Kepauka haxa mɨtikɨyɨnetsíe, Jehová Niukíeya temɨkuxaata yepauka taʼiwama pareewiya tepɨwayetuiriwa memɨteʼukaʼeniwatsíe. Mɨkɨ pɨtikuhekɨatá ketemɨteyunakeʼerie (Juan 13:34, 35; 1 Juan 3:17, 18). ¿Titatsíe tetewakupareewiwa?

Tepɨteyetuayá tita temɨtehexeiya. Meri paitɨ taʼiwama Antioquía kiekatari tumini mepɨwarenɨʼairi yuʼiwama Judea kiekatari, kepauka haka mutawetsíe (Hechos 11:27-30). Hiikɨ yaxeikɨ́a tsiere kepauka temɨtehetimaamateketsíe taʼiwama xaɨtsíe kememɨteʼanuyehú, ketemɨteheuyɨwawe xeɨritsikatsíe tumini tepɨyetuaya, manunɨʼarienikɨ taʼiwama waheetsɨa (2 Corintios 8:13-15).

Tepɨtepareewie mɨreuyewetsetsíe. ʼUukitsi memɨyumaate, haxa mɨtiuyɨtsíe kiekatari, yuxexuime mepɨwarutiwawa yuʼiwama xeɨritsikatsíe memuyukuxexeɨriwa, memɨtehetimanikɨ xɨka ʼaixɨ meteheuʼerieka. Kauka xɨari xewitɨ comité tipareewiwame, ha, ʼikwai, kemari tiniyetuayá metá hiipame mepɨwakuʼuatɨwa tsiere mepɨwarukuwawiriwa hakewa memetiyaxé. Meyuwaɨkawatɨ taʼiwama meteʼakumaitɨ́ mepɨtekupareewiwa wakí ʼaixɨ metiyuruwatɨ nutsɨ kí memuyukuxexeɨriwatsíe. Waɨkawa temɨyunɨʼɨkɨ metá tita temɨtehetimaamate temɨtekupareewiwatsíe, mɨkɨ pɨtikuyuruwa yepauka taʼiwama temɨwakupareewiwani kepauka memeiyehɨakatsíe. Yamɨtikɨyɨnetsíe tepɨwakupareewiwa «keane tahaamatɨa yuri memɨteʼerie», yaxeikɨ́a tsiere hiipame tepɨwakupareewiwa temɨyɨwawenitsíe tseepá yɨɨkɨ tiʼaneme memɨteʼayexeiya (Gálatas 6:10).

Tepɨwarukanɨtɨatɨkɨka keane memɨteʼukaʼeniwa. Keane memɨteʼukaʼeniwa yeme mepeuyehɨwá xewitɨ mɨwarukanɨtɨatɨyeikani. Yamɨtikɨyɨnetsíe Jehová, «Yuútsi mɨtiyunɨtɨwa» tɨrɨkariya pɨwayetuiriwa (2 Corintios 1:3, 4). ʼAyumieme keane haxa memɨteheuʼerie, Bibliatsíe tepɨtewarakaterɨwiriwa, Yuútsi ʼIitsɨɨkame mayeitɨa kwitɨ pɨtikumawiriyá tita mɨtatikwinitɨa metá mɨtatiukaʼenitɨwa (Revelación 21:4).

• ¿Títakɨ yepauka tetewakupareewiwa taʼiwama memɨteʼukaʼeniwatsíe?

• ¿Kehepaɨ tetewakunɨtɨwa keane memɨteʼukwinitɨarie?