XAATSIKA NEUKATSUTSUTƗWANI
ʼƗKITƗARIKA 4
Pepɨkaʼuyutaʼɨreni
ʼƗkitɨarika Yuútsi Niukieyatsíe mieme: «Xekaʼuyutaʼɨretɨ xetenekuʼeriwani kenaame hiipatɨ mexetsihaʼiwa» (Filip. 2:3).
Kemɨtiuyuri Pablo
1. Xeneuxeiya VIDEO nutsɨ nakaterɨwa Hechos 26:2, 3. ʼAriketá ʼikɨ ʼiwaurikate neutiʼeiya:
-
¿Kehepaɨ tiuhekɨataxɨ kenaame Pablo kauyutaʼɨrekai ʼiitsɨɨkame Agripa mɨtiutaxaatɨatsíe?
-
¿Ketiuyuri Pablo mɨtitaxaatakɨ Jehová heetsíe timieme, Yuútsi Niukieyatsíe, metá yuheetsíe mieme hawaikɨ? (Neuxeiya Hechos 26:22).
¿Tita tetehetimamateke Pablo heetsíe?
2. Matsi yepauka Yuútsi Niukieya meheuʼeniekume tepɨwarayeitɨawe teuteri xɨka ʼaixɨ yari tewaruhɨaweni metá tekaʼuyutaʼɨreni.
Pablo keneutaʼɨki
3. Pekwatihekɨatani kenaame kwinié petiyutaʼɨre. Keane pemɨtikuxaxaatɨwa pekwatihekɨatsitɨaka kenaame ʼekɨ naime perakumaate metá mɨkɨ hawaikɨ. Matsi pɨɨtá ʼaixɨ yari naime kenewakuhɨaweni.
4. Tineuhekɨata ʼekɨ kepemɨtikuʼɨkita Bibliatsíe payemié. Yuútsi Niukieya teuteri waʼiyaaritsíe paitɨ pɨyeʼawé. Kepauka temɨtewarakaterɨwiriwa mɨkɨtsíe tepɨwapareewie yuri meteʼerietɨ memakɨnekɨ.
5. Pepɨkaʼuyehaʼaweni. Xeime waɨriyarika pepɨkapitɨaka ʼahepaɨ mɨtikuʼeriwanikɨ. Taame tepɨkatewautɨwe hiipame temɨwahaxɨatɨaka. ʼAyumieme temɨkaʼuyutaʼɨreni pɨtatsipareewieni kaiwatɨ temɨteʼukakɨ metá temɨteheutamaiwawenikɨ kepauka temɨyehú (Prov. 17:14; Tito 3:2). Xɨka ʼekɨ peʼitaʼeiya nakeʼerima metá pekahaʼatɨ, pɨtiuyuriwe tarieka temayenexɨanitsíe mɨtatsiʼenieni metá niuki ʼaixɨ manuyɨtɨká temitaxaatɨanikɨ.
