Kiitá kewa temayutixexeɨriwatsíe paka ʼuxa Yuútsi kemɨtitewá, ʼayumieme ʼaixɨ pɨtiuyeʼaneeni, metá tsipɨtiyuhekɨaka. Mana temɨtekupareewiwatsíe tepɨtekuhekɨatá Yuútsi ketemɨteʼayexeiya, teyunaitɨ tepɨteʼupareewiwe.

Xeɨritsika heutipareeyu teyunaitɨ tepɨyɨwawe temɨtepareewieni. Xeɨritsika heutipareyu, yunaitɨ mepɨtekupareewiwa meʼuyeʼitiwatɨ metá mepɨteʼuyehauxina; xei tuukaari tsemanatsíe matsi naime ʼaixɨ mepɨteʼuyeyuruwa. Xewitɨ ʼukí mɨyumaate nutsɨ ʼuukitsi memɨyumaate waparewiwame mepɨʼɨɨwiya ʼuximayatsika, meteʼuweiyatɨ tita xapatsíe mɨrakaʼuxa: mepuyeʼiitiwa, meputeʼuyehauxina, ʼɨparite meputiʼiitiwa metá ʼaixɨ meputeʼikuʼuitɨwa; kwitame mepuyehauxina, ventana metá xikɨri meputiʼiitiwa; naime ʼɨxatsi meʼuyeʼiitieme mepeitɨkɨ. Metá xei tuukaari wiitaritsíe mepanuyewawa kí naime ʼaixɨ memuyeyurienikɨ. Xɨka tsiere tɨɨrí metekupareewiwani, mɨkɨ pɨtiyurieni ʼaixɨ kí memɨtexeiyani kewa temeyukuxexeɨriwa (Eclesiastés 5:1).

Tepɨtepareewieka tita mɨreuyewetsetsíe. Naime wiitaritetsíe kí temuwayutixexeɨriwatsíe putixexeiyarɨwa taɨtana metá wariena, mɨpaɨ memɨtehetimanikɨ tita mɨreuyewetsé ʼaixɨ mɨʼitɨarienikɨ, ʼuxaʼa warié tumini memɨkaxɨtɨakakɨ (2 Crónicas 24:13; 34:10). ʼAixɨ mɨtiuyeʼaneeni temuwayutixexeɨriwatsíe, Jehová pikunanaake mɨpaɨ ʼanekɨa mayexeiyarieka. Xɨka tetekupareewiwani ʼaɨxɨ mɨkuʼitɨariwanitsíe, tepɨtehekɨatá taYuútsi Jehová ketemɨteheunakeʼerie (Salmo 122:1). Tsiere teuteri ʼaixɨ mepɨtiyuani Yuútsi heetsíe (2 Corintios 6:3).

• ¿Títakɨ kí teteʼɨɨwiyani kewa temuwayutixexeɨriwatsíe?

• ¿Titatsíe teteʼupareewiwe ʼaixɨ mɨtiuyeʼanenikɨ temuwayutixexeɨriwatsíe?