ʼƗKITƗARIKA 15
¿Títakɨ pekatikuhayeikawani Bibliatsíe petiyuʼɨɨkitɨatɨ?
1. ¿Keʼatipareewieni xɨka Bibliatsíe petiyuʼɨɨkitɨaka?
ʼƗkitɨarikate ketipaɨmeme pemɨretimaa Bibliatsíe kauka meneupareewi matsi waɨkawa Jehová pemɨnakeʼeriekakɨ, yepetiyurienetɨ peukatikuhayeikawani (1 Pedro 2:2). Tuukaari kaxɨɨweme pehexeiyatɨ pemayanikɨ peuyewetsé Jehová pemɨkaʼukuʼeʼeiriwani Niukíeya peyuʼɨɨkitɨatɨ. Nakaterɨwa Juan 17:3 * metá Judas 21. *
Xɨka matsi waɨkawa petiyamaiximeni Yuutsitsíe, metsipareewieni heetsiena yuri pemɨtiʼeriekakɨ, mɨpaɨ petiyurienetɨ Jehová pepɨkatemawieritɨani (Hebreos 11:1, 6). Xɨka yuri teteʼerieka pɨtatsipareewieni temɨtekuʼeirienikɨ tita haxa temɨteyurié metá matsi pɨɨtá ʼaixɨ teteyeyurietɨkɨné. Nakaterɨwa Hechos 3:19. *
2. ¿Hiipame kepetiwarupareewiwe?
Pepɨyɨwe yeme Jehová pemɨtiutixaxaatɨwani hamikuya pehɨɨkɨtɨ
Kauka ʼatinekunanaake hiipame pemɨtiwakuxaxaatɨwani tita pemɨretimaamate, teyunaitɨ pɨtatsinaake niuki ʼaixɨ ʼanuyɨtɨkaime temɨkuxaatani. Petiyuyeʼɨɨkitɨaximetɨ Bibliatsíe, Jehová Niukíeya ʼaixɨ petiuʼɨɨkitatɨ pepayaaní metá mɨkɨ tita ʼaixɨ mɨtiyurieni teuteri waheetsíe miemekɨ. Nakaterɨwa Romanos 10:13-15. *
Pepɨtiukatsutɨawe petiwakuxaxaatɨwatɨ ʼanuiwarima metá ʼahamikuma haxa pekatiwaʼeritɨatɨ. Pekatiwakɨhɨawetɨ kenaame tita memɨteʼayexeiya katiyuri, matsi pɨɨtá ketiniwarutaxaatɨa tita Yuútsi ʼaixɨ tiʼaneneeme mɨtiʼatɨani. Kenayeʼeriwani teuteri xeikɨ́a mepɨkaʼɨwiya kepemutaine matsi pɨɨtá kepemɨtiyeyuriexime. Nakaterɨwa 2 Timoteo 2:24, 25. *
3. ¿Kepetiyurienetɨ Yuútsi hamikuya pepayeiwé?
Bibliatsíe petiyuʼɨɨkitɨatɨ pɨʼatsipareewieni matsi yuri pemɨtiʼeriekakɨ metá Jehová ʼaixɨ pɨʼatixeiya ʼahamiku payaaní. ʼEkɨ Yuútsi nuiwarieyatsíe peʼuyeikatɨ pepayeiwé. Nakaterɨwa 2 Corintios 6:18. *
4. ¿Títa matsi ʼatipareewieni Yuútsi ʼɨkitɨarikaya pemɨkuʼeniwanikɨ?
Peukatikuhayeikawani Yuútsi Niukíeya peʼaʼɨɨkitɨatɨ (Hebreos 5:13, 14). Xeime Jehová Niukíeya xaxaatame keneutawawiri mɨʼatitiʼɨɨkitɨanikɨ Bibliatsíe, xapakɨ ¿Qué nos enseña la Biblia? Xɨka matsi peretimaamateni, yeme peʼatemawietɨ pepayaaní ʼatuukaaritsíe. Nakaterɨwa Salmo 1:1-3 * metá 73:27, 28. *
Yuútsi mɨyutemawie pɨtiuterɨwarɨwa, ʼayumieme tepayeʼeeriwani Bibliatsíe niukite mayehú ʼaixɨ ʼanuyɨtɨkaitɨ́ Niukíeya pɨhɨɨkɨ, xɨka teʼuyukuxexeɨriwani Yuútsi ʼaixɨ tatixeiyatɨ payaaní (Hebreos 10:24, 25). Xɨka Jehová kemɨtinaake yepetiyeyurieximeni pepɨkaxeiya tuukaari yuri mɨhɨɨkɨ: tuukaari kaxɨɨweme. ʼAyumieme yeme ʼaixɨ kaniʼaneni Yuútsi peʼayexeiyatɨ peukatikuhayeikawani. 1 Timoteo 1:11 * metá 6:19. *
^ párr. 1 Jn 17:3: ʼIkɨ kananuyɨneni tuukaari mɨkaxɨɨwe, memɨʼatsiʼakumaiká, pemɨyuxewí yuri Yuútsi, metá keane pemeyanɨʼa, Ketsukɨritsitu.
^ párr. 1 Jud 21: xemɨhɨɨkɨtɨnikɨ keane Yuútsi mɨwanakeʼerie, mexi xetetakwewie xemɨtanenimayatsienitsíe taʼUkiyari Ketsukɨritsitukɨ metá mɨpaɨ tuukaari mɨkaxɨwe xemanukuʼaaxekɨ.
