pehala itihas 13:1-14
13 daavid ne saikdon aur hazaron ki tukdiyon ke pradhanon se aur har aguve se salah-mashvira kiya.+
2 fir usne israel ki poori mandli se kaha, “agar tumhein sahi lage aur hamare parmeshvar yahova ko manzoor ho to hum israel ke sabhi ilakon mein rehnevale apne baaki bhaaiyon ko khabar bhejeinge aur yaajkon aur leviyon ko bhi, jo apne un shehron mein hain+ jinke aas-paas charagah hain, khabar bhejeinge ki woh sabhi aayen aur hum sab milkar
3 hamare parmeshvar ka sandook vaapas le aayen.”+ kyonki unhonne shaaool ke dinon mein sandook ki dekhbhal nahin ki thi.+
4 poori mandli sahmat hui kyonki sab logon ko yah baat sahi lagi.
5 tab daavid ne misra ki nadi* se lekar door lebo-hamat* tak rehnevale sabhi israeliyon ko ikattha kiya+ taaki woh kiryat-yaareem se sachche parmeshvar ka sandook le aayen.+
6 daavid aur poora israel baala+ yaani kiryat-yaareem gaye jo yahooda mein hai taaki vahaan se sachche parmeshvar yahova ka sandook le aayen, jo karoobon par* virajman hai.+ usi sandook ke saamne log uska naam pukarte hain.
7 magar unhonne sachche parmeshvar ke sandook ko ek nayi bail-gaadi par rakha+ aur abeenadab ke ghar se le jaane lage. ujjah aur ahyo gaadi ke aage-aage chal rahe the.+
8 daavid aur poora israel sachche parmeshvar ke saamne poore dil se jashna mana raha tha. woh surmandal aur taaronvale doosre baaje, dafli,+ jhaanjh bajate,+ turhiyaan foonkte aur geet gaate huye jaa rahe the.+
9 magar jab woh keedon ke khalihan pahunche to aisa hua ki bail-gaadi palatne par ho gayi. tabhi ujjah ne haath badhakar sandook pakad liya.
10 is par yahova ka krodh ujjah par bhadak utha aur usne use vahin maar daala kyonki ujjah ne haath badhakar sandook pakad liya tha+ aur woh parmeshvar ke saamne mar gaya.+
11 magar yah dekhkar ki yahova ka krodh ujjah par bhadak utha, daavid bahot gussa hua. isi ghatna ki vajah se woh jagah aaj tak peres-ujjah* ke naam se jaani jaati hai.
12 us din daavid sachche parmeshvar se bahot dar gaya aur usne kaha, “main sachche parmeshvar ka sandook apne paas kaise laaunga?”+
13 daavid sandook ko apne shehar daavidpur nahin laaya balki use gat ke rehnevale obed-edom ke ghar pahuncha diya.
14 sachche parmeshvar ka sandook teen maheene tak obed-edom ke gharane ke paas hi raha aur yahova obed-edom ke gharane par aur uska jo kuch tha us par aasheeshein deta raha.+
kai footnote
^ ya “sheehor.”
^ ya “hamat ke pravesh.”
^ ya shaayad, “ke beech.”
^ matlab “ujjah par bhadak utha.”
