XAATSIKA NEUKATSUTSUTƗWANI
ʼƗKITƗARIKA 5
ʼAixɨ yari kenewakuhɨaweni
ʼƗkitɨarika Yuútsi Niukieyatsíe mieme: «Kexemɨteʼuniuka naitɨ ʼaixɨ pɨmayaka» (Col. 4:6).
Kemɨtiuyuri Pablo
1. Xeneuxeiya VIDEO nutsɨ nakaterɨwa Hechos 17:22, 23. ʼAriketá ʼikɨ ʼiwaurikate neutiʼeiya:
-
¿Kerekaʼerietɨya Pablo kepauka Atenas waɨkawa kakaɨyarixi mɨwaruxei? (Neuxeiya Hechos 17:16).
-
¿Kehepaɨ Pablo tiuhekɨataxɨ kenaame ʼaixɨ yari tiwarutaxaatɨa keane Atenas memɨtitekai?
¿Tita tetehetimamateke Pablo heetsíe?
2. Matsi yepauka Yuútsi Niukieya meheuʼeniekume tepɨwarayeitɨawe teuteri xɨka tewautɨweni kehepaɨ temɨtewatahɨawé metá tsiere kepauka temɨtewataxaatɨani.
Pablo keneutaʼɨki
3. Kenanuyewawani kepemɨtayɨní. Xɨka xeime petiutaxaatɨani karakumaikame waɨkawa Biblia heetsíe timieme, pepɨtitaxaatɨawe pekarehɨawetɨ Yuútsi Niukieya, yakatixaɨ Ketsuútsi pekaʼanuyexaxaatatɨ.
4. Yepauka pepɨkaʼitaʼimaiyani. Keneuhayewa keane tewi pemɨtikuxaxaatɨwa mɨʼatitaxaatɨani kemɨtikuʼeriwa. Xɨkatá heiwa ranuyexaata Bibliatsíe karayukananakeme pepɨkaʼeʼimaiyani (Sant. 1:19). Xɨka peiʼenieni ʼamaitɨ́, pepɨretiʼenietɨyaní titatsíe mɨtiʼerie metá títakɨ mɨkɨtsíe mɨtiʼerie (Prov. 20:5).
5. Heiwa kenaame ʼaixɨ ʼutayɨ́ ketinekuhɨaweni. Nayeʼeriwani keane pemɨtikuxaxaatɨwa yuri pɨtiʼerie naime yuʼiyaarikɨ tikuʼeriwatɨ kenaame tiyuri. ʼAyumieme meri tineutiwawá titatsíe xeteutixaatawe. ʼAriketá neupareewi Yuútsi Niukieya metiʼenietɨyaníkɨ kemɨtikuʼɨkita.
