Manuyehaitɨ́a Yuútsi Niukíeya kuxaatatɨ, panɨyɨne keane mɨtiukatsutsutɨwa xeime kiekaritsíe, hakewa niuki mɨkakuxaatsiewe. Ketsuútsi tsiere manuyehaitɨ́a Yuútsi Niukíeya kuxaatatɨ patɨ́a, meyenɨʼariekɨ ʼeena Kwieepa, huyé manutayepikɨ meyunaitɨ memɨyutawikweitsitɨanikɨ (Mateo 20:28). Hiikɨ tsiere mɨpaɨ tepɨteyurié, waɨkawa niuki tepɨkuxaata hiipame tetewaʼɨɨkitɨatɨ (Mateo 28:19, 20). Hiipatɨ taʼiwama memanuyehaitɨtɨa Yuútsi Niukíeya mekuxaatatɨ mepakɨɨká.

Yuútsi Niukíeya waɨká pɨkuxaata. Teyunaitɨ Jehová temayexeiya niuki ʼaixɨ manɨyɨtɨká tepɨkuxaata. Yatɨtɨ hiipatɨ yutuukaaritsíe ʼaixɨ meteʼukuyurieka precursores regulares mepakɨɨká, mɨkɨ xei metseritsíe 70 horas mepɨyetuaya. Hiipatɨ ʼetsiwa xeikɨ́a mepɨteʼutaʼuximayata memɨteʼayeʼatɨwanikɨ. Hiipatɨta mepanuyewawiwa precursores especiales memakɨnekɨ, metá mepenɨʼariwa hakewa memeuyewetsetsíe niuki xaxaatamete; 130 horas nutsɨ matsi waɨkawa mepɨyetuaya xei metseritsíe. Memanuyehaitɨ́a Yuútsi Niukíeya mekuxaatatɨ waɨkawa pinite meukatehexeiya, metá Jehová heetsíe mepɨkawɨ́ memɨteʼamatekɨ mɨkɨ tiwayetuirieni tita memɨteheuyehɨwá (Mateo 6:31-33; 1 Timoteo 6:6-8). Keane memɨkayɨwawe precursor especial nutsɨ precursor regular memakɨné precursores auxiliares mepakɨniwawe, mepɨyetuaya 30 nutsɨ 50 horas xei metseritsíe.

Yepɨtiyuriene Yuútsi mɨnakeʼeriekɨ metá teuteri. Ketsuútsi teuteri mɨtiwaxeiyakai hepaɨ tame tsiere mɨpaɨ tepɨtewaxeiya, Yuútsi pareewiyaya mepeuyehɨwá (Marcos 6:34). Metá tepɨteʼakumate tita mɨtiwarupareewiwe hiikɨ metá ʼuxaʼa warié, tuukaari ʼaixɨ ʼaneeme memexeiyanikɨ. Manuyehaitɨ́a Yuútsi Niukíeya kuxaatatɨ, teuteri mɨwareunakeʼeriekɨ yutuukaari pɨyetuaya metá yɨtɨrɨkariya, hiipame wareupareewimɨtɨ (Mateo 22:39; 1 Tesalonicenses 2:8). Mɨkɨ pikɨtɨrɨkariya titatsíe mɨtiʼerie, metá matsi waɨká Yuútsi petimamateke, yemɨtiyurienekɨ waɨkawa peyukatemawietɨyeika (Hechos 20:35).

• ¿Tita ranɨyɨne manuyehaitɨ́a Yuútsi Niukíeya kuxaatatɨ?

• ¿Tita tikuyuruwa matsi waɨkawa hiipatɨ niuki memɨkuxaatani?