaɨtsitana katikwaniwe mɨpaɨ mɨtikayaní? Neuxeiya ʼɨkitɨarikate metá videos mayehú mainetsíe «Matsi waɨká tineukaxeiya» metá neutiʼeri kehepaɨ tiyuʼɨkitɨwame pemɨtiupareewiwe. Mɨpaɨ ʼaixɨ pepeutiʼaneni pemeʼapareewienikɨ xɨka heuyuyehɨatɨ́ hayaní pemɨreiʼɨkitɨakatsíe.

Pemɨtiʼɨkitɨakatsíe

1. 2. Xɨka tiyuʼɨkitɨwame yatinakeʼerieka xeime nenewierika neutawewi pemɨtikatsutɨanitsíe metá pemɨtitahayewatsíe.

2. 3. Keneʼaʼɨwiyani waɨká pemɨkatikuxaatanikɨ. Keneyeweiyani matsi pɨɨtá kemɨtikuʼɨkita xapa metá tiyuʼɨkitɨwame kenehayewani mɨtikuxaatani kemɨtikuʼeriwa mɨkɨtsíe.

3. 4. Pemɨtikatsutɨanitsíe xeime hekwame mɨrayemié, nakaterɨwiri tita xemɨtexeiya metá hiipame ʼɨkitɨarikate keane xemɨxeiya mɨkɨtsíe.

4. 5. Xɨka xeime xeʼayenɨní mɨrayemié, neuʼapareewi mainetsíe mɨrayeʼerieni, tiyuʼɨkitɨwame Yuútsi ʼɨkitɨarikateya mayeʼeriwanikɨ metá tita mɨretimá.

5.  6. Tiyuʼɨkitɨwawe haamatɨa xemɨteyuʼɨkitɨakatsíe:

   1. Xenakaterɨwa meri párrafos mayehú.

   2. Xenakaterɨwa naime ʼɨkitɨarikate Bibliatsíe mayemié maitɨká «Xenakaterɨwa».

   3. Hiipame ʼɨkitɨarikate Bibliatsíe mieme pepakaterɨwawe ʼɨkitɨarikatsíe mayehú xɨka heuyuyehɨaká.

   4. Naime videos xeneuxeiya keane mɨreʼuxatɨká «Xeneuxeiya» (xɨka peyɨweni pemixeiyatsitɨani).

   5. Naime ʼiwaurikate mayehú keneutiwewiri.

   6. ʼƗkiyate xeneutixeiya mayehú mainetsíe «Matsi waɨká tinetimaʼí».

   7. Neuʼapareewi mainetsíe «ʼIpaɨ tineuyuri» tiyuʼɨkitɨwame yɨkɨma mɨnierekɨ kemɨtiyemaixime. Keneuwaɨritɨa mɨranukuʼaxikenikɨ. Pɨranukuʼaxiwe mana makaʼuxa nutsɨ yɨɨkɨ tiʼaneme.

   8. Keneutaʼiwawiya xɨka xewitɨ ʼɨkitɨarika nutsɨ video ʼinakiré mainetsíe «Matsi waɨká tineukaxeiya» kepauka ʼaixɨ meyukuyuritsíe.

   9. Neʼakuwaɨriyani xeime ʼɨkitɨarika xemayenɨnikɨ xemɨteyutiʼɨkitɨanitsíe.

Petitiʼɨkitɨamerí

1. 7. Tiyuʼɨkitɨwametsíe keneutiʼeriwani. Jehová ketinewawirieka ʼanenewierikatsíe tiyuʼɨkitɨwame kepareewieka metá ʼekɨ keʼatiyetuiriwani pemɨreutamaiweni pemipareewiekakɨ.