¿Rayeʼaní tuukaari tekateʼukaʼeniwatɨ rí temuʼuwani?
¿ʼEkɨ kepetiʼakɨhɨawe?
-
Hɨ
-
Waikɨ
-
Kaukatsɨ́
KEMAINE YUÚTSI NIUKÍEYA
«[Yuútsi] naime waʼuukai kanaʼitiexɨamɨkɨ wahɨxita. Tawaarié mepɨkakwiní [...] mepɨkateʼukakukwíneni». (Revelación 21:4.)
KETATIKUPAREEWIWA XƗKA MƗKƗ TETEʼAKUMAIKA
Tekateyukɨhɨaweni rí kenaame Yuútsi tatiukaʼenitɨwa (Santiago 1:13).
Tepeuyutemamaawieka tseepá xɨka teteʼukaʼeniwani, teteʼakumaatekɨ kenaame Yuútsi tatsihetiʼenietɨyeika (Zacarías 2:8).
Tepayukatemawietɨkɨkani kwitɨwa mɨtikumaawiriyarienikɨ tita mɨtatiukaʼenitɨwa (Salmo 37:9-11).
¿TIYURI KEMAINE YUÚTSI NIUKÍEYA?
Hɨ, tihuutame tetenixeiyakuni:
-
Yuútsi kwaʼinaake teuteri hiipame memɨtewarukaʼenitɨwani. ¿Kerekaʼerietɨya Jehová Yuútsi meripaitɨ munierixɨtsíe kiekarieya memɨtsewíximariekaikɨ? Biblia paine pɨreikukukwineekai hiipatɨ kiekarite memɨwatsewíximakaikɨ (Jueces 2:18).
Yuútsi pɨwaxaniʼerie teuteri hiipame memɨtewarukaʼenitɨwa. Biblia kanaineni kaniwaxániʼerieka keane ʼaixɨ meteʼuʼiyaarime memɨwatakukuuya (Proverbios 6:16, 17).
-
Yuútsi pɨyuʼiyaaritɨa teuteri yuxexuímekɨ. Yuútsi pɨtatsiʼinié temɨteʼikuxaxaatɨwani titayaarikɨ temɨteyuʼiyaaritɨa «mɨkɨ [ta]hepáɨtsita mɨyuʼiyaaritɨakɨ» (1 Pedro 5:7).
Yuútsi yuʼIitsɨɨkamekɨ kwitɨwa pɨtikumaawiriyá tita teuteri mɨtiwarukaʼenitɨwa (Mateo 6:9, 10). Mexi tuukaari kaʼayaʼawé yamɨtiyurienitsíe, kaniwanɨtɨaka keane memiwautɨwe naime yuʼiyaarikɨ (Hechos 17:27; 2 Corintios 1:3, 4).
KETINEʼAKUʼIWAWIYANI
¿Titayaarikɨ Yuútsi tihaayewa tita mɨtatiukaʼenitɨwa?
Yuútsi Niukieyatsíe ketineutiwawá pemɨretimaanikɨ ROMANOS 5:12 metá 2 PEDRO 3:9.
Xɨari ʼikɨtá metsiʼunakiwe
TIKUXAXAATSIWATƗ TAHEETSÍE
¿Títakɨ Biblia hetsíe teteyu’ɨkitɨaka?
Meyuwaɨkawatɨ teuteri Kwieépa memɨtaama Yuútsi Niukieyatsíe mepɨteukaxexeiyá tita kwinié memɨteheumaiku. Tematsi’inié pemɨti’ati’ɨkitɨanikɨ tahaámatɨa ’ikɨ xapatsíe mɨrayemie ’aixɨ ti’aneneetɨ tita tatuukaaritsíe yeme mɨreuyewetsé.
