Yuútsi kiekarieyatsíe xewitɨ pɨkatinɨʼá tipitɨarietɨ. Matsi pɨɨtá mepɨteʼuweiya matɨari memɨtekuyuruwakai hepaɨ, mepanayewauriwa ʼuukitsi meteheutamaiwawetɨ «Yuútsi xeɨritsikaya memɨʼɨɨwiyanikɨ» (Hechos 20:28). Mɨkɨ ʼuukitsi meteʼakumaitɨ́ Yuútsi mɨtipiniteyatsíe mepanuyehaitɨtɨa xeɨritsikatsíe metá mepiʼɨɨwiya, mekatehatɨtɨmaiyatɨ Yuútsi Niukíeya kemaine «waɨriyarika xepɨkayɨaka, matsi pɨɨtá ʼaixɨ yari xenewapareewieka; tumini xeʼiiwakutɨ xepɨkayɨaka, matsi pɨɨtá kexemɨteyɨwawe naimetsíe waheetsíe miemekɨ yexeketeneyurieka» (1 Pedro 5:1-3). ¿Kemeteyurié takɨmaana?

Mepɨtatsiʼɨɨwiya metá taheimá mepunua. ʼUukitsi memɨyumaate xeɨritsikatsíe yuʼiwama mepuwaruwitɨxime metá mepɨwaʼɨɨwiya Yuútsi ʼaixɨ ʼanemekɨ memayexeiyani. Memɨtehamatekɨ tita Yuútsi mɨtiwarɨhɨritɨa yeme kwinié pɨrayaʼaxé, xeikɨ́a meukatatekɨhɨawe ketemɨteyurieka, matsi pɨɨtá mepɨtatsipareewie ʼaixɨ temɨteheukutenikɨ teyutemamawietɨ (2 Corintios 1:24). Xewitɨ yumuxatsi mɨwahɨ́ hepaɨ, yumarima yuxexuime mɨwaʼɨɨwiya, mɨpaɨ tsiere ʼuukitsi memɨyumaate mepɨteheuyuʼiyaaritɨa yuxexuimekɨ taʼiwama waheetsíe (Proverbios 27:23).

Mepɨtateʼɨɨkitɨa tita Yuútsi mɨtínaake temɨteʼayeʼatɨwanikɨ. Tsemana manukakɨkatsíe ʼuukitsi memɨyumaate xeɨritsikatsíe mepɨteʼutixaxaata, mɨpaɨ mepɨtatsikɨwaɨritɨwa tita temɨteʼerietsíe (Hechos 15:32). Mɨkɨ ʼuukitsi tsiere mepanuyehaitɨtɨa Yuútsi Niukíeya mekuxaatatɨ, tahaamatɨa niuki mepɨkuxaata metá mepɨtatekuʼɨɨkitɨwa naimetsíe ʼaixɨ temɨteʼuʼɨɨkitanikɨ.

Taxexuime mepɨtatsikɨwaɨritɨwa. Memɨtatsipareewienikɨ tita mɨreuyewetsetsíe, ʼuukitsi memɨyumaate takié mepɨtatsiʼutaʼiwatá metá temuyukuxexeɨriwatsíe tahaamatɨa mepɨteʼutixaxaata. Mepɨtatsiwaɨritɨa metá mepɨtatsipareewie Yuútsi Niukíeyakɨ (Santiago 5:14, 15).

Xeikɨ́a meukatepareewie xeɨritsikatsíe, tsiere hiipatɨ ʼuximayatsika mepexeiya metá yunuiwari mepɨwaʼɨɨwiya. Mɨkɨ taʼiwama waɨkawa memɨteʼuximayá, peuyewetsé ʼaixɨ temɨtewaxeiyani (1 Tesalonicenses 5:12, 13).

• ¿Kehepaɨ metepareewie ʼuukitsi memɨyumaate xeɨritsikatsíe?

• ¿Kehepaɨ metekuyuruwa taxexuimekɨ meheuyuʼiyaaritɨatɨ?