^ párr. 2 Hch 3:19: »ʼAyumieme, xeneuyutiheiweri haxa xemɨteʼuyurikɨ, metá xenanuaxɨa ʼaixɨ xeteyurietɨ, mɨtikumawiriyarienikɨ xeʼixɨrikiyate, Jehová mɨxetsikaʼuxipitɨanikɨ
^ párr. 3 Rom 10:13-15: Metá «keane Jehová mɨkuhɨawe nenewierikatsíe ʼikuhɨawetɨ kemɨtitewá mɨkɨ pɨtawikweitsitɨarieni». Metá, ¿kehepaɨ meteʼihɨawé nenewierikatsíe xɨka heetsiena yuri mekateʼerieka? ¿Kehepaɨ yuri meteʼerietɨ mepakɨɨné keane heetsíe memɨkaʼenawawe? ¿Kehepaɨ meteʼená xɨka xewitɨ katiwaraxaxaatɨwani? ¿Kehepaɨ metexaata xɨka xewitɨ kawarutanɨʼani? ʼUtɨarika mɨreukuʼutɨarietsíe hepaɨ: «¡Tsimepɨteyuhekɨ́a niukíte ʼaixɨ ʼanɨyɨtɨkaime tihehékwame heetsíe mieme memɨtekuxaata!».
^ párr. 4 2 Tim 2:24,25: Metá ʼUkiyari tiʼuximayatsiriwame kwahauyehɨwá mɨyumieneni, matsi pɨɨtá meyunaime wahetsɨa ʼaixɨ pɨtiukaʼiyaarini, rakumaitɨ́ mɨreutaʼɨɨkitawenikɨ, yapauka kaʼuyahaʼaawetɨ mɨnanaimariekatsíe, tiwakɨʼɨɨkitɨwatɨ ʼaixɨ yari keane ʼaixɨ tiʼaneneeme memɨkateʼenieku; xɨari Yuútsi pɨwarupareewiwe memɨtekuʼeirienikɨ tita haxa memɨteyurié metá mɨpaɨ mepɨyɨwekaxɨani yeme memɨtehetimaanikɨ yuri heetsíe mɨtimieme,
^ párr. 5 2 Cor 6:18: «Metá ne xepaapa nepayaaní, xeme tá neniwema xepakɨɨné, kanaineni Jehová Naime Mɨtikema».
^ párr. 6 Sal 1:1-3: ʼUkí pɨyutemawie kepauka haxa memutiyuane waʼɨxatsika mɨkakɨʼeniwatsíe, metá memɨʼixɨrikimatɨká wahuyetsíe mɨkaʼuyeika, metá memɨteyuyuriyá waʼɨɨparitsíe mɨkaʼayeixá. Matsi pɨɨtá Jehová nɨʼarikayatsíe temawierikaya payemieme, tuukaarikɨ metá tɨɨkaarikɨ nɨʼarikayatsíe pɨtiutiterɨwa yumaitɨ. Metá yeme ʼiteɨri ʼakiʼutɨa haa ʼuhanekaku tetsita mukawe hepaɨ ʼaneetɨ kanayeimɨkɨ metá tuukaarieya mayaʼaxetsíe ʼikwaxi katineukayaxikeni, metá xawariyari pɨkaʼutiyɨnare, naime kemɨtiyurieni yeme ʼaixɨ katiniyeyeimɨkɨ.
^ párr. 6 Sal 73:27,28: Yurikɨ, keane ʼahetsɨa tewapaitɨ memuʼuwa mepɨkwiní. Pepɨwareuyehɨaní, keane meteʼixɨrikimatɨ memɨʼatsiʼukuʼeʼeiriwa. Neheetsíe miemekɨ tá, ʼaixɨ pɨʼane Yuútsi ʼaurié hurawa nemuyeikani. ʼUkiyari ʼIitsɨɨkame Jehová nepukuwau netsiʼɨwiyanikɨ. Naime pemɨtiutiwewi nemɨtikuxaatanikɨ.
^ párr. 7 1 Tim 1:11: maitɨká hepaɨ niuki yeme ʼaixɨ mɨʼanene Yuútsi muyutemawie heetsíe mayemieme, nemuhɨritɨarie ʼaku.
^ párr. 7 1 Tim 6:19: xɨka ʼikɨ hepaɨ xeteʼuyurieni, xepɨteʼuutani Yuútsi ʼaixɨ tiʼaneneeme mɨtiyetúa, mɨpaɨ ʼaixɨ pɨxetipareewieni tuukaarite makamietsíe metá xepɨkawɨre tuukaari yeme mɨhɨɨkɨ heetsíe.
Xɨari ʼikɨtá metsiʼunakiwe
XEƗRITSIKATE
¿Ketiutiyɨne taSalones del Reino taɨtá?
Keneutahakí Salón del reino pemɨretimaanikɨ ʼakɨmana.
TIKUXAXAATSIWATƗ TAHEETSÍE
¿Títakɨ Biblia hetsíe teteyu’ɨkitɨaka?
Meyuwaɨkawatɨ teuteri Kwieépa memɨtaama Yuútsi Niukieyatsíe mepɨteukaxexeiyá tita kwinié memɨteheumaiku. Tematsi’inié pemɨti’ati’ɨkitɨanikɨ tahaámatɨa ’ikɨ xapatsíe mɨrayemie ’aixɨ ti’aneneetɨ tita tatuukaaritsíe yeme mɨreuyewetsé.
