Matɨari memuyukuxexeɨriwakaitsíe, muwa kwikari meputinɨawakai, mepɨyutinenewiwakai, metá Yuútsi Niukieyatsíe mepɨteʼuyutiʼɨɨkitɨwakai (1 Corintios 14:26). Xɨka taxeɨritsika peheuyaní pepɨretimaaní, mɨpaɨ tsiere tepɨteʼuhú.

Bibliatsíe rayemiekame tepɨteʼutiʼɨɨkitɨariwa. Xawati metá tumikuti, naitsarie mepuyukuxexeɨriwa xeime xaatsika bibliatsíe mieme memuʼenienikɨ, 30 minutos reutetereme, mana tepɨtehetimaamateke hiikɨ kemɨtiyɨatɨne metá kehepaɨ mɨtatiupareewiwe tatuukaaritsíe. Yunaitɨ memɨyuxeɨrieka mepɨʼinierie yuBibliatsíe memɨteʼutiwawani tita mɨrakaterɨwarɨwa. ʼUtɨmanatá ʼƗkitɨarika ʼAtalayatsíe mieme pumié, pɨreutetere 1 hora, mana tsiere meyunaitɨ mepɨʼinierie yuniuki memuyetuayanikɨ, kepauka Atalayatsíe mɨtikuʼiwauriwani. Mana tepɨtehetimaamateke kehepaɨ tatuukaaritsíe mɨtatiupareewiwe, xɨka Yuútsi maine hepaɨ tetekahuni. 110,000 ʼanutihukame xeɨritsikatetsíe temuyukuxexeɨriwa, yaxeikɨ́a tiʼaneneetɨ pɨtiutiʼɨɨkitarɨwa.

Pɨtatsikupareewiwa ʼaixɨ matsi temɨtekuʼɨɨkitanikɨ. Tsiere tepuyukuxexeɨriwa xei tuukaari tsemana manukakɨkatsíe ʼayehaikametsíe temɨteyutiʼɨɨkitɨanikɨ, mɨtitewatsíe Tatuukaari metá Taʼuximayatsika Yuutsitsíe, mɨkɨ xei metseritsíe panayenenetɨariwa xapatsíe, Yamɨtarahɨawe tita temɨtexeiya xeɨritsika, Tatuukaari metá taʼuximayatsika Yuutsitsíe. Matɨari mieme mɨtitewá «Mɨrayaʼatɨká Yuútsi Niukieyatsíe» pɨtatsikupareewiwa Yuútsi Niukíeya matsi ʼaixɨ temɨteʼakumaikakɨ. ʼUtɨmanatá pumié «Yeme ʼaixɨ tepɨteʼuʼɨɨkitani» mana tepɨtekuxexeiya kehepaɨ Bibliatsíe hiipame temɨtewaruxatɨawe. Xewitɨ, taʼiwa pɨtatsikuʼɨxatsitɨwa ʼaixɨ matsi temɨteʼuterɨwanikɨ metá temɨteʼuʼɨɨkitanikɨ (1 Timoteo 4:13). Hairieka mieme «Tatuukaari Yuútsi heetsíe» tepɨtehetimamaate kehepaɨ temɨtekahuni tatuukaaritsíe. Mɨkɨtsíe matsi ʼaixɨ Biblia tepɨtehetiʼenietɨkɨka, mana mɨtiutiʼiwauriwakɨ metá mɨtikuʼeiyarɨwakɨ.

Xɨka taxeɨritsika peheuyaní, pepɨretimaaní yeme kemɨtiuʼɨɨkitarɨwa Yuútsi Niukieyatsíe (Isaías 54:13).

• ¿Tita peretimaaní xɨka Jehová Niukíeya memɨkuxaata waxeɨritsikatsíe pehetaʼaxeni?

• ¿Keʼaneeme taxeɨritsikatsíe pepeuyeimɨkɨ?