Pampariutsi pemakaterɨwaxɨkɨ ʼikɨ xapa, pemɨtatsihetimakɨ keane temɨhɨɨkɨ, ketemɨteyurié metá kemɨtiumié Yuútsi kiekarieya. Xɨari pepɨretimá Jehová Niukíeya memɨkuxaata, xeikɨ́a mepɨhɨɨkɨ hiikɨ memɨteʼayeʼatɨwa tita Yuútsi mɨtínaake. Tematsiʼinié matsi waɨkawa pemɨretimamatenikɨ Yuútsi heetsíe. ʼAnuiwari metá ʼahamikuma ketinewakuxaxaatɨwani titatsíe pemɨtiyuʼɨɨkitɨa metá xeɨritsika temutiwewiwatsíe keneutaʼaxeni (Hebreos 10:23-25).

Xɨka pekatikuhayeikawani petiyuʼɨɨkitɨatɨ matsi waɨkawa Jehová heetsíe pepɨreetimaní metá pepɨyɨʼɨɨwiya kemetinakeʼerie. Mɨkɨ pɨtiyurieni ʼekɨ tsiere pemɨtikɨhɨwiriwani kemetipareewiekɨ ʼatuukaaritsíe (1 Juan 4:8-10, 19). Kamɨtsɨ ¿Kehepaɨ petiuhekɨatawe kenaame Yuútsi penakeʼerie? ¿Títakɨ ʼaixɨ tiʼane Yuútsi pemɨʼenieka kemaine? ¿Tita metiupareewiwe pemɨrayeʼatɨwanikɨ tahaamatɨa, tita Yuútsi mɨtínaake? Metiʼɨɨkitɨwame Bibliatsíe metsiʼupareewiwe mɨkɨ ʼeiyarikate pemɨkaxeiyakɨ, ʼekɨ metá ʼanuiwari «xemɨhɨɨkɨtɨnikɨ keane Yuútsi mɨwanakeʼerie, [...]mɨpaɨ tuukaari mɨkaxɨwe xemanukuʼaaxekɨ» (Judas 21).

ʼAixɨ ʼiyaari tematsiʼinié pemɨtiyuyeʼɨɨkitɨaximenikɨ huyé mɨyuritsíe, xapakɨ «Continúe en el amor de Dios».