Meri paitɨ hiipatɨ Ketsuútsi «nɨʼariwamete metá ʼuukitsi memɨyumaate Jerusalén paitɨ», meyunɨtɨ́ niuki mepɨwayenɨʼawakai ʼɨkitɨarikatsíe meteʼanuyewawatɨ (Hechos 15:2). Meyunɨtɨ́ memɨtewayenɨʼanikɨ, Yuútsi Niukieyatsíe mepɨteʼanuyewawakai metá Yuútsi tɨrɨkariyaya mepikuwawiriwakai mɨwaruwitɨximenikɨ (Hechos 15:25). Yaxeikɨ́a tsiere hiikɨ Yuútsi Kiekarieyatsíe Memanuyehaitɨtɨa mɨpaɨ mepɨteyurié.

Wakɨmanakɨ Yuútsi yuniuki payeʼatɨwa. Taʼiwama Yuútsi Kiekarieyatsíe Memanuyehaitɨtɨa, yeme waɨkawa Yuútsi Niukíeya mepɨtemawie metá waɨkawa mepɨteʼakumate tita Yuútsi mɨtipiniteyatsíe. Tsemana manukakɨkatsíe mepuyutixexeɨriwa memɨtexeiyakɨ tita taʼiwama memɨteheuyehɨwa naime kwieepatsíe. Matɨari memɨtekuyuruwakai hepaɨ niukite mepɨwayenɨʼawá Bibliatsíe meteʼanuyewawatɨ, xapatekɨ nutsɨ keane xeɨritsikate memanuʼiwatatɨkɨka waʼutɨa metá hiipame taʼiwamatsíe. Mɨkɨ pɨtikuyuruwa teyunaitɨ yaxeikɨ́a temɨtekuʼeriwani metá Yuútsi kiekarieya mɨkawakekanikɨ (Hechos 16:4, 5). Metá tsiere mepukuhaʼarita ʼikwai Yuútsi Niukieyatsíe mɨtimieme, mepɨtekuyuruwa Yuútsi Niukíeya waɨkawa mɨkuxaxaatsiwani metá taʼiwama mepɨwaʼɨɨwiya Yuútsi kiekarieyatsíe memanukaʼuitɨariwa.

Yuútsi tɨrɨkariyaya mɨkayuhekɨ́a mepuweiya. Yuútsi Kiekarieyatsíe Memanuyehaitɨtɨa, Yuútsi Jehová mepuweiya keane mɨtinɨʼá naimetsíe metá Ketsuútsi xeɨritsika Muʼuya (1 Corintios 11:3; Efesios 5:23). Keane memanuyehaitɨtɨa ʼukiyarima meukahɨkɨ Yuútsi kiekarieyatsíe. Yuʼiwama wahepaɨ memanuyeteɨxie mɨyuawitsíe memɨyehú, «mepuweiya [Ketsuútsi] muxá tseepá hakewa meɨtɨ́a» (Revelación 14:4). Yuútsi Kiekarieyatsíe Memanuyehaitɨtɨa, pampariutsi mepaitɨká wakɨmana temuyutinenewiwakɨ.

• ¿Keane mepɨhɨɨkɨtɨkai meri paitɨ Yuútsi Kiekarieyatsíe Memanuyehaitɨtɨakai?

• Hiikɨ Yuútsi Kiekarieyatsíe Memanuyehaitɨtɨa, ¿Kemetekuyuruwa Yuútsi meʼuweiyatɨ?