saval 10
bhavishya ke baare mein bible kya vaada karti hai?
“nek log dharti ke vaaris honge aur us par hamesha ki zindagi jeeyenge.”
“prithvi hamesha kaayam rehti hai.”
“woh maut ko hamesha ke liye nigal jaayega, saare jahan ka maalik yahova har insan ke aansoo ponchh dega.”
“us vakt andhon ki aankhein kholi jaayengi aur behron ke kaan khole jaayenge, langde, hiran ki tarah chhalaang bhareinge aur goongon ki zaban khushi ke maare jayjaykar karegi. veerane mein paani ki dhaarayen fut nikleingi aur banjar zameen mein nadiyaan umad padeingi.”
“woh unki aankhon se har aansoo ponchh dega aur na maut rahegi, na maatam, na rona-bilakhna, na hi dard rahega. pichhli baatein khatm ho chuki hain.”
“woh ghar banakar usmein baseinge, angooron ke baag lagayenge aur unka fal khaayenge. aisa nahin hoga ki woh ghar banayen aur koi doosra usmein rahe, woh baag lagayen aur koi doosra uska fal khaaye, kyonki mere logon ki umra, pedon ke samaan hogi, mere chune huye apni mehnat ke fal ka poora-poora maza leinge.”
