Jehová Niukíeya memɨkuxaata, yeme pɨwanake Yuútsi Niukíeya ʼaixɨ memɨteʼuʼɨɨkitani. ʼAyumieme mepɨteʼutiʼɨɨkitɨariwa keane waɨkawa niuki memɨkuxaata. Mɨpaɨ mepɨtekuhaʼaritɨariwa ʼaixɨ matsi memɨteʼuʼɨɨkitanikɨ (2 Timoteo 4:5).

Memanuyehaitɨtɨa Yuútsi Niukíeya mekuxaatatɨ Waʼɨɨkitɨaripa. ʼIkɨ ʼɨkitɨarika precursores regulares pɨtiwapini taxewí tuukaari pɨreutetere, metá puyutiwewiwa Kí Jehová Niukíeya memɨkuxaata memuwayutixexeɨriwatsíe. Xei wiitari mehexeiyatɨ meputaʼinieriwa. Mɨkɨ ʼɨkitɨarika pɨwakupareewiwa matsi waɨká Jehová memɨnakeʼeriekakɨ, naimetsíe ʼaixɨ memɨteʼuʼɨɨkitanikɨ metá pɨwakuwaɨritɨwa memɨkatekuhayeikawanikɨ Yuútsi Niukíeya mekuxaatatɨ.

Yuútsi ʼIitsɨɨkame manuyewau heetsíe memɨkuxaata Waʼɨɨkitɨaripa. ʼIkɨ pɨreutetere huta metseri, mepeukɨniwawe memɨkawikié, memɨkaneneɨke metá memayukawɨɨtɨa. Mepeukɨniwawe 23, paitɨ 65 wiitari mehexeiyatɨ, waɨká meteʼakumaitɨ́ metá yemetenakeʼerietɨ tseepá kewa memenɨʼarie pareewiya meuyewetsetsíe. Ketsuútsi meʼɨɨketɨ keane matsi waɨkawa mɨtiutaxaa ʼeena kwieepatsíe, meputiyuane: «¡Neʼeena nepuwe! Keneneutanɨʼa» (Isaías 6:8; Juan 7:29). Memuyukuwaapatsíe waɨká mekatehexeiyatɨ mepakɨká, hiipatɨ yɨɨkɨ ʼaneeme kiekaritsíe mepenɨʼariwa, yɨɨkɨ tiumayakaku, ʼikwai yɨɨkɨ ʼaneneetɨ mɨtiutikwaiwatsíe, nutsɨ niuki yɨɨkɨ ʼaneeme mepetimaamate. Mɨkɨ ʼɨkitɨaripatsíe mepɨtehetimaamate, kehepaɨ memɨteʼuʼiyaarini mɨwarepareewienikɨ hakewa memenɨʼariwatsíe. Tsiere mepɨteʼutiʼɨɨkitɨariwa matsi waɨkawa Jehová memɨpareewiekakɨ metá kiekarieya.

ʼƗkitɨaripa Bibliatsíe Galaad Watchtower mieme. Galaad hebreokɨ panɨyɨne «tetexi neetɨ ʼuwetɨ mayeʼeeriwanikɨ». ʼIkɨ ʼɨkitɨarika puyukatsutɨa 1943. ʼAana paitɨ rí 8.000 mepanutihú memanɨkɨ́ mɨkɨ ʼɨkitɨaripatsíe, misioneros mehɨkɨtɨ mepɨtepareewie metá Yuútsi waɨkawa pɨwapareewie kememɨteyuriekɨ naime Kwieepatsíe (Hechos 13:47). Perú mɨtiɨyɨ́ hepaɨ, matɨari misioneros memuʼaxɨatsíe xeɨritsika pɨkaxuawekai. Hiikɨ, 1.000 mepanutihu rí. Metá Japón memuʼaxɨatsíe, Jehová memayexeiya 10 meukahɨkɨtɨkai. Hiikɨ, 200.000 mepanutihu rí. ʼAuxuwime metseritsíe yumaitɨ́ Yuútsi Niukieyatsíe mepɨteʼuyutiʼɨɨkitɨwa metá mepukuhaʼaritɨariwa memɨwapareewiekakɨ yuʼiwama naime kwieepatsíe, mɨkɨ pɨtikuyuruwa naitɨ ʼaixɨ mɨtiyemienikɨ. Mepɨʼinierie precursores especiales, misioneros kiekaritsíe memɨtepareewie, keane xeɨritsikate memanuʼiwatatɨkɨka nutsɨ keane memɨtepareewie sucursal meutiʼutɨkatsíe.

• ¿Títakɨ tiunetɨarie memanuyehaitɨtɨa Yuútsi Niukíeya mekuxaatatɨ Waʼɨɨkitɨaripa?

• ¿Keane mepeukɨniwawe Yuútsi ʼIitsɨɨkame manuyewau heetsíe memɨkuxaata Waʼɨɨkitɨaripa?