TEYUʼƗKITƗWAMETE NIWARAYEITƗWANI
ʼƗKITƗARIKA 10
Tinayeʼatɨwani kepemutaine
ʼƗkitɨarika Yuútsi Niukieyatsíe mieme: «Yuútsi heetsíe timieme ʼaixɨ mɨranuyɨtɨká xeikɨ́a tepɨkaxetsiʼutaxaatɨa, matsi pɨɨtá xekɨmana tatuukaari tepɨyetua, waɨká temɨxetsiʼutanakeʼerikɨ» (1 Tes. 2:8).
Kemɨtiuyuri Ketsuútsi
1. Neuxeiya VIDEO nutsɨ nakaterɨwa Juan 3:1, 2. ʼAriketá ʼikɨ ʼiwaurikate neutiʼeiya:
-
¿Titayari ʼuyɨwikaku Nicodemo tiutaʼá Ketsuútsi hetsɨa? (Neuxeiya Juan 12:42, 43).
-
¿Kehepaɨ Ketsuútsi tiuhekɨataxɨ waɨkawa matsi rayeʼakakai teyuʼɨkitɨwamete mɨwarayeitɨwani?
¿Tita tetehetimamateke Ketsuútsi kemɨtiuyuritsíe?
2. Waɨkawa teuteri temɨwanakeʼeriekɨ tepɨteyumaaté, taʼuximayatsika pɨhɨɨkɨ temɨwapareewieni Jehová meʼayexeiyatɨ memakɨnekɨ.
Ketsuútsi keneutaʼɨki
3. Ketineutiʼɨkitɨa keʼupaukukaku metá hakewa ʼaixɨ mɨreyumaiká tiyuʼɨkitɨwame. ¿Mɨkɨ ranuyewau hakewa xemɨteheyutiʼɨkitɨani metá keʼupaukakaku? ¿Hakewa ʼaixɨ pɨreyumaní: yuʼuximayatsikatsíe, yukie, nutsɨ xaɨtsíe? Kepemɨtɨyɨweni tineutiʼɨkitɨwani keʼupaukakaku mɨtayɨní.
4. Tiyuʼɨkitɨwame yuʼɨkitɨarika kwahauyehɨpani. Xɨka ʼekɨ heiwa pekayɨwekaxɨamɨkɨ mɨkɨ kwatikuyuruwani pemɨkatitiʼɨkitɨani. ¿ʼIkɨ heetsierí petiutiʼeri?
5. Keneuyutinenewiwani ʼaixɨ ʼiyaari pemɨtiʼɨkitanenikɨ. Jehová pareewiyaya kenewawirieka pemɨtiʼɨkitanenikɨ. ʼIkɨ matsi waɨkawa rayeʼatɨ́ payeika, xɨka tiyuʼɨkitɨwame tsemana manukayeikatsíe xei tuukaari katiyutiʼɨkitɨwani, yakatixaɨ xɨka hepaɨtsitana waɨkawa karayeʼatɨ́ rayeikani tita mɨretimamateke (Filip. 2:13). Jehová kenewawirieka pareewiya pemeitimamatekenikɨ tiyuʼɨkitɨwame kemɨtiukaʼiyaari heetsíe. ¡Xɨari ʼaixɨ tiʼaneneme pɨrexeiya!
