Xɨka xewitɨ Jehová Niukíeya memɨkuxaata metiuyeʼɨɨkitɨatɨyeikani, xɨari pepɨtiuʼatiʼɨɨkitɨwa ʼakuxi kanuawekaku tita xemɨtexeiyatsíe. Mɨpaɨ tsiere pepɨtiuyuriwe matsi waɨkawa pemɨretiʼenietɨyanikɨ xeɨritsikatsíe mɨtimieme. ʼAixɨ tiʼaneneeme pepɨtikaxeiya xɨka mɨpaɨ petiuyurieni.

Tinanayewawá hakewa metá kepauka pemɨtiyutiʼɨɨkitɨani. ¿Keʼupaukakaku matsi ʼaixɨ pepɨtiuyuʼɨɨkitɨawe? ¿Ximeri, taikái nutsɨ tɨkarikɨ tɨɨrɨ́ mekutsukaku? Xɨka tá waɨká tuukaari pekahɨka, nanayewawá kepemɨreuteré petiyuʼɨɨkitɨatɨ metá peukatipitɨaka tixaɨtɨkɨ pemɨtikuhayeikawani. Neutiwawá hakewa pemɨtiyutiʼɨɨkitɨani, tineutɨxɨaka tita haxa metimatɨ́a, radio, televisión nutsɨ teléfono. Xɨka nenewierikakɨ petiukatsutsutɨwani, mɨkɨ pɨtiuyuriwe pemɨratɨmaiya tita metiʼiyaaritɨa metá metsiʼupareewiwe Yuútsi Niukíeya pemetiʼenietɨyanikɨ (Filipenses 4:6, 7).

Nanukuʼutuatɨya tita yeme mɨrexeiyarieni metá neuʼakuhaʼarita pemɨretaxaatakɨ. Keneutimaixɨa meri tita mɨrexeiyarieni. Neuʼaʼɨɨwiya ʼɨkitɨarika kemɨtitewá metá kemɨtikunanaake matɨari kwii yuhekɨkɨakamekɨ manukuʼutɨká, ʼɨkiyate neutimaixɨa metá nakaterɨwa ʼiwaurikate tita waɨkawa mɨtixeiyarienitsíe mieme, kwinatɨrieka mayehú. ʼUtɨmanatá nakaterɨwa mɨrakaʼuxatsíe metá neutiʼeiya ʼiwaurikate mana mayehú. Neutiwawá ʼutɨarikate Bibliatsíe, mana mɨkahakaʼuxatɨká metá neuʼaʼɨɨwiya kehepaɨ ʼɨkitɨarika mɨtikupareewiwa (Hechos 17:11). ʼEiyarika pemukaxeiyatsíe, nanukuʼutɨa pemɨkahetɨtɨmaiyanikɨ. Mɨkɨ xeɨritsikatsíe metsipareewieni, ʼaniuki pemɨyetuanikɨ kepemɨreɨyɨweni.

Xɨka petiuyutiʼɨɨkitɨwani, tita mɨtikuxexeiyarɨwa xeɨritsika tsemana manukakɨkatsíe, mɨpaɨ matsi waɨkawa pepɨretimaaní tita «kwinié mɨrayeʼatɨka» Bibliatsíe (Mateo 13:51, 52).

• ¿Kepetiuyuriwe xeɨritsikatetsíe timieme pemɨtiyutiʼɨɨkitɨwanikɨ?

• ¿Kepetiuyuriwe xeɨritsikatsíe pemɨtitaxaatakɨ?