¿Tita reuyehɨwá Yuútsi?
Yuútsi pɨreuyehɨwá ʼaixɨ yari temɨtiteni heyeme teyutemamaawietɨ haraweeritsíe.
Kauka petiniʼakɨhɨawe: «¿Tiyɨwe kutá mɨpaɨ temɨteheukuteni?». Biblia paine Yuútsi ʼIitsɨɨkame mayeitɨa mɨpaɨ pɨtiyurieni. Tawewiekame pɨreuyehɨwá meyunaitɨ mɨkɨ memakumaiká metá kemɨtiyurieni teuteri waheetsíe (Salmo 37:11, 29; Isaías 9:7).
Yuútsi pɨreuyehɨwá ʼaixɨ temɨteheukuteni.
Xewitɨ tɨɨrí mɨwarexeiya hepaɨ, ʼaixɨ tiʼaneneeme wakɨmaana pɨreuyehɨwá, yaxeikɨ́a tsiere taPaapa mɨyuawitsíe makawe pɨreuyehɨwá, heyeme temeuyutemamaawieka (Isaías 48:17, 18). Mɨkɨ paine «keane mɨrayeʼatɨwa Yuútsi kemɨreuyehɨwá, heyeme ʼuyeikatɨ kanayeimɨkɨ» (1 Juan 2:17).
Yuútsi pɨreuyehɨwá huyeyatsíe temuhuni.
Biblia pɨtatikuʼɨɨkitɨwa Tawewiekame pɨtareuʼɨɨkitɨamɨkɨ «yuhuyetsíe», temúhunikɨ «huyetana» (Isaías 2:2, 3). Mɨkɨ puneetɨa «xeime kiekari hepaɨna titewakame» mɨretimatiwakɨ kemɨreuyehɨwá naime kwieepatsíe (Hechos 15:14).
Yuútsi pɨreuyehɨwá teyunɨɨtɨ́ temeyexeiyani.
Yuri Yuútsi memayexeiya, meukatekuyuruwa nuiwari memɨyukuhayeikawani, matsi pɨɨtá meyunɨɨkame pɨwarayeitɨwa metá meyunakeʼeriekame (Juan 13:35). ¿Keane mepɨtewaʼɨɨkitɨa, ʼuukitsi metá ʼuukari meyunɨɨtɨ́ naime paisestsíe Yuútsi memayexeiyani? Tematsiʼinié pemɨretimaanikɨ ʼikɨ xapatsíe.
Xɨari ʼikɨtá metsiʼunakiwe
TIKUXAXAATSIWATƗ TAHEETSÍE
¿Ke hepaɨ tetewakuʼɨkitɨwa bibliatsíe teuteri?
Nai kwieepatsíe Jehová Niukíeya memɨkuxaata mepɨmaatiwa bibliatsíe mieme ʼɨkitɨarika memɨyetuakɨ mekateyuwiyatɨ.
TIKUXAXAATSIWATƗ TAHEETSÍE
¿Títakɨ Biblia hetsíe teteyu’ɨkitɨaka?
Meyuwaɨkawatɨ teuteri Kwieépa memɨtaama Yuútsi Niukieyatsíe mepɨteukaxexeiyá tita kwinié memɨteheumaiku. Tematsi’inié pemɨti’ati’ɨkitɨanikɨ tahaámatɨa ’ikɨ xapatsíe mɨrayemie ’aixɨ ti’aneneetɨ tita tatuukaaritsíe yeme mɨreuyewetsé.